  
|
 | |
 |  |
| فعاليات متجدده وممتعه عبر صفحات منتدانا الغالي |
|
||||||
| "•||"قطوف من الحكمة وبحـر الحكايا.".~. | الحكمة والمثل المنقول | |وبريقا من حديث | | القصص | | والروايات | |
 |
|
|
أدوات الموضوع | انواع عرض الموضوع |
|
#1
03-07-2018
|
|||||||||||
|
|||||||||||
تزوج ولم يخطب ولم يدفع مهر
تزوج ولم يخطب ولم يدفع مهر وش رايكم بالعنوان جميل أي والله انه زين ههههههههههههههههه السلام عليكم كيفكم ي الربع المهم اليوم معي لكم سالفة زينه وبا اقولها لكم باللهجة العامية عشان تكون اجمل لاني بكتبها كتابه وليس نسخكان فيه رجال متزوج وعايش حياة سعيدة مع زوجته المخضرمة السنعة ويوم من الايام طرى له يعرس فكلم احد اصدقاؤه واعز واحد عنده قال تكفى ي بو فلان دور لي لحرمه ويا ليت تكون من الديرة الفلانية والقبيلة الفلانية وعاد صديقه بلش فيه وده يخدمه لكن خائف يفشله يوم انه متزوج ربما يطرأ عليه امورا بعدين غير مرغوب فيها يوم انه متزوج لكن والله طلع هذا الصديق سنافي يحافظ على سمعته مع الجمالة فيمن ينخاه قال اسمع يا فلان انت رجال عزيز علي ودي اخدمك ولا اتخيب فيك لكن انت رجال متزوج والمتزوجين احيانا يخفقون من الضغوط الخارجية قال لااااا ماعليك ابد رجال . قال طيب اذن انا اعرف رجال كفو ومن قوم ونعم ومعه بنت ولو اجيه واخطب لاحد عنده ما ب يردني ابد لكن هل انت صامل مره مره قال ابد صامل صلمتين ماهي بواحده قال اذن ابشر بعزك لكن ما بمشي معك الا والمهر كاش بيدي هات المهر الحين نقدمه لرجال قبل العقد وانت دافع دافع فهات المهر مقدما لأني خائف تفشلني ولو انك وافي لكن هذا شرطي والعرس متيسر بذن الله قال ابشر كم المهر قال خمسين الف (50000) راح سحبها من البنك وراحوا لأبو البنت وبعد العشى قال خوي الخاطب ي بو فلان انا جاي اكلمك لرجال اللي قدامك وده يناسبكم والرجال معروف وكفو ومن عرب ونعم قال ابو البنت الله يحييك انت خويك وما دامه من طرفك انت ما يحتاج وافي وما بتجيب الا كفو لكن لابد نشاور البنت وامها ونرد لكم خبرهم قالوا تم راح الاب لبنته وعلمها قالت يا بوي اذا انت رضيت الرجال انا موافقه اكيد ما توافق انت الا على رجال كفو رجع لهم قال الامور ميسره وابشروا بالخير البنت موافقه لكن اعطوني مهله اسبوع نتجهز واذا جيتوا نسوي العقد والزواج بنفس الليلة وياخذ مرته بعد العشى ويتوكل على الله قالوا مايخالف وهذا المهر مقدم قال تم وراح ابو البنت يجهز العروس ومكان العرس وعزم الريا جيل وعلى قرب الموعد قام الرجال يغسل ملابسة ويعطرها ويزين نفسه ويتجهز للعرس لكن معه زوجه لماحه وعقلها عقل رجال وأزود قالت يا فلان منت بخوينا اللي نعرفه اليوم انا اشوفك متغير وش علمك المهم هو لابد يعلمها قال والله ي ام فلان انا خاطب وعرسي بكره وما ودي اخفي عليك قالت طيب اوكي وهي ذكيه جدا راح الرجال لبعض اشغاله وهي قامت على البيت ترتيبه وتبخره وزينة وركبت المزهريات وبعد العشى قالت يا فلان تعال اخذته على جمب وقالت كم لك متزوجني قال كذا وكذا قالت خلال هذي الفترة هل لاحظت على قصور مما هو مطلوب مني قال لا .. قالت هل في عيب مما يعاب على النساء ويوجب لرجل الزواج قال ..لا.. قالت اذن هذا هو جزاي تتزوج علي وش حدك تتزوج .... قال والله حاشاك مافيك قصور لكن رغبه وكذا بس قامت تعاتبه برواق ودموعها تنزل وتعاتب الرجال بأدب واحترام ولم تجرحه بشي لين والله رحمها من كلامها عليه ويوم شافته وقع قالت ابيك تغير رايك قال طيب المهر مدفوع وموعدنا بكره الرجال الحين مجهز الحفل وش اسوي قالت الحل عندي قال اذن براسك وش الحل قالت ارسل لأبوها عذر على انك مصاب بمرض خطير وبنتك ما هو صحيح تجلس معك شهرين او اربعه وتتطلق وبكذا تنحل قال وفلوسي قالت الفلوس فلس اتركها والعوض على الله والله الرجال اخذ برايها وعلم خويه قال خويه افااا وين علومك وصملتك لا تفشلنا وانت عارف ان كل شيء والم وموعدنا بكره قال ماعدني معك رح لرجال وقله انه حصلي مرض من الصعب نغش البنت حاول يشجعه خايف من الفشيلة لكن الرجال برك .. راح الرجال لاهل العروس وعرقه يتصبب مايدري وش يقول لهم المهم وصل وقال لأبو البنت هذا العلم وان الرجال يولع كيف والضيوف بالاستراحة والعشى والم والمملك بيجي الحين وعارفين ان عندنا عرس وكيف الكلام هذا وش اقول لرياجيل قال الرجال ختل بي وعفاك .... قال ابوها تدري وش علمك انت ما ودك تكون العريس قال هاه قال اللي سمعت وانه يحك راسه ويتلفت قال تدري قدام انا اصلح غلطتي ولا يهمك راح الاب للبنت وعلمها بالسالفة والتغيير اللي حصل قالت يبه الموقف مايبي له الا قدام براسك يبه اللي تشوف ما ارده وتم العرس لرجل لا خطب ولا دفع مهر ..... وسلامتكم ان اعجبتكم السالفة ف انتم من يزينها وان خابت فمن عندي
 
|
|
03-07-2018
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
رد: تزوج ولم يخطب ولم يدفع مهر
|
|
لـتكن لنا أرواح راقيــه ,, نتسـامى عن سفـاسف الأمـور وعـن كـل مـايخدش نـقائنـا ,, نحترم ذاتنا ونـحتـرم الغـير .. عنـدمـا نتحدث.. نتحـدث بِعمـق ونـطلب بـأدب .. ونشكر بـذوق ..ونـعتذر بِـصدق .. نتـرفـع عـن التفاهـات والقيـل والقـال نحب بـصمت.. ونغضب بـصمت وإن أردنا الـرحيل .. نرحـل بـصمت ....
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
