مدونة أبو مسلم (قصص وقصائد ونوادر وفوائد)

((- محاورات نسائية من تراث البادية -))



إطلعت على بعض المحاورات في كتاب (( شاعرات من البادية )) للمؤلف عبدالله بن ردّاس ،الذي قام مشكورا بجمع نوادر الشعر النسائي و قد ألفه في جزئين ، أتمنى من كل مهتم في الشعر النبطي أن يضمنه مكتبته بعد الإطلاع عليه لما فيه من نوادر الشعر و القصيد النسائي في الجزيرة العربية .. هذا ما أخترته لكم :

الحوار الأول :

بين الشقيقتين (( بنّا و مويضي البرازية )) .. تبتدأ " بنّا " بالفخر بزوجها و لمز أختها من خلال الإشارة إلى زوجها بأنه من الرجال الضعفاء الرديين وأنه ليس كزوجها من شجعان الرجال الفرسان فتقول :

شوقي غلب شوقك .. على هبة الريح ~ و محصل(ن) فخر الكـرم و الشجاعة
ركاب شوقي .... كل يوم(ن) مشاويح ~ وإذا لفى ........ صكّوا عليه الجماعة
يا البيض شومن ... للرجـــــال المفاليح ~ ولا تقربن .. راعي الردا و الخناعة

فردت عليها مويضي .. و كانت مشهورة بحدة اللسان .. مبين لها اسباب إختيارها لهذا النوع من الأزواج:

ماهوب خافيني الرجال الشجاعة ~ أنا ودي بهم ....... مير المنـاعير صلفين
أريد مندّس ...... بوسط الجماعة ~ يرعى غنمهم .... و البهم .... و البعارين
إذا نزرته ...... راح قلبه رعاعة ~ يقول .... يا هـافـي الحشا .... ويش تبغين
وإن قلت له هات الحطب قال طاعة ~ و عجل(ن) يجيب القدر هو و المواعين
لو أضربه..... مشتدةٍ في كراعه ~ ولاهوب شــاكــيني ...... ولا الناس دارين

و معلوم عند بعض العرب أن ضعاف الشخصية من الرجال يسمّون ب " رجال مويضي ".

الحوار الثاني :

حوار جرى بين شقيقتين ( جوزة و سمرا .. بنات محمد القنيني ) من أهل بادية بني عبدالله المهد ثم إنتقلن للسكن في مدينة جدة .. جاش حنين البادية في" جوزة " فتمثلت قائلة الأبيات التالية :

يا بوي ..وا وجدي على الصبح مطلاع ~ وجد الطوايا أللي على الما حيامي
داجن ..و راجن ..ثم راحن مع القـاع ~ ما قدمهن.. غير الدرك و المظامي

فأجابتها سمرا :

يا بنت حطي . .فوق شاهيك نعناع ~ كبي البداوة .. و البلش ..و الزيامي
ترى البداوة .. ما تجي لك بالأسناع ~ عسرة ..... ولا تبني لأهلها سنامي
رحتي تجيبين الحطب ..و البهم ضاع ~ واليا الحمير .... إملاوذة بالظلامي
وإليا رجعتي للعرب .. عقب مفزاع ~ وأليا ضيوفك ... مشتهين الطعامي

الحوار الثالث :

جرت هذه المحاورة ( أو الأبيات و الإستدراك إذا جاز القول ) أثناء إنتقاد زوجة بن هذّال شيخ العمارات من عنزة أو " شيخ الشيوخ " ، فقد حدث أن عابت زوجة إبن هذّال عليه بعد ما رأت أسنانه صفراء ووجدت منه أنفاسا خبيثة جراء تدخينه للسبيل ( الغليون ) فقالت منتقدة :

يا شارب الدخّان .. شاربك لا طال ~ إياك .. وأيا واحد(ن) جاز دونه
ما دام به نقص على الحال و المال ~ أيضا... و شرّابه يدمر سنونه

فغضب إبن هذال و يقال أنه إستل خنجرا كان يتمنطق به ليذبحها .. فلما رأت نصل خنجره سارعت وإستدركت قولها بالبيتين التاليين :

شرّابة التنباك فيهم سعة بال ~ وإللي طويل(ن) شاربه .. يقصرونه
يستاهـل التنباك مثل بن هذّال ~ أللي يصره ......... في مثاني ردونه


معاني بعض من الكلمات التي وردت في الأبيات :

(شوقي: منيتي / مشاويح: الخيل الأصيلة / لفى: رجع بعد غياب/ صكّوا: أي تحلقوا حوله)
( شومن: أي ابدين الشيمة (حسن الأخلاق ) / المفاليح: الرجال الذي فلحوا في عملهم )
( الردا: سوء الفعايل / الخناعة: الجبن أو الخوف مير: لكن / المناعير: أي الرجال الشجعان )
( صلفين: خشنين المعاملة / مندّس: متواري / البهم: البهائم / نزرته: أي نهرتة و شتمته بصوت عالي)
( رعاعة: أي إرتعد قلبه و زلزلت أركانه / يا هافي الحشا: أخمص البطن أو ممسوح البطن / كراعه: ساقه أو رجله بشكل عام)
(وا وجدي : كلمة تقال للتمني / مطلاع : خروج ،مأخوذة من الطلوع / الطوايا: الأبل التي طواها العطش و الجوع / داجن: تردّن )
( راجن: إنتظرن /راحن مع القاع: أي مشين / الدرك: الطريق الوعرة / المظامي: العطش)
( كبي البداوة: أي أتركي البداوة / البلش: التعب والأذى / الزيامي: الشد و الرحيل / الأسناع: إستقامة الأمور و صحتها )
( عسرة: عسيرة و مضنية / تبني لأهلها سنامي: لا تسمّن ولا تعدّل الحال / إملاوذة: متبعثرة و متفرقة )
( مفزاع: حركة دؤوبة و العمل بتعب لاطال: عسى ما يطول و يبقى قصيرا )
( إياك وايا : أيهما أفضل / جاز دونه: إمتنع عنه / يدمر: يتلف / التنباك: أي التبغ وهي كلمة محرفة عن كلمة " tobacco " )
( سعة بال: صبر و تروّي / يصرّه: يحتفظ به و يخفيه / مثاني: ثنايا )

" روشن هيا "

للشاعر محسن الهزاني امير الغزل

كان لرجل من اهل الحريق و هي ديرة الشاعر محسن الهزاني بنت اسمها( هيا) و كان جمالها و حسنها باهر.

و لحرص و الدها عليها اسكنها في (روشن) و الروشن كما تعلمون غرفه تكون في اعلى البيت خوفا عليها من ان ترى الشاعر

محسن او يراها فيقعا في الغرام حيث اشتهر هو ايضا بوسامة و شجاعة نادرتين و شهرة و اسعة بين النساء.

و عين لهيا خادمة و مشاطة تزورها على فترات للعناية بها و تمشيط شعرها.

فعلم محسن بجمالها و عرف مكانها فقرر ان يصعد اليها في روشنها العالي الذي يصعب الوصول اليه و قام يراقب البيت لكي يجد
له مصعدا لروشن هيا.

