ليت اليالي علمتني وش يضم كتابها

الله يعين اللي همومه كل مايمل تخيب
ليت اليالي علمتني وش يضم كتابها

ماكان خليت الضحوك اللي يجاملني قريب
ولا زعلت من الرجال للي كثير عتابها

ياقلب لاتشكي ترى وجه الزمن ماله صحيب
مافيه عين الا وزار الهموم اهدابها


واللي مايشكي من ظروف الوقت يشكي من حبيب
واللي ماهو صوب الفتن في هازمن يبلى بها


والحظ حبلن مايشاف تخايله عين الرقيب
ناسن يحدرها وناسن حظها يرقى بها

فلا تكاثر لك قليل ولا تعجب من عجيب
عش والدروس مشرعه والسنين ابوابها

والمستفيد من التجارب كل ذو عقلن لبيب
ولا البليد يشاهد العبره ولا يشقى بها

وانا ماقول اني ملك انا بشر اخطي واصيب
انا استفدت من اليالي اللي تحد انيابها


هي علمتني بأن مابه شي فا الدنيا غريب
وعلمتها كيف العقول اظفر بكسب اعجابها

كم لي وانا اضمد جروحن فالحشى عيت تطيب
اخاف لهرج والعواذل يعرفون اسبابها

اسكت مادام ان الصراحه في زمان الكذب عيب
خايف تطيح الخيمه بعمدانها واطنابها

الكلمه اللي ماتلم الشمل ديد بلا حليب
والجمعه اللي ماتعز الروس وش يبغى بها
.
.
احيان اقول اضرب على العشره وابو العشره صليب
لاكن تحكمني قوانين العرب وادابها

ودك شبابك لافعل يفخر بفعلته المشيب
ولا استرح وعزوم قلبك لاتحث اركابها

عز الله اني مادفنت الحقد في الصدر الرحيب
متساويه في ناظر حضرالعرب واعرابها

ومادامني ماطالب العالم ولا ليه طليب
كني ملكة المملكه بسهولها وهضابها

لاكن قل للي مايفقد لو يطول به المغيب
الناس تملك بعضها بافعالها واخطابها

واضحك ترى الدنيا ما تظحك لك يابو وجهن كأيب
وادله مادام العين ترعاها عيون احبابها

والعز في تقوى الاله الواحد الفرد المجيب
ماهوب في الموال العرب والوانها وانسابها

ايلاف ,ام هتان ,السفيره معجبون بهذا

قصيده رووعه وأبيات واضحه

تسلم نادر
دام نبضك

واضحك ترى الدنيا ما تظحك لك يابو وجهن كأيب
وادله مادام العين ترعاها عيون احبابها



ابيات مميزة
سلم البنان اخي النادر

هي علمتني بأن مابه شي فا الدنيا غريب
وعلمتها كيف العقول اظفر بكسب اعجابها

كم لي وانا اضمد جروحن فالحشى عيت تطيب
اخاف لهرج والعواذل يعرفون اسبابها

اسكت مادام ان الصراحه في زمان الكذب عيب
خايف تطيح الخيمه بعمدانها واطنابها

الكلمه اللي ماتلم الشمل ديد بلا حليب
والجمعه اللي ماتعز الروس وش يبغى بها


روعه يا النادر
دمت ودام تألقك

كلمات في غاية الروعة
/
جميلَ م انتقيت واخترت لناَ "
أشكركَ على إختياركِ المُميزَ والمٌحمل بـ الروائع القيمةَ
الله يعطيكِ العآفيةَ ويسعدك
بـ جمالَ حضورك ونشاطكِ
.
.
لك كل الورد محمله بباقآت الشكر
🌸🌸،,

كل الشكر لهذا المرور الجميل والرائع...