على كثر اتصالات الخلايق في صباح العيد

على كثر اتصالات الخلايق في صباح العيـد =أنا والله ماكنت اتحرى غير جوالك


تحريت اتصالك انـت يالغالـي وبالتحديـد =لان العيدما اظنه يجي وما جيت في بالـك

تصوّر كيف مر العيد من تنكيد فـي تنكيـد =وانا ماغير اهوجس بك وانادي واتحرالـك

وجوالي غدى مثلي تنهـد واكثـر التنهيـد =يقول: ابطى عليك وقلـت: العلـّه بارسالـك

وقمت اكذب على نفسي واقول بصيغه التاكيد =اكيد الحين يتكلم وانـا ادري ماطرينـا لـك

على مايبدو اني كنت عن بالك بعيـد بعيـد =حرام ارجوك صدقني انا ما استاهل افعالـك

انا ملكك وانا دايم على ماتشتهـي وتريـد =انا وياك تعرفنـا كمـاالمملـوك والمالـك

انا رهن اصبعك اشر ومن هالإيد الى هالإيد =على كل اعتباراتـي انـا طفلـك ورجّالـك

واذا غايتك تذبحني فما انت بحروة التأييـد =توكل وانت تلقاني متى مـا تنـوي إقبالـك

ولكن لا تعودني على الفرقـا ونـار البيـد =انا عايش على خبرك نعيم وجنـة وصالـك

جفاك اليوم قيّدني تعـال وفـك هـذاالقيـد =كلّمني وعايدنـي وقلـي انـت وش حالـك ؟

يا ليت العذر "فاتوره" عليك بحجة التسديـد =اخاف العذر هي قولة:نسيته رقـم جوالك!
محبكم أبن ناااااااعور

قصيدة روعة الف شكر يابن ناعور

تحياتي وتقديري