و جد محسن أن الروشن له منفذ صغير يدخل منه الماء عن طريق ساقية القصر من بئر قريبه فلم يجد طريقه غير النزول الى البئر

و صار يتعلق بحبال الغروب اللي تسحبها السواني حتى دخل الى القصر و كان له ما أراد و جلس هـناك ثلاث أيام و لم يعلم احد
بوجوده

و في رابع يوم سمع صوت اقدام المشاطه قادمة لكي تمشط ذوايب هيا. واثناء تمشيطها لذوايب الحسناء (هيا) قامت تغني وترد هالبيت:

أصفر مع اصفر ليت محسن يشوفه
توّه على حد الغرض ما بعد لمس


وعند سماع محسن الهزاني لبيت المشاطه طلع وقال:


أربع ليالي مرقدي وسط جوفه
البارحه واليوم وامس وقبل امس

و هرب و كان رفاقه قد افتقدوه ، و لما اتاهم حاولوا يعرفون منه اين هو طول هذه المده لكنه لم يجيبهم و كان احدهم ذكيا و لما

لمح البرق قال هذا البرق يشبه مبسم هيا. فانشد محسن الهزاني قائلا:ٍ



ويالله .. بنوٍ مدلهم الخيالا
طافح ربابه .. مثل شرد المها الزرق

لا جا على البكرين بنا الحلالا
ولاعاد لا يفصل .. رعدها عن البرق

يسقي غروسٍ .. عقب ماهي همالا
وحط الحريق ديار الاجواد .. له طرق

يسقي نعامٍ .. ثم يملا الهيالا
ويصبح حمامه ساجعٍ .. يلعب الورق

جريت انا صوت الهوى .. باحتمالا
في وسط بستانٍ .. سقاه اربعٍ فرق

طبّيت مع فرعٍ .. جديد الحبالا
وظهرت مع فرعٍ .. تناوح به الورق

روشن هيا .. له فرجتينٍ شمالا
وبابٍ على القبله .. وبابٍ على الشرق

مبسم هيا .. له بالظلام اشتعالا
بين البروق .. وبين مبسم هيا فرق

برقٍ تلالا .. بأمر عز الجلالا
واثره جبين صويحبي .. واحسبه برق

يا شبه صفرا .. طار عنها الجلالا
طويلة السمحوق .. تنزح عن الدرق

له ريق .. احلى من حليب الجزالا
واحلى من السكر .. الى جاء من الشرق

حنيت انا .. حنة هزيل الجمالا
ينقض ردي الخيل .. قد حسة الفرق

ويا قلتةٍ .. في عاليات الجبالا
ماها قراح .. مير من دونها غرق

ماعاد للصبيان .. فيها احتمالا
من كود مرقاها يديهم .. غدن طرق

قالوا تتوب من الهوى .. قلت لا لا
الا ان تتوب .. ارماح علوى عن الزرق

قالوا تتوب من الهوى .. قلت لا لا
الا ان يتوبون .. الحناشل عن السرق

قالوا تتوب من الهوى .. قلت لا لا
الا ان تتوب الشمس .. عن مطلع الشرق

قالوا كذا مبسم هيا .. قلت لا لا
بين البروق وبين مبسم هيا .. فرق




أستغفر الله الذي لا اله الا هو الحي القيوم وأتوب اليه

محمد الفيحاني #

شاعر الحب العذري

محمد بن قاسم بن محمد بن عبدالوهاب بن ناصر الفيحاني

أشتهر بمحمد بن عبدالوهاب



ولد شاعرنا في شمال دولة قطر

ودرس في الكويت في مدرسه المباركيه ...ولكنه لم يكمل دراسته لظروف أحاطت به

كان الفيحاني تقيا ورعا لا يسكت على الضيم ...وكان مرهف

الحس مؤمنا بالله إيمانا روحيا ...كان عف اللسان صادق

الجنان تميز بالحكمة والعقل الراجح...

عشقه :

عاش شاعرنا الفيحاني قصة حب مؤثرة تناقلها الرواة إلى يومنا هذا, فقد

هوى ابنة خاله (مي) وكانت إحدى فواصل نساء عصرها حسنا وخلقا

وذات جمال باهر وأدب ظاهر منذ كانا صغيرين يلعبان إلى مراهقين يتفتحان

ثم شابين يحبان, وكان يرى في عينيها كل الماضي والحاضر, وكانت ليله بكل

سكونه, وأحلامه وأمنياته وكانت نهاره بكل ضجيجه ونشاطه, وكانت مي ترى

في ملامحه خطوط الحاضر والمستقبل الجميل. كان يروي لها أشياء كثيرة لا تعرفها

عن ذاته وتروي له أشياء أكثر يمقتها في ذاته, ولكنها تحبها فيه فيقطف البسمة من

ثغرها وتقطف هي الرضا من عينيه, فلما كبرا قرر الزواج منها وراحا يرصفان

طريق الواقع بالأمنيات ويرصفان الليالي بالأمال والأحلام, لكن الأيام الحلوه سرعان

ما تتحطم على صخرة الزمن, عندما أيقضتها الأعراف القبلية من غفلتهما وسرقت

حلم الحب من أجفانهما عندما قرر والد (مي) تزويجها إلى أبن عمها حيث أنها

محجوزة له؟ دافع محمد الفيحاني عن حبه الضائع وعن أمنياته المسروقه, أذهلته

الصدمة وشلت كل شيء فيه إلا حبه لمي, ولم يجد أمامه إلا البوح بأحزانه عند عم

والدته ناصر بن شاهين الذي رق قلبه لحاله, وعلى الفور ذهب لوالد (مي) يحاول

أن يثنيه على ما عزم عليه, حاول جاهدا لكن دون جدوى, أخبره عمه برد والد

(مي) عندها سقطت دموعه وبكى بحرقة, لم يصدق نفسه أن فتاة أحلامه يأخذها

غيره, أختفى الحلم الجميل فجأة وظل ينظم القصائد ويبعث بها إلى أصدقائه من

الشخصيات المرموقة في عصره وخاصة الشيخ ابن خليفة حاكم

البحرين على امل أن يتوسط عند أبناء عمومة (مي) فيسمحون له بالزواج بها

ولكن كل المحاولات فشلت, أرسل قصيدة لصديقه أسماها (قصت حبالك) يقول فيها

قصت حبالك من عقب وصلها مي .. واستبعدت من عقب ما هي قريبه
ومن المحبه ما بقى عندها شي .. صارت عقب ذيك الصداقة حريبه
امتر صافي مايها العذب وانطي .. اصري ولا ظنيت يصفي قليبه
ولا هقيت يعود لي ذلك الفي .. هيهات مرجوع القمر من مغيبه
الا ان تعود عصور شداد ولوي .. والا الصبا يرجع لعود وشيبه
ثيا ويل قلبي من بلاويه ياوي .. الله الأحد ويلاه يا هي مصيبه
اعدم بقايا صحته منهج الغي .. واتلاه صرف الوقت حطه ضريبه
تسمع حنينه كل ما بالحشا ضي .. حنين مسيوق الرياح الصليبه
يدوي ولي من حركه ذكرهم هي .. وازداد من فرقى الحبايب نحيبه
وان ليم صمصم ما يطيع العذل عي .. مفتون كثر اللوم عيى يجيبه
مالوم كن بضامره يرسم الكي .. لي من ذكر قطع الرجا من حبيبه
نوحي حمامه كل ما نحت والعي .. غريب وانتي يا حمامه غريبه
الكل منه ضامه الوقت والني .. والى شكى ما شاف له من يثيبه
باشكي عليك الحال وانتي لي اشكي .. وتعززي لي لو على غير ثيبه
قالت ربوعك وينهم قلت ماشي .. قالت بلى وين الذي تعتزي به
قلت الذي تعنينهم ذبوا الطي .. واللي تحريته بهم صار خيبه
تعذروني يا حمامه بلا شي .. يوم استمت حبلي وشفت الغليبه
خلوني الخلان واستعذر الخي .. اللي ذخرته للخطوب الصعيبه
و اللي نخيته عقبهم صابه الي .. يا عونة الله وين من نلتوي به

وتزوجت (مي) من ابن عمها وعندما علم شاعرنا شهق وأهتز قلبه وكاد أن

يخلع من صدره, بعد ما أغلق على نفسه متاريس العزلة أعتقل عواطفه وأصبح

منكسرا مهزوما وقرر في قرارة نفسه أن يعيش على ذكرى (مي) وكأنها تقاسمه

حياته. إن الحب الصادق لا يموت أبدا, وبدأ يكتب قصائده التي مزجت بدمه ودموعه

وكأنه يعزف أنشودة عمره وفؤاده, ويقول في قصيدة له إلى (مي) أسماها (أمانتكم لها)

