مجاراه مع شاعر من الاردن

مجاراه مع الشاعر عيد الخزاعله من دولة
الاردن الشقيقه
متعب:
ياقلب لاتشــــــــــكي همـوم الليالي
ترا الليالي تدور ســـــــــــاعه بساعه
يوم(ن)بيصفي لك وهو ماصـــفى لي
ويوم(ن) بيصفي لي وتشكي التياعه
هذا ظـــــــــروف الدهر يابن الحلالي
ناس اغنياء لكن تشـــــكي المجـاعه
وناس(ن)بليى مال في اســر حـالي
ومريض قلب(ن)ماتفده الاشــــــاعه

عيــد:
الصاحب اللي كان عالقلب غــــالي
ما شفت منه غير هجر وقطـــــاعـه
من كثر ما هو يغيب لاهو مبالـــــي
حتى غدا للصد عنــــــدي مناعــــه

متعب:
ياصاحبي هيضت شين في بالـــي
ايام لي صاحب وخان الوداعـــــــــه
كنا سوا نسكن في تلك الجـــبالي
لكن راحو للمــــدن ثم ضــــــــــاعه

عيــد:
يا صاحبي لي شوق ماله مثالـــي
مزيون مثل البدر وحلوه اطـــــــباعه
مغرور يذبحني بكـــــــثر الدلالــــي
واسمه طبعته فوق صـدري طباعه

متعب:
انا مريض(ن)كيف بالقـــى الدوا لي
ياالله يرحمن منك الشــــــــــــفاعه
قد طحت في بحر الهوا والهــــوالي
والبحر يا كبـــــــر البحـــــر واتساعه

عيــد:
يا بحر يا ما فيــــــك راحوا غــــوالي
هدي امواجك صاحب العشق راعه
قال البحر من وقت هذي احـــوالي
من طاح بحر الحب يحكم شـــراعه

متعب:
البحر مالح ياالخــــــوي ماصفى لي
مالي على شربه يــاخوك استطاعه
احب شرب الماي صافن زلالــــــــي
ماني من اللي مايثمـــــن متـــــاعه

عيــد:
يا زين ما ســـــويت يا بعد حالـــــي
معروف ما تشري رخيص البضــــاعة
صقرن نظرته دايمـــــــن بالعلالــــي
والشمس ما يخفى بكــفن شعاعه

متعب:
كلام ابو امجد مثل شــــــمع حالـي
يشفي جروح القلب من غير اشاعه
تسلم وتبقي يا عــــــزيز الـرجـــالي
ياقصر مربوعــــــن قطــــــــين رداعه

عيــد:
اسال ولا بلقى جواب لســــــــؤالي
وادري بانك فيك كل اســـــــــتطاعه
يا متعب اللي من عنا القلب خـالي
معقول هو انسان والا اشــــــــاعه؟

متعب:
هذا هجوس القلب يابن الحــــلالي
فلاتفكر بالذي جـــــــــــــــاء وضاعه
هواجسي تسري في بحرن خيالي
ولا شـــكيت الهــــــم ياخوك ساعه

عيد:
الهــــــم عــــنك زال والغم زالــــــي
الله يجملنا بتقــــــــوى وطاعـــــــــه
الحب ودانا لــــــــــدرب الهــــــبالي
خلاص تبنا من الهــوى ومن اوجاعه

مع تحيات متعب الريثي

صح لسانك اخي متعب شاعر جزل
ومجاراة مرة جميلة

استاذي الغالي ابو فواز صح بدنك ولاهنت
شرفتني بمرورك لاعدمناك تحياتي لك
اخوك متعب علي الريثي