وإذا ودك تبي تعرف وش آخر قصة الترحال

	مما راق للتلـــــــيـــــــدي قصة الترحال تبي تسأل عن أحوالي تعال وشوف كيف الحال تعال وشوف ضيم الوقت جاب العمر ما جابه وإذا ودك تبي تعرف وش آخر قصة الترحال أنا توي غريب ضاع يسير بسكة أحبابه أجل عمرك سمعت بشخص عايش داخله زلزال عجز (رختر) عقب همه يقيس الهم ويقرا به يهد آمال في جوفٍ يعمرها سنين طوال يهد ولا بقى غير الضياع وحفنة ترابه دريت إني عقب ما صار أشيل من ال* جبال ودريت إن الزمن يومه تلفت كشر أنيابه أنا دنيا من الحرمان يعصفها سراب اللآل كسر في داخلي رمحه ومنه الروح منصابه تعالى وجمّع جروحي وفرقها على الترحال تلاقيني عمر ضايع وفيه **** تتشابه وإذا ودك تبي تعرف عن أحوالي وكيف الحال تجي ذاك المكان اللي تعرف إنه من أسبابه