شبعنا من عناهم وارتوينا = وعند رسوم منزلهم بكينا
وعقب فراقهم شنا وحن = وحنينا وثم إنا عوينا
وسايمنا وساقمنا وحنت = لنا حتى المنازل والعنينا
ونادينا وقلنا خبروهم = ترانا من محبتهم نعينعا
وثرنا من مفارقهم نحلنا = وكان فراقهم طاول فنينا
إلى جيتم منازلهم فقولوا = لهم باقوالنا يا راحلينا
ولا تنسون ما قاله محمد = أمانتكم لها يا حاملينا
ترانا للذي قالوا سمعنا = وباللي هم بغوا منا رضينا
وكل شروطهم نقدم عليها = قدمنا بالذي فنوا علينا
نخينا من يذكر بالمروه = ولأهل الذات والشيمه عزينا
أرى راعي الهوى مازال يلعي = ولو تحت الثرى يلعي دفينا
ولا نحنا ولا صحنا وقلنا = لكم يا اهل الموده خاضعينا
برب البيت والكعبه وزمزم = إله العرش رافع طور سينا
إلهي اسألك ترحم محمد = بجاه المصطفى والتابعينا
تلامي ما تفرق من شملنا = وتجعلهم علينا راجعينا

وقال رحمه الله شاكيا حاله إلى صديقه أحمد بن عيسى المهندي وأسماها (كأس الهوى)


هيه يا غادي على شبه الظليم = مقتفيه الليل حاديه الظلام
زاد روعه يوم جا وقت العتيم = واستذار ونار في عدوه وهام
استخف وخف خفاق هميم = يوم حال الليل من دون النعام
ارهقه برق ورعاد وديم = لين ما بين الثرى والجو حام
يا ولد عيسى عنيتك يا مشيم = وانتقيتك للعزاوي والشهام
يوم شفت امن العنا نقض البريم = والصبر ما ريت عندي له لحام
بشتكي لك وانت باللي بي عليم = ما خفاك دموم حالي والهيام
انتحالي وانتحابي كالفطيم = لي تجلود واجتلد عقب الفطام
ما تشابه ونتي ونة يتيم = لا ولا ونة على داره دهام
كلما هبت من القبله نسيم = في ضميري هب لاهوب الغرام
وان نشا في قربهم بالغرب غيم = رقرقت عيني وهلت بانسجام
شارب كاس الهوى رايت ختيم = دايخ في حبهم ميت حرام
فصلوا لي بالسقم ثوب سقيم = من على راسي تحدر للابهام
واحرقوا يا بوسعد قلب هشيم = واصرموا عرقه من الجوشن صرام
ما يداوي علتي بدواه ديم=لو يداويها قدر ستين عام
وان نشدني قلت طبي يا حكيم = بين بيض كالبرد تحت اللثام
يا عذولي لا تلمني يا غشيم = عن محمد كف عذلك والملام
ما سمع سالم وي لا طاوع سليم = بالهوى والحب يرجمهم رجام
والهوى قبلي تلف عبدالرحيم = واستجار من الهوى عبدالسلام
واستغاث من الهوى راعي القصيم = وابتلى الناعي على ديم الخزام

ديم: هذا اسم الطبيب الذي كان يعالجه

وفاته:

بعد شهور من زواج (مي) شحب لونه كثيرا, وغامت عيناه أكثر, من فرط الارهاق

والسهر هاجمه المرض وأصبح كل يوم يمر عليه كأنه يمضي به على طريق مفروش

بالأشواك, وفي هدوء سافر إلى البحرين دون ان يعلم به أحد من أقاربه وعند وصوله

ذهب إلى الدكتور (ديم) صديق والده الذي كان يعمل في الإرسالية الأمريكية بالمنامة

وبعد الكشف عليه اتضح أنه يشكو من مرض عضال في جسمه لم يستطع الدكتور (ديم)

أن يخبره بمرضه بعدها علم شقيقه فهد المقيم بالبحرين بوجوده في المستشفى وحضر على

الفور وظل بجانبه يواسيه طوال أيام مرضه ويخفف عنه الآمه. يقول شقيقه عبدالوهاب بن

قاسم: كان أخي فهد جالسا بجوار سرير أخينا محمد وعيناه تحتضنان وجهه, كذلك شهد آخر

ساعات عمره آخر أسراره, وبينما هو في غيبوبة فجأة استيقظ ونظر إلى من حوله. كان يبدو

وكأنه استرد كل صحته وفي هذه اللحظة تذكر مي فطلب ورقة وقلم وكتب آخر قصائده وهو

على فراش الموت وعنوانها (مذبوح الوريد) قال فيها:

ما سمح قلبي يروح ولا يرى = زول محبوبه ولو هو من بعيد
آه واويلاه ياليته درى = كيف حبه في حشا روحي يزيد
أو درى أني منه قد حالي برى = ذايب بالي عقب ما هو حديد
وأن من الابعاد موحي المقبرا = يحفرونه لي وموقن بالوعيد
يا لزيمي قول للي يحفرا = يوسع اللحد على شان اللحيد
ويحجز بيني وما بين الثرى = عن عظام ناحلات كالجريد
وأنت يا دفان ياللي تقبرا = يا مهيل الترب بالسرعه مجيد
حط من فوق القبر حتى يرى = بنيتين كالنصايب له شهيد
يعرفون القبر من جا ينظرا = يعرفونه قبر مذبوح الوريد
قبر من صان الموده واسترا = قبر من لا خان عهد للعهيد
من صبر للحب حتى بترا = زرع قلبه واودعه حب حصيد
تم عامين بجوفي ينسرا = نسر ملهوف الضواري في المصيد
كود لي من جاه علمي يذكرا = وانعتوا قبري لمعلوقي وكيد
ياتي لقبري ويذكر ما جرى = يوم انا وياه في الدنيا عضيد
وترحم بالدعا لي من قرا = يوم خلاني وسط قبري وحيد
وان سمع بالدمع ودي ينثرا = فوق قبري عبرة مثل الوليد
آه منه لين صد ودبرا = رايح عني وخلاني فريد
كيف قلبه ساعته ثم اصبرا = كيف رجله له مشت فوق الصعيد
والذي هو غادي دونه ذرا = فدوة عن كل من جاله ضديد
كيف اجل لو مات وانا ارى = كان طريت السلب طر العنيد
واحترقت وكان قلبي قد ورى = شب نار كنها نار الوعيد
تحطم وسط الضمير وتسعرا = ما يبردها لو الثلج الجميد
كان تلقاني على روس الذرى = نايح مع كل قمري يشيد
لين غرد طال نوحي واطهرا = وان هجع جريت انا نوحي سهيد
وانهمل وانهل دمعي وامطرا = مقلتين العين وادعاها هميد
ما هقا أني عقب موته في الورى = عايش إلا وانا مثله فقيد

ومرت اللحظات ثقيلة, وعادت الغيبوبة إليه مرة أخرى, ولم يسمع منه غير اسم (مي),

وبعدها حضر الدكتور (ديم) وطلب منا مغادرة الغرفة وبعد دقائق حضر الدكتور (ديم)

ومعه أطباء آخرون وأغلقوأ باب الحجرة خلفهم وكأن عقارب الزمن قد توقفت. نهض

شقيقي من مقعدة نفس المصدر نظر نحو الأطباء, لم يشر إليه أحد بما يطمئنه أو يسمح

له بالعودة إلى الحجرة وفهم الدكتور (ديم) ما يدور في عيونه نظر نحوه وهمس في حزن
.
عميق (مات صديقي محمد الفيحاني) وكانت وفاته يوم الجمعة 28/12/1358 للهجرة

