يا رب

{ يــــا رب ..



يارب أنا في روض عفوك تنحيت
عن البشر وذنوبها جيت تايب

وعن سربة الغاوون يارب صديت
لاجئ بوجهك عن دروب النوايب

اصبح على ذكرك واناجيك لمسيت
وارفع بكفين الرجا ولكْ . آيب

اغفر ذنوبي يامقدس حجا البيت
لاصرت عن دنيآي راحل وغايب

في حفرة(ن) واسمع وانا الراحل الميت
قرع الخطى من عند روس النصايب

راحو هلي بقيت وحدي وناديت
عاد الندا في وسط الاظلاع هايب

لابه لقب/ لا شعر/ لامجد/ لاصيت
ولاعاد به فزعات ربع وقرايب

ظلام موحش ضيق ف اقصاه حليت
موقف يخلي صم الاحجارذايب

الصمت مطبق ف الزويا وانا اصغيت
والخوف اخذ من كل الاركان نايب

واقبل ملك يسئل يحاسب ورديت
بللي عملت ودمع الاجفان رايب



مشهد يموت به الحكي غير ياليت
ودربِ يخلي حاجب الطفل شايب



يارب قبل الموقف اللي ذكر جيت
ولاتردني يارب الارباب خايب


انا اعترف في دنيتي غصب سجيت
احسب عدال الدرب , والدرب عايب

ذنبي تعاظم والعفو منــــك لخطيت
ورحمتك ساقت للهشــــــيــم السحايب

ومهما غفلت وفي ســـباتــي تماديت
ومهماعلى الرغــبــــات سقت الركايب

اليوم انا في اعتاب عفــوك تـنحيت
مستغفر ِ شاكر لفضــــلك وتـــايب

م/ن


تليدي وافتخر