قصيدة (الكفو يبقى كفو مهمـا تقـول الرخـوم )

الكفو يبقى كفو مهمـا تقـول الرخـوم

ياليل لو تاهت دروبك نعـرف النجـوم
نـدرك دروب الوطـا بمعلقـات السمـا

ناصل هدفنا ولو تاصل لـدق الخشـوم
جعل الضعيف يمـوت ولا يجيلـه نمـا

الكفو يبقى كفو مهمـا تقـول الرخـوم
عنده كبار البـلاوي كنهـا شـرب مـا

وأكبر مصيبـه تجيـه يلفهـا فالكمـوم
إمـا كـذا يسمـو الرجـال ولا لـمـا

يعيش بين الرجال وهو صوت وهـدوم
يبيّن الرجل من شبـه الرجـل عندمـا

يحل وقت الشدايـد ثـم تبيـن العـزوم
فالموقف المحرج إن كان الوطيس إحتما

الحر يبقى على اسمه حر والبـوم بـوم
الوقت علمنـي إبمـا لـم اكـن أعلمـا

من لاتعلم من دروس الدهـر كـل يـوم
لعـل عينـه وسمعـه للعمـا والصمـا

يامكبرين المراكـي للحكـي والشحـوم
يجمعكـم الحكـي ويفرقكـم الـلازمـا

ياطيبكـم فالرخـا ياقشركـم فاللـزوم
مثل الغرى في حلوق إرجالكـم مثلمـا

وانا ليا شفتها عوجـا ختمـت الختـوم
صدرتها عاجلـه حتـى تسيـل الدمـا

انا احمد اللي قسم لي من خيار القسـوم
ماهي بلقمة ضعيـف ٍ ماتصـل للجمـا

أسج رجلي مع أرض الله وأدك الحـزوم
اموت ماانظر ورى واعيش مانـي كمـا

رجل ٍ يكمل فـراغ وهـو مالـه لـزوم
مايقدم ولايوخـر شـي وسـط الحمـا

لاصار يربطني فبعض العرب (دوت كوم)
ياجعلهـا للذهـايـب والفـنـا إنـمـا

يربطني الطيب والنخوه وخـوة قـروم
ماهي بخوة عمـا يقـود رجـل ٍ عمـا

النت مايضيع إمن أهل السلوم السلـوم
وإن ضاع درب الوطا عندك دروب السما

والله انك كفو يا ابو مسلم
صح لسان الشاعر
طرحك مميز اخي مفرح
واختيارك رائع جدا
دمت ودام تألقك

أخي الحبيب


الشيخ الفاضل ( أبا فواز )


والله ما عليك زود وأنا أشهد أنك كفو


وأمثالك قليل في زماننا هاذا بل والله أنت رمز من رموز آل تليد


ومهما قلت فيك من كلمات المدح والثناء فأنت والله تستحق أكثر من ذلك بكثير


وفقك الله أخي لكل خير ورزقك من حيث لاتحتسب

مفرح
اي والله واثني ع كلام ابو فواز
امنك والنعم فيك وف اصلك
دائما تعجبني قصايدك تكون عن المرجله والنشامه
بارك الله فيك دائما مميز اخوي

أختي الأصيله


الخيالة السعوديه


شكرا الله لكي التواجد والمشاركه


وفقكي الله وبارك الله فيك على ما تقدمين لهاذا المنتدى