الموافق 17/1/1939 للميلاد عن عمر لا يتجاوز اثنين وثلاثين عاما أنتهت قصة الشاعر

المعذب التي كشف عنها شقيقة لأول مرة, وأسدل الستار عن أجمل قصة

وهذه ايضا بعض القصائد اللتي رواها الشاعر رحمه الله:


********أمانتـكـم لـهــا********


شبعنا من عناهم وارتوينـا "= " وعند رسوم منزلهـم بكينـا

وعقب فراقكم شنـا وحنـا "= " وحنينـا وثـم انـا عوينـا

وسايمنا وساقمنـا وحنـت "= " لنا حتى المنـازل والعنينـا

ونادينـا وقلنـا خبـروهـم " = " ترانا مـن محبتهـم نعينـا

واثرنا من مفارقهم نحلنـا "= " وكان فرقاهم طـاول فنينـا

إلى جيتم منازلهـم فقولـوا "= " لهم بأقوالنـا يـا راحلينـا

ولا تنسون ماقالـه محمـد "= " أمانتكـم لهـا ياحامليـنـا

ترانى للذي قالـوا سمعنـا "= " وباللي هم بغوا منا رضينـا

وكل شروطهم نقدم عليهـا "= " قدمنا بالـذي فنـوا علينـا

واثرنا من مخالفهم رجعنـا "= " وهونا عقب ماحن عصينـا

وثرنا من محبتهـم حفرنـا "= " وسيسنا ومن فوقـه بنينـا

تكلفنا وهـم عنـا براحـه "= " وذبنا وهـم عنـا غافلينـا

وناموا ورقدوا واحنا سهرنا "= " عليهم وهم ريـوا والتظينـا

وهذا الحب بالزفرات يشوي "= " ألا ياويلكـم ياعاشقيـنـا

يلين من المحبه كل قاسـي " = " ولو قلبه حجر يازي طحينـا


شاعرنا يعاني من قسوة الزمن وقسوة الأيام التي حالت دون

وصوله لمبتغاه فعلاً نحيب القلب في هذه القصيدة ...

طــــــــال انــتــحــابــك

يا قلب ياللي من عنـا الحـب مشفـوف "= " مثلـك يعذرونـه حقيقـة إلـى خــاف

ياقلب في تصليح الأحـوال مـا أشـوف "= " لي في الهوى مصلح ولا أشوف لك شاف

ما أشوف لك في مسلك الغـي مصـروف "= " مافي سبيله لـك ذكـر حـق وانصـاف

مابه نصـف حاشـا ولا حـق بالكـوف "= " لوبه نصف ما خان بك وأنت له صـاف

طال انتحابـك عنـد الأطـلال ووقـوف "= " ترزم معك وجناك فـي المنـزل الخـاف

تلعي خـلاوي فـي مفـازات واتنـوف "= " وتجيـب ماجابـت حمامـات الأصيـاف

تعوي مع السرحـان بالغـاف وتحـوف "= " برسـوم دار بلقـع وصـف الاحقـاف


الحب الصادق نادر في هذا الزمن ....

والحب نبع صافي يستقي منه كل الناس ...ولمن لايقدرون قيمة الحب

أهديهم هذه القصيدة....



بــنـــاء الــحـــب

بناء الحب بالكذب مهدومـي "= " وساسه بالبطالـه مايقومـي

ولا تبقى مودة غير والـه "= " ولو رومت قلبه ما يرومي

ألا يا سامعين أثر المـودة "= " مع من صد وقفا ما تدومي

ولو تتـلاه يتعبـك لحقانـه "= " ولا يرجع لو له قمت تومي

ولو هو من قبل يذكر جميلك "= " وطيبك ويخبر منك نعومـي

الا منه نوى الهجران مابـه "= " عباية مايفيدك لو تلومـي

يضيع ما مضى بينك وبينه "= " وساعات التصافي واللمومي







كان شاعرنا تقياً ورعا صابراً مؤمناً بقدرة الله وقضاءه

ففي هذه القصيدة نلتمس جماليات الروح فهلموا معي لنقرأها معاً..



الله يا مولاي الثنا والشكر دوم "= " والحمدله مني على كـل حالـه

بأمره رضيت بغير كره ولا لوم "= " وأسلمت نفسي تحت عزة جلاله

آمنت به منزل سبأ منزل الـروم "= " وأيقنت بوقوع القدر لا محالـه

وإن كل مخلوق من الله له يوم "= " ينسيه غالي ماجمع من حلالـه

من عاش بالدنيا بلا شك ملزوم"= " يدهى ولوطال العمر والمدى له

إيد الفنا كم شعبثت جمع ولمـوم "= " وكم مبرم قامت تعالـج فتالـه





إهداء الى صاحبة العفة والشرف .....

إلى ....مي رحمها الله....

لقد كانت هذه الكلمات تتصدر ديوان شاعرنا ...



تولعت مـع مـي علـى العـد لامهـا "= " على حسبت العشريـن بالعـد قايمـه

بلانـي هواهـا وابتلانـي وهالـنـي "= " حالة علـى جيشـي ونايـر هزايمـه

أنا منك يا مـي علـى الـروح خايـف"= " لي ون وأنـت فـي عذابـي مدايمـه

جزى الجفن في شفك من النوم والكرى "= " سهر الدجى وأنـت بالاسحـار نايمـه





ولما أحس بالوفاه رحمه الله

قال هذه الأبيات التي تفيض شجناً وحزناً.....





