بالقلب

خلها بالقلب وانسى لا تفكر
دام شي راح لا تحسب حسابه


لو هقيت بيوم ان بالك تعكر
هي كذا الدنيا ماهي دايم طلابه


بس لا تنسى بعد هذي تذكر
ما يطيق الجرح من ذاق الاصابه


مثل صدمات الرفيق ليا تنكر
خابت الهقوه وخاب الي هقابه


البخيل الي قفل بابه وسكر
ما اظن ان الكريم يطق بابه


ومن جهل فرق المؤنت والمذكر
لا تحرى منه مضمون الاجابه


ومن يسوى به جميل ولا تشكر
ما يعرف المرجله حضرت جنابه


وانت يالي جامعا بالملح سكر
ضعت ما بين التناقض والتشابه


لا نضرتك قلت نور الصبح بكر
كيف جاء مدري لكن الله جابه


المهم ابيك تنسى لا تفكر
دام شي راح لا تحسب حسابه

منقول

ابيات جميلة ورائعة يسلم ذوقك

منقول جميل وكلمات أجمل
سلمت تميم وربي يعطيك العافية

المشاركة الأصلية كتبت بواسطة تميم

مثل صدمات الرفيق ليا تنكر
خابت الهقوه وخاب الي هقابه

البخيل الي قفل بابه وسكر
ما اظن ان الكريم يطق بابه

منقول

سلم نبضك وقريحتك اخي تميم على المنقول الرائع
الف شكر وتقدير

ابوفواز والسوسن وندى الجنو
يسلموو لمروركم العطر
ولاعدم