ودك تشوف الذل في صورته صح...شف دمعة الفرقا على خد رجال

قصيدة جميلة وعذبة للشاعر / منصور الخنفري


(( ودّك تشوف الذلّ.في صورته صحّ ؟شف دمعة الفرقا..على خدّ رجّال ))


إجرح وأنا بَبْكي على قلبي إجرح


مادام لي قلبٍ يسامَحْك في الحال


قلبٍ يسامح وانت تجرح ويَدْمح


أبكيه؟ولاّ أبكيك؟ ولاّ ابكي الحال؟


قلبٍ على ذكراك يمْسِي ويصْبَح


صَبرَه طويلٍ لكن مْعاندِك طال


قلب ٍ تركتك فيه تسرَح وتمرَح


مِحتاج..حكّمْ داخل القلب.. محتال!


لو تدري المجروح وشلون يفرح


وقَفْت له مِن دَهشتِك. وقفة إجْلال


يفرَح. فرَح. مترقّب الموت. إذا أصْبَح


وهو بظنّه تالي الليل رحّال


ولاّ فرح. خاسر تجاره. بمرْبَح


فرحة غريقٍ .ساقه الموج للجال


لاشاف وجهك باسمٍ وانت تجرح


أو شافك بجرحه مع الناس تختال


ودّك تشوف الذلّ.في صورته صحّ ؟


شف دمعة الفرقا..على خدّ رجّال


ولاّتشوف الذلّ في صوره أوضح ؟


شف بسمة المقتول. في وجه قتّال

منقووول

قصيده قويه جداعزالله يبي يصبر لمن يقطعه
بس لوطبق الكلام اظن انه ينسحب ههههه
وبيني بينك اذا صارت القصدة مبااااالغ فيها
تفقد جمالها في نظري انا لكن متى كانت صحيحة (اي متزنه)
تشوف زينها لأنك تقراها ولما تكون صحيحة
لا اراديا انت تقول صح في نفسك ونت تقراء هذا رأيي
ما ادري من يوفقني الرأي (ويش رايكم نقلبها نقاش هههه)
شكرا ابو سليمان انت رائع

تسلم ابو سليمان
دائما تاتي بكل جميل

يعافيك ربي ع النقل ...

نقلٌ مميز
شكراً يالغالي
ودي..!!

ابو مسلم


نقل مميز جدا

دمت ودام تميزك

أخواني


شرفني مروركم وسرني تواجدكم


وأبهجتني مشاركاتكم وتعليقكم وفقكم الله وبارك فيكم