ماسمح قلبي يروح ولا يـرى "= " زول محبوبه ولو هو من بعيد

آه واويــلاه يالـيـتـه درى "= " كيف حبه في حشا روحي يزيد

أو درى إني منه قد حالي برى "= " ذايب بالي عقب ماهو حديـد

وإن من الأبعاد موحي المقبرا "= " يحفرونه لي وموقن بالوعيـد

ياليزيمي قـول للـي يحفـرا "= " يوسع الملحد على شان اللحيد

ويحجز بيني وما بين الثـرى"= " عن عظام ناحـلات كالجريـد

وانت يا دفـان ياللـي تقبـرا "= " يامهيل الترب بالسرعة مجيـد

حط من فوق القبر حتـى يـرا "= " بنيتين كالنصايب لـه شهيـد

يعرفون القبر من جـا ينظـرا "= " يعرفونه قبر مذبـوح الوديـد

قبر من صان المودة واستـرا "= " قبر من لاخان عهـد للعهيـد

كود لا من جاه علمي يذكـرا "= " وانعتوا قبري لمعلوقي وكيـد

ياتي لقبري ويذكر ما جـرى "= " يوم انا وياه في الدنيا عضيـد

ويترحم بالدعاء لي مـن قـرا "= " يوم خلاني وسط قبري وحيـد

كل الشكر للاخ مفجرهم لان هو نزل القصه من قبل

و هذي هي القصه المعروفه للشاعر لان اكثر القصص اللي قريتها في اكثر المنتديات

اكثرها محرفه وزايدين عليها اشياء وايد

نمر بن عدوان



يعود اصل نمر بن عدوان إلي عشائر البلقا ، كان شاب شجاع ، وكريم ، وفارس ، وشاعر وكان له احترامه بين القبائل تزوج فتاة من عشائر القضاة من بني صخر اسمها وضحى .... التي كان يشهد لها بالجمال والكرم والذكاء... حبها حباً جما.
======
انجبت لها عدد من الأولاد وكان اكبرهم عقاب ، وكانت وضحى تزداد تألقا في نظر حبيبها :ورفيق دربها يوماً بعد يوم....وكان لها مواقف عظيمة في حياة زوجها ، عاشا على التعاون والحب والموده والرحمة.
======
وفي يوم من الأيام ، كان ثاني ايام عيد الفطر... خرجت وضحى لتحلب النوق ، بدلاً عن زوجها ، ولكن الناقة التي يفضلها نمر لا تقبل غير نمر يحلبها... فقررت وضحى ان تلبس ملابس نمر وتحلب الناقة... وبالفعل لبست كل ما يلبس نمر وخرجت .. وبينما هي تحاول حلب الناقة ... احس نمر بحركة حرشفه خارج البيت.. فأخذ بندقيته ووجها نحو الصوت .. واطلق طلقة...بعدما راى هيئة رجل يحوم حول الناقة.. فأرداه قتيلاً.... اقترب منه ليعرف من هو... وحينما قلبها على ظهرها .. فإذا هو بوجهه زوجته وضحى. صدم .. وجن جنونه ... قارب على الموت من شدة الصدمة ... و حزن عليها حزناً شديداً كاد يقتله ، وقيل انه كان يُرى وهو يبكي نهاراً وكان يسمع صوت نحيبه ليلاً ... على فراق حبيبته ورفيقة دربه.
=======
كان له صديق يستسر له ، ويثق في رأية ... يدعى الشيخ جديع بن قبلان الملحم وهو من شيوخ قبيلة عنزه ، افضى له نمر بحزنه و ألمه ، ووحدته .
والشيخ جديع يعرف كيف كان صديقه وكيف اصبح من شدة الحزن. فطرح عليه فكرة ان يتزوج ويبدلها بأخرى تأنس وحشته و تغير عليه حياته وتهتم بصغاره .. الا انه أبى بشده .. فكيف يبدل وضحى وهو من قتلها؟؟!!
الح عليه صديقه وعرض عليه بنات قبيلته كلهن الا انه اصر على الرفض ثم قال قصيدته المشهوره:
=======
يا جديع انا قلبي من الوجد حارى .. لاتلومني وتقول ان البكا عار
وسط الحشا يجديع كن شب نارى .. والموت عدة طالب عندنا ثار
من دمع عيني كن غدينا سكارى .. اللة يجازي داير الدور غدار
وضحى شفاتي بين كل العذارى .. ياسين يم عقاب ترحل عن الدار
سار القلم يعقاب بلحبر سارى .. بمزيزف القرطاس يامهجتي سار
سار القلم لبو نهود صغارى .. ياعين حر ينثر الريش لاطار
اكتب جواب مثل قطف الثمارى .. من قيل ابن عدوان نضم لي اصطار
في ضامري كنة مواقيد ناري .. يانيرة النمرود تشبة لها النار
لكن ينهش بي غليث السعارى .. والحال مني تقل يبراة نجار
علي وليف شفت منة الدمارى .. غديت من فقدة وحيد ومحتار
يا عقاب من فقدة عيوني سهارى .. لكن فيها ذر شب وجنزار
اهرف هريف الذيب ليل ونهارى .. واعول عويل الخلج حنن علي حوار
علي عشير بالترايب توارى .. وغديت مثل مدوة راح دوار
وحيات عازل غلسها والغتارى .. الواحد اللي عالم سر الاسرار
ماقلتها كذب ولاهو قمارى .. شفت الحبيب بغيبة النوم واندار
انا نضرتة يوم طش الجمارى .. يطوف بلكعبة وللبيت زوار
لو تجتمع سود المقانع جهارى .. من نجد للبلقا اليادار سنجار
من البصرة الفيحا اليا قندهارى .. لو تجتمع عفر البني دار مادار
لو جن بنات البدو صف تبارى .. علي الحنايا دللن كل خوار
ولو جن بنات الحضر مثل المهارى .. سطر الذهب برقابهن تقل نوار
لو جن بنات صليب فوق الشهارى .. لمحلا بشفيهن دق الاوبار
ولو جن بنات الترك هن والنصارى .. والهند واللي ساكن كل الامصار
ولو جن ضحي العيد وسط النهارى .. وقالو لنا يانمر قم طب وختار
ماخذ سوى مضنون عيني خيارى .. الجادل اللي فر قلبي معة طار
وحيات مجري فلكها لة مسارى .. منجي سفينة نوح من قب الابحار
لو تجتمع يعقاب كل العذارى .. من غير وضحى مالك اللة نختار
خلي حسين الدل عدل المسارى .. راعي ثليل فوق الامتان نثار
عنق الغزال اللي تقود العفارى .. قايد خشوف الريم في دو الاقفار
ياغصن موز تحتة المي حارى .. في وسط بستان دنت فية الاثمار
فيها خصال من الفضايل كثارى .. ومسايل فيها التفاكير تحتار
قلت اة واويلاة ذقت المرارى .. من مي زقوم جرعتة لة امرار
من فقد مسلوب الحشا يوم سارى .. غرو جبينة صاطع مثل الانوار
ياليتني لو ينرجع بالمثارى .. دونة نبيع الروح والملح زجار
لكن جاة الموت مابة مدارى .. أخذ عشيري واودع القلب محتار
ولولا ضلوعي فر قلبي وطارى .. لكن ينشر ثومة القلب منشار
ريحة جسدها مثل ريح البهارى .. وغر ثمان صويحبي تقل محار
من لامني بة ثور ولا حمارى .. والثور النك قلت لة دور يندار
وصلاة ربي عد نبت القفارى .. علي رسول اللي قهر كل جبار

======
وحينما سمع بها صديق عمره الشيخ جديع بن قبلان الملحم ، فقال قصيدة يشد بها ازر رفيق عمره ، واهداه ابنته بعد ان ابدل أسمها إلى وضحى ... فكان رحمة الله عليه رمز شامخ في التضيحة وبذل الغالي في سبيل تخفيف الآلم والحزن عن صديقة الغالي ، وهذه هي القصيدة :
======

يانمر بن عدوان يبن الأمارى .. شكيت لي شكواك واعطيك الاشوار
خلك رحل يا القرم والعين تارى .. يانمر ما للعبد حيلة بلقدار
واللة مالومك عيالك صغارى .. وعلي الصحيب من الوفا تزعج اعبار
يانمر ياريف الضعوف الفقارى .. دور بدال صويحبك ياذرى الجار
جبينها مثل الحرير يترارى .. زولة صخيف وخدها تقل جمار
بنت الشيوخ معسفين المهارى .. مثل القطامي ناض من كف صقار
خل البكا يامسندي والكدارى .. واصبر ومثلك راعي العزم صبار
يانمر لوهي بطلب والمثارى .. ملزوم دون اصويحبك نهدي الاعمار
لاشك ناقف دون ردة حيارى .. امر الولي ينفذ على كل الابشار
البيض فيهن من بياض وحمارى .. يزهن خلاخيل الذهب هي والاسوار
تلقا بهن جمال اوقارى .. مادوجت بلسوق مع كل عطار
لا نالها مثلك يزيد افتخارى .. تنسيك همك من حراير هل الكار
وانت الكسير اللي تدور الجبارى .. وانت المخير بين كاسر وجبار
احمل وجالك بالزمان اختبارى .. اصبر علي المقسوم لياك تنهار
الحر عادتة يصيد الحبارى .. والبوم ينغط ملبد بأوسط الغار
اقبل عزيز صاينة بلخدارى .. ماخايلت بين الاخلة بلأنضار
سمي خلك عارف كل كارى .. من المحصنات ناجبينة لك خيار
شمى عفيفة ضارية للمدارى .. ماباح في غرتها كل غدار
خذها خزيزة يا السنافي قرارى .. حلفت مانطلب من المهر دينار
ترثت اشيوخ ينطحون الوزارى .. اهل سيوف ترمي الراس بتار
هاذا مرامي ونت عطنا الخبارى .. ومن يبذل المجهود مادار الاعذار
ان كنت عابد ماتريد السمارى .. عوض عليك اللة للذنب غفار
وان كان عندك بلمعاوز عسارى .. حمل ذلولك ولو تبي حمل قنطار
عيال (وايل) في جميع الديارى .. من شرقي الغوطة اليا خشم سنار
نجمع دنانير الذهب والبكارى .. كلة لبو سلطان بلموقف الحار
خليتها يانمر صيحت عزارى .. ماغير وضحى من الغنادير ديار
واللي يلومك قلت كنة حمارى .. ولا تقول تشبة مثل الاثوار
مالوم من ضيع عشيرة وغارى .. كلن علي خلة لك اللة يغتار
لاشك الوم اللي جداة ايتطارى .. ماشاف من يشبة عشيرة ولادار
عوايد الممحل يدور الخضارى .. اخير مايسكن علي دمنة الدار
هاذا جواب اللي تبرع وشارى .. واللة علي يامسندي كل ماصار
لنا علي الجزلات يانمر كارى .. حنا هل الشيمة وحنا هل الكار
حنا لك اللة مانهاب الخسارى .. عز الصديق اللي علية الدهر جار
وصلو علي المبعوث دينة اجهارى .. شفيع خلق اللة عن واهج النار

|| معركه العامريه ||


العامريه موقعه حدثت بين الروله بقيادة الشيخ نواف بن شعلان والشيخ ممدوح بن شعلان من

جهة وبين الزميل من شمر وكان كبيرهم الشيخ قاسم بن رخيص رحمهم الله جميعا

وزمانها لم اجد الوقت بالتحديد لندرة ذكرها في الكتب ولكن الرواة اشاروا الى انها في الفتره

مابين مقتل عبدالعزيز المتعب وامارة سعود ابوخشم مما يعني انها على وقت حكم عيال حمود

العبيد الرشيد وهي الفتره مابين 1324 الى 1329 للهجره

في رواية عائلة المنزل من الخمسان من الزميل وكبيرهم حبيب بن مطلق الخمسان يروونها

عن جدهم زيد بن منزل الخمسان الذي كان من ضمن الغزو فقالوا:

اقبل نواف بن شعلان معه ألف ومائة فارس واغاروا على الحزول واكثر سكانها الزميل فحصل

رعب شديد للناس لعدم وجود قياده موحده ولكون الناس كانوا في غفله وحصل هياج للناس بحثا

عن قياده تجتمع عليها الفرسان

فقام قاسم بن شعلان واشعل النار ليجتمع عليه الناس (وكان على طريق ابن شعلان) فقام الناس

بالاجتماع على النار وذلك بعد دخول المساء حتى اجتمع ثلاثمائة رجل عند قاسم بن رخيص

وقاموا بالتشاور في الامر لعدم وجود تكافؤ في القوى والعدد والعده

فقام قاسم ابن رخيص في منتصف تلك الليله فقال (وين اللي ابوه نشد عن خاله) وهو بذلك

يقصد الشجعان من الرجال ثم قال ابي عشرة رجال فقاموا اليه عشره ومنهم عيال خلف ابوزويد

اثنين وصحن بن قنيطير وزيد بن منزل

فقال قاسم حنا مامعنا ركايب للهوش او للانهزام وهذا حلال الروله بفيضة العامريه حاولوا

التسلل لها وفعلا ذهبوا وكل شخص اتى بالعدد الذي يستطيع الامساك بأرسانها وعندما كانوا

عائدين خطرت فكره لصحن بن قنيطير انه ينتظر حتى ابتعاد خوياه الى نار شمر ثم يرفع صوته

بالحداء ليظنها الروله ان هذا عون وفزع لشمر فيخافون

وفعلا فعل فأنطلق السراع من الروله وامسكوهم جميعا العشره وقيل اثناعشر وذلك انه ظن انهم

ابتعدوا وهم لم يبتعدون وعندما ثار اطلاق النار لاعدامهم وكان اولهم ولد ابوزويد فسمعت

شمر صوت اطلاق النار فهجموا لانقاذ خوياهم واكثرهم على رجليه وكان ذلك مفاجئا للروله

وغير متوقع ابدا لقلتهم وكانوا غير متأهبين بشكل كامل فكان ذلك سببا لحدوث ارتباك كبير في

صفوفهم وتراجعوا شيئا فشيئا الى ان استمر الروله بالانهزام فكان ذلك وكان عنصر المفاجأه

الذي قام به الشمامره وهم في حالة ذهول كان سببا للنصر وغنموا الكثير من الغنائم

فقال غازي بن برجس بن قناع البقعاوي:





راكبن من فوق حمرا صيعريه
منوة المداد قطاع المحالي

شبه ربدا حولت مع جرهديه
استذارت شافت التفاق زالي

دزها لسكانة الحزل اجمعيه
قل ألف نعمن يوم ابن شعلان صالي

جاء لهم نواف معه الفن وميه
طايشن راسه معه هل الشمالي

وحضبوهم لابتي بالعامريه
لين راحوا مثل سيعان النمالي

ليت منهو حاضرن ياخذ حذيه
عند تال القوم يرخص كل غالي

يابشير الذيب هو والحضرميه
والنسور اللي يربن كل جالي

كم صبي ينتخي بالغشمريه
طاح للرحمه وخلي مايشالي

بليلتن تنكس بها الحدباء صبيه
وينكس الشايب بها مثل الغزالي

انهزم نواف ولا به منقديه
انهزم بالليل عن قطع العقالي

وانثنى ممدوح حماي الونيه
ولا يكن اللي جرى بين الرجالي

يوم اقوله والله ماصيدي مريه
اعجبوني ضرب راعين الفعالي




وكان الطلب من شمر اذا قربوا يلحقون الشعلان نزل ممدوح وقام يرمي لين يردهم ولذلك ذكره

الشاعر بقوله انثنى ممدوح

قصة مؤثرة من شريط اسباب منسية للدكتور خالد الجبير ..
مريض تُجري له العملية رغماً عن الجميع




قصة في المغرب أبكتني وهزت المغرب .. في غرفة الكشف قبل إجراء العمليات ننتقي المرضى .. عندنا 30 عملية .. والمحسن جزاه الله خير تبرع لنا بمبلغ معين .. فلا نريد أن نستعمله مع أي مريض .. قلت أنا أضعه في المريض الذي أظن أن فيه فائدة .. يعني اللي تأخر قد يكون عمليته خطيرة جدا ما نسويها .. نسوي في المرضى الذين ما تدهورت حالتهم بعد .. لأن العدد محدود

وكان بجانبي الدكتور محسن عبد الله من المغرب علشان يترجملي .. فدخل علينا مريض بعده حوالى ثلاث أمتار أو مترين من الطاولة .. الباب من هنا ودخل عنده بطن متر ونصف أمامه .. يمشي خطوتين ويقف دقيقة .. أنا أول مرة في حياتي أخاف من مريض .. أول ما شفته تروعت .. وجهه ما فيه أي حركة .. ناحل .. ما فيه أي حركة من حركات الحياة .. قلت للدكتور محسن : من هذا ؟ .. قال : هذا مريض .. قلت هذا ميت .. شئ عجيب

المهم جلس .. قلتله : كم تمشي ؟ .. قال : أمشي خطوتين ثلاثة وأقف .. قلت يأخي احنا ما نقدر نسويلك العملية .. فرد علي قال : ربي يقول ( وإذا مرضت فهو يشفين ) [الشعراء : 80 ] .. قلت هذا ربي لا إله إلا هو .. أما أنا خالد الجبير والله ماني مسوي لك العملية .. قال : يأخي اتقوا الله .. قلت والله ماني مسوي لك العملية .. المهم قلت تدري بنسويلك خلاص .. انت من وين ؟ .. قال أنا من مراكش .. قلت خلاص ارجع مراكش وبناديك .. أعطني عنوانك بس " وأنا فقط أريده أن يذهب " .. المهم قلت لمحسن : يادكتور محسن لا تخلينا نشوفه أبد .. هالرجال لا يمكن نسويله العملية

