سجل حضورك ببيت شعر

بعض البشر ياتي على جروحنا شاش
وبعض البشر يخفي علينا دواها

لكن على م قيل عيني لك ( فراش )
والعين الأخرى لـ الرفاقه غطاها

اكبر مع الايام و اشطب علاقات
‏ واطوي يدين الوقت وامد ساقي

‏ ما عاد تفرق سود الايام لو جات
‏ اسود من اللي فات ماظن باقي

‏جيتك قصيد والقلم ضاع حبره
‏من وحشتك والبعد مثقل خطاويه
‏.
‏ضميت لك والقلب عطشان صبره
‏اشتقتلك والشوق طالت مساريه

‏لا تراقب حالتي بـ أخر ظهور
‏أنت فـي وسط الحنايا متصل
‏.
‏لو غيابي طال ساعات وشهور
‏ما تغيب بداخلـي مهما حصل

تدري وش اللي بالخلايق يمشيك
ويحط لك بالناس .. قيمه و شيمه

طيبك و أخلاقك و صادق مباديك
ونفس بشوشـه بالتعامل حشيمـه

ياروح روحي وش الي جاك
عنيتني فوق مافيني
وواجد حالي على فرقاك
وش له تروح وتخليني
احسبك تمزح علي بحكاك
الين منك بكت عيني
حتى اسمي اسمعه عند ادعاك
ولانت مقفي ماتوحيني
مع الزمن ماقويت انساك
ياليت وقتي ينسيني
صوت المطر عوّد ابذكراك
والغيم كنه يداريني

‏خـذيت قـسمي مـن غرابيل الأيام
‏وأخذت من بعض المخاليق عبره
‏.
‏وعرفت بـ أنك حلم من ضمن الأحلام
‏تـزورنـي بـ اللـيـــــــل وتغيب بـكــــره

نُخفي الوله وقلوبنا كلها شوق
‏وعيوننا تِفضح غراماً خفيناه

‏نِكتب مشاعرنا تَحت راية الذوق
‏والحرف من جوف الحنايا كتبناه

اللي سعى لحلمه .، لقاه
حتى و لو دربه طويل .،

عندي قناعة بالحياه .،
مافي كلمة ( مستحيل )

كنت محتاج الوصل ، لكن خلاص
خل وصلك لك .. وسلم لي عليه :)

‏ماكنت قاسي ولاكان القسا فيك
‏تغيب وتحن وتفارق وتشتاق

‏شف شي غير الفراق الله يخليك
‏ماعاد باقي بعيني دمعة فراااق

‏لـو كل شي فينا عـرفنا نقوله
‏ما كان ربي حط بعيوننا دمع

ابعد عن اللي يبـغـضك مايدانـيـك
خلك عزيز النفس جنب مساره

واحرص على اللي دوم بالخير يطريك
اللـي عن الزلات يحـفـظ وقـاره

بشعل الدنيا عبير و بطفيها عبير
و لا بناشد من مدحني و لا من ذمني

جيت للدنيا كبير و بفارقها كبير
و من زعل ما همني و من رضى ما همني

صمتك عن الزلات خُلق وشجاعه
تكبر بعين الي على الطيب رباك
خلك سوات الضلع عزم و مناعه
لايزعلك هرج ناسن لو تقفاك