قصيدة الشاعر فارس بن احمد اللغبي ...

قصيده مهداة لمركز ومدرسة قوات الدفاع الجوي بجدة
من الشاعر
فارس بن احمد اللغبي العبدلي
في 26/8/1437هجريه
بمناسبة تخرجه من الفرد الأساسي
^^^^^^^

بديت ب أسمك يالغفور الودودي
ي عالم كل الخفايا والاسرار
ي مهلك عاد الطغاه وثمودي ويا منجي ابراهيم من واهج النار
والثانيه سلام يثبت وجودي
ينقش على صم الجلاميد تذكار

ي هاجسي جيب التردد عموودي
بالصوت والصورة تصل كل الاقطار

اليوم فرحتنا تزوود وتزوودي
شعت لها شمس التخرج بالانوار

والفل والكاذي وحلو الورودي
زارت تخرجنا معا باقة ازهار

والحمد لله خالقي ومعبودي
اللي حباني موهبة نضم الاشعار

حتى اعبر عن سرور الجنوودي
واوصف سعدنا ي طويلين الاعمار

ي قائد المركز جنوودك اسودي
شجعان لحدود الوطن حصن واسوار

الشهم منا عن كتيبه وزودي
نحمي حما الموطن ونكفيه الاخطار

منك تعلمنا نحط القيودي
بأيدين عدو الله ونحمي حما الدار

من قبل ربينا نعادي اليهودي
وهنا تعلمنا مهارات وافكار

دفاعنا الجوي رقى له سنودي
الركن الاقوى ثابت دوم ما انهار

يحمي سمانا من غراب الحسودي
قوة حبانا الله معا عزم واصرار

نرغم بها أنف العدو الحقودي
ونخوف الغرب الدنيين الاشرار

حنا عيون المملكه فالوجودي
نلعن ثوى الباغي بلمسه لﻷزرار

وإن عاد عدنا واللهب له وقودي
وانطلعه من وسط جحره والاوكار

لي موطن في وجه الاعداء طودي
سبحان من ميزه من بين الأمصار

فيه النعم والأمن دايم يسوودي
به مكه الطاهر ومسكان الانصار

والقايد الأعلى وفهد الفهودي
ستر العذارا الغيد ومأمن الجار

الحاكم العادل صدوق الوعودي
اللي رفع قدر السعودي للاقمار

ونايبينه أهل عزن وجوودي
أسره ابوها صامد وابنها بار

والجيش من دون المواطن يذودي
يحموا ثراه ويردعوا كل مكار

بين النواصي طلقنا والعضودي
نرسل سهومك يالمنيه بمقدار

نشوش والله وان بغينا الركودي
نركد ونتحقق ونحسب ونختار

بأمر الملك سلمان نار الوقودي
تحرق بها جناح المعادي ليا طار

حنا حماة الدين نوفي العهودي
عهدن علينا نحتذر كل غدار

من دون بيت الله فتلنا الزنودي
ونعاهد الدوله ونسهر بالأسحار

نطعم خناجرنا بحمر الكبوودي
والخنجر الفاتك معه سيف بتار

نستأصل جذور العدو الحقودي
ونقطع الاغصان ونزيل الاثار

لو سال سيل العدو حنا السدودي
مادامنا نمشي على نهج الابرار

رفعت راسي ليش لأني سعودي
اقولها واثق ولانيب محتار

دعيت ربي في صلاة السجوودي
يحرس بلدنا من مكاييد فجار

وختامها صلاة ربي تزووودي
على النبي بعداد زخات الامطار

قصيدة مميزة واختيار مميز
سلم لنا ذوقك راعي الفزعة وصح لسان الشاعر

المشاركة الأصلية كتبت بواسطة الحره

قصيدة مميزة واختيار مميز
سلم لنا ذوقك راعي الفزعة وصح لسان الشاعر

تالقت صفحتي بروعة تواجدك

شكرا لك

… .
صح الله السان الشاعررقصيده جميله وراااائعه
ونسأل الله أن يعز بلدنا بقادته وأبطاله وحماته كلاً في مجاله وتخصصه…
ونسأل الله أن ينصر المسلمين أهل الحق في كل مكان ويرفع رايه الأسلام ويديم الأمن والأمان

والله يعطيك العافيه أخوي راعي الفزعه على جميل أختيارك…

صح بدنك اخي الغالي ابو منير
وشكراً ع هطولك الأكثر من رائع
ممتن ي كرم