بعد اسبوعين لقيته جاي .. وأنا راجع الصبح القاه .. قال أخي .. قلت نعم – ما الذي اتى بك .. قال : ما قلتولي أجي .. قلت طيب انت روح اجلس في بيتك .. فمر المخدر اللي معي .. قلت ها .. هذا يتسواله عملية ؟ قال : لا هذا ما يتسواله عملة .. لو انت قبلت أنا ما أخدره .. المهم قلتله : روح لمراكش واحنا بنناديك

اخر اسبوع من اسابيع جلوسنا في المغرب .. قلت للدكتور محسن .. ضع الحالات السهلة جدا .. أحضرلي الحالات .. من ضمنها يوم الثلاثاء الحالة الفلانية من مراكش .. حالة سهلة جدا قلت نسويها وخلاص .. وبعد الظهر في حالة ثانية .. وأخونا المخدر اللي وريته الحالة هذه سافر لغرض عنده طارئ في السعودية .. بقي معنا مخدر اخر قلبه رقيق جدا

دارت الأيام .. جاء يوم الاثنين والثلاثاء وواحد عزمني في الرباط .. تبعد 100 كيلو رحنا للرباط ورجعت إلا الساعة 1.30 في الليل .. قلت ما عاد ينفع أشوف المرضى .. أنا في العادة اشوفهم بعد صلاة العشاء .. أروح اشوفهم واقلب اوراقهم واكشف عليهم .. فجئت متأخرا الساعة 1.30 ليلة الثلاثاء .. قلت خلها الفجر واروح .. قمت الفجر يالله صليت تعبان .. صليت ونمت .. قلت بدل ما العملية تبدأ 7.30 أروح أنا 7 قبل ما ينزلوا المرضى اشوفهم .. ما دريت إلا الخادم إللى عندنا يدق عليا الباب يقول : سيدي سيدي .. قلت : نعم .. قال : الساعة 8.15 .. قمت بسرعة والبس بسرعة .. تعرفون المخطئ يحاول انه يسكت .. يحاول انه يقعد بأي طريقة يسكت الأمور

جيت بسرعة للعمليات .. وإلا المريض نام وخلص نوم .. والدكاترة مستعدين .. قلت للدكتور محسن .. هذا شفناه ؟ .. قال : اي .. قلت : كم صمام ؟ .. قال : 3 صمامات .. سويته بسرعة وسبحان الله من أيسر العمليات اللي سوتها في المغرب .. اثنى عشر إلا ربع خرج المريض بس الدكتور محسن عبد الله ما يبغاني أروح الانعاش .. قال : نشوف المرضى حق أمس .. مرضى شلون .. مرضى بكرة .. المهم دار بي .. راح شمال .. يمين .. إلى أن بدأت العملية الثانية

الرابعة والربع الدكتور محسن عبد الله تركني .. قالي : ممكن بس شوية أنا عندي عذر بأروح .. قلت : اتفضل .. راح .. خمسة إلا ربع المريض خلصنا منه .. ولقيت الدكتور محسن واقفلي .. قال : تبغي تروح الانعاش .. قلت : اي .. وأخذني الانعاش .. أول ما دخلت الانعاش وإذا بي أرى رجل يقول لي : ( وإذا مرضت فهو يشفين ) [الشعراء : 80 ] .. قلت : هذا كيف جاء .. كيف !!

قلت : هذا قدرة ربي لا إله إلا هو .. قلت : قلي كيف أدخلته .. قال : ما انا اللي أدخلته .. أدخله ربي رغم كل الناس .. قلت : وش صار .. قال : أنا مرضت أمس جاني برد وما جيت الدوام .. فقلت للدكتور يحى العلمي بيجيك مريض من مراكش .. أول ما يجيك دخله لأن الدكتور خالد يبغي يسويه أول حالة وبسرعة .. قلت : طيب وبعدين !! .. قال : مريض مراكش اللي انت شفته وقلت يدخل جاله حادث فلم يأتي .. وجاء بداله هذا فقاله الدكتور يحى العلمي .. ها .. انت مريض مراكش قال : اي .. قال : تعالى .. قلت : طيب وبعدين .. قال : وانت ما جيت بالليل تشوف
قلت : وبعدين .. قال : الصبح أنا جيت متأخر فجيت لقيت المريض على طاولة العمليات .. قلت للدكتور مصطفى الدكتور جبير يقول هذا ما يتسواله عملية .. قالي : فالمريض قال : ليش !! .. ربي يقول : ( وإذا مرضت فهو يشفين ) [الشعراء : 80 ] .. وأنتم تقولون لا شفاء .. يقول : فشد عليه الرجال قال : هذاك السعودي لا يريد أن يشفيني .. الشفاء ليس عنده الشفاء عند ربي .. يقول فأعطاهم موعظة .. فبكى وتأثر الدكتور مصطفى وقال : أنا بأخدره .. قلت يادكتور خالد الجبير قال : لا تخدره .. قال : أبد .. احنا فريق واحد .. أنا المتحمل المسئولية ولا تقول للدكتور شئ أبد .. وبيسهلها ربي .. اطلع انت أنا بأخدره .. قال : يمكن يموت في التخدير .. قال : أنا عارف .. يموت ولا ما يموت .. أنا بأسويه .. والله ما أرده .. ما أنزله عن العمليات
يقول : فخدره .. فجيت انت فأعماك ربي عن اشياء كثيرة .. طبعا عندنا يضعون الاشعة أمام الطبيب .. قلب المريض كبير .. نازل على بطنه .. ما شفت قلب أكبر منه .. فأعماني ربي عن الاشعة .. أعماني ربي عن القلب الكبير اللي انا دخلت عليه .. ما شفته .. ما فكرت فيه أصلا .. وبعدين لو كانت هذه العملية في الرياض يمكن الساعة 5 ما خلصنا .. أسهل عملية سوتها في المغرب

الشئ الثاني .. إن لو كان في الرياض بيجلس يومين او ثلاث ايام على التنفس .. هذا ما جلس ثلاث ساعات .. وجيت ودخلت ولقيته قاعد كده .. وأول ما دخلت قالي : ( وإذا مرضت فهو يشفين ) [الشعراء : 80 ]

كأنه يقول لي .. ربي الذي يشفي .. أنت مسكين ما عندك إلا سكين تشيلها .. إذا ربي قدر فيها الشفاء ستشفى .. وإلا لا تساوي شئ

عندما أنهيت الكشف على المرضى وجدت الرجل جالس .. لما أقيمت الصلاة في المصلى بدأ الرجل " يتعفر " .. قلت انت ما تتوضأ .. قال : أنا سنتين ما اتوضأ .. ما استطيع اتوضأ .. قلت : انت ما تصلي .. قال : لا أنا اصلي جالسا لي أكثر من سنتين .. قلت ليه ؟ .. قال : ما استطيع .. سألته بعدما أنهى صلاته .. هل تصلي في المسجد .. فرد على بنّهر قال : ليش .. لماذا لا أصلي في المسجد !! .. أخسر 27 درجة ليش .. نعم أصلي في المسجد .. قلتله : طيب المسجد قريب ؟ .. قال : لا .. أنا أمشي له ساعة إلا ربع .. قلت : ما تتعب .. قال : أتعب .. لكن الأجر يأتي بأمر الله .. قلت : تصلي الفجر .. قال : أصلي الفجر

انظروا .. عنده قلب متيقن .. يقوم الليل .. اتصل بي الدكتور محسن عبد الله بعد ثلاث اشهر من عودتنا من المغرب قال : الرجل حق ( وإذا مرضت فهو يشفين ) [الشعراء : 80 ] يسلم عليك وأصبح قلبه كبر العصفورة .. وهو يقول لك أنه عاد إلى الدوام بعد 4 سنين من عدم عمله .. وهو يشتغل دهان .. ويقول : مع كل دهنة أسبح الله وأحمده وأدعوا لكم أيها الأطباء

شليويح العطاوي
..................

شليويح العطاوي من قبيلة عتيبة , وهو رجل شهم وشجاع نشأ وترعرع على الشجاعة , فكانت مهنته وغايته فهو يغزو صيفاً وشتاءً , بالحر والبرد , بالليل والنهار , ولا يهجع أبداً فما أن ينتهي من غزوة حتى يستعد للثانية حتى شاع صيته وذاع اسمه وسمع به من لا يعرفه وعرفه من لا يراه . . . ومن طريف ما حصل لشليويح أن إحدى بنات البادية أحبته دون أن تراه ولكن كعادتهن يعشقن الطيب والشجاعة على ما يسمعن عنه
المهم أن الفتاة وضعت جائزة لمن يريها شليويح أو يكون سبباً لرؤيتها له جملاً تعطيه له . . . وحصل أن رأته . . . فقالت له : ذكرك جاني وشوفك ما هجاني , بمعنى ليتني لم أرك . . . وكان وجهه أسود من لفح السموم كما أن هيئته صارت شعثة من كثرة التعب والمغازي . . . لما سمع شليويح كلامها أجابها بقوله


يا بنـت ياللـي عن حوالـي تساليـن

وجهـي غدت حامي السمايـم بزينـه

أسهـر طـوال الليـل وانتي تناميـن

وان طـاح عنك غطـاك تستلحفينـه

أنـا زهابـي بالشهـر قيـس مديـن

ما يشبعـك يـا بنـت لـو تلهمينـه

مـرة تضحـي والمضحـا لنا زيـن

ومـرة نشيلـه بالجـواعـد عجينـه

صفحة من أيام الشهامة




يقول أصحاب المثل لولا وجود بعض الأخيار الطيبين لقلب الله الأرض وأهلك بني الإنسان على شرورهم.

أضاف بعض الفقهاء فقالوا، بل ولولا وجود كل هذه الحيوانات البريئة من قطط وكلاب وضفادع

وسباع الفلا ممن لم تسئ لأحد بشيء. وهذا قول حكيم يدل على مكانة الحيوان والرفق به في الدين الإسلامي.



كان يعقوب هارون خرموش تاجرا كبيرا في البصرة. لم يبرز فقط في دنيا التجارة والمال

وإنما كانت له أيضا اهتمامات أدبية وفكرية جعلته يدون مذكراته عن حياته في العراق.

وقعت أجزاء منها في يدي كان منها هذه الصفحة التي تشير إلى علاقته بأحد الحمالين الشباب في متجره.

لاحظ يوما أن هذا الحمّال كان في حالة كئيبة جدا أبكته من حين لحين. سأله السيد يعقوب عما شغل باله.

قال والدتي مريضة في بغداد وربما تموت دون أن أراها وتراني. قال له: «أعطيك إجازة وروح زورها وشوفها».

تبين أنه لم يملك أجرة السفر في القطار. فتبرع له بذلك.

ثم فكر قليلا فقال: «ولكن يجب عليك أن تأخذها لطبيب. عسى أن يجد دواء لها يشفيها من علتها».

ثم أخرج محفظته وأعطاه من المال ما يكفي للسفر ومراجعة الطبيب وشراء الدواء.

وليطمئن خاطره قال له: «هذي مو صدقة مني. هذا دين سدده لي في المستقبل».

سافر الحمّال الشاب إلى بغداد. وخلال غيابه اضطرت الأعمال التاجر المحسن للسفر إلى الهند

على عادة تجار البصرة في تلك الأيام. في هذه الأيام يذهبون لإيران. أعجبته الحياة في الهند

فأقام فيها لسنوات طويلة استغرقت ثلاثا وثلاثين سنة. ولكن من يذوق ماء دجلة، لا بد أن الحياة ترجعه له.

انتابه الحنين للعراق فعاد إلى البصرة، وأخيرا انتقل إلى بغداد، حيث أصبح مديرا لشركة «ستريك» البريطانية.

بنى لنفسه بيتا جميلا مطلا على شواطئ دجلة في المحلة المعروفة بكرادة مريم.

مل من الجلوس على شرفة بيته يتفرج على مياه دجلة يوم كانت دجلة تسحر الناظرين بمرآها

فخرج من البيت ليتمشى في الشارع.

لم يتقدم غير خطوات قليلة حتى لمح ضابطا بكامل بزته العسكرية وسلاحه بيده يثب ويجري نحوه.

مسك الرجل أنفاسه وامتلكه الرعب.

أيقن أن هذا الضابط القادم نحوه باضطراب وعصبية جاء إما ليقتله وينهب بيته ويسبي أهله

أو ليعتقله ويزج به في السجون. وقف وتسمر في مكانه. حتى إذا اقترب الضابط منه صاح به:

«أنت يعقوب بن هارون خرموش؟».

«إي نعم. أنا».


هجم الضابط عليه ليحتضنه والدموع في عينيه قائلا «ثلاث وثلاثون سنة أبحث عنك. ما تتذكرني؟

أنا ابنك عباس الحمّال! دخلت الجيش وارتقيت وصرت ضابطا.

ثلاث وثلاثون سنة أدور عليك أريد أسدد لك ديني. قالوا رحت للهند، لكن أهل الخير دلوني على مكانك اليوم.

ثلاث وثلاثون سنة وأنا مدين لك».
وأخرج الضابط من جيبه العشرين دينارا التي أقرضها له يعقوب خرموش قبل 33 عاما.

قصة شهامة ورجولة شاب

منقولة على لسانه



القصه يمكن الكل يستغربها او يمكن ماتصدقونها بس واللي خلقني ويشهد علي ربي

انها قصه صارت معاي انا وعايشتها بقولكم القصه بختصار لاني ما ابي اشغلكم القصه ومافيها

قبل سنه تقريبا يوم انا بصف ثالث ثانوي انا من طبعي انسان مرح ومشاغب

واغلبيت المدرسه يحبوني على بداياتي على النت كان قبل سنه عرفت النت وتعلمت عليه

المهم دخلت شات معروفه المهم كنت انكت واضحك واستهبل بالناس بالشات

وبيوم من الايام شد انتباهي نك بالشات والنك هذا نك بنت بطريقتي الخاصه

تعرفت عليه وكلمته بالشات وبصرحه البنت اهبلتني تدعي على نفسها بالموت

قلت لها ليش كذا مارضت تقولي قالت لي ياليت اموت احسن لي

انا اول مره بحياتي اشوف بنت تدعي على نفسه قلت له ليش

اصريت عليها وقالت لي البنت بقولك وياليت تلاقي لي حل قلت لها ابشري يابنت الاجواد

قالت لي شوف انا تعرفت على واحد بالشات وصرت اكلمه بالايميل وبالجوال وحبيته وحبني

واستمرت علاقتنا بالايميل وانا وثقت به وهو طلب مني طلب وقالي وريني صورتك

ووريته صورتي وبعد ايام طلب مني الصوره وارسلت له صورتي بالماسن

بس الولد طلع حيوووان قالي انا ما احبك يااغبيه

وانتي صرتي خاتم بيدي وراح تسوين اللي ابي والا بفضحك

وقالت لي بعد ان ال************ الحقير يهدنني يقولي اطلعي معاي

وانا رفضت لاني ما ابي افضح اهلي وهو الحين يهددني

وانا ما ادري وش اسوي وابي حل لمشكلتي

انا قلت لها طيب انتي عندك اخوان قالت للاسف اخواني صغار

قلت طيب الحل بسيط بس بسالك وسالتها قلت لها طيب هو الحقير

اللي يهددك يكلمك بالجوال كثير قالت لي لا كلمته بالجوال حوالي اربع مرات بس قلت انا طيب اقولك الحل

هم الحقير يقولك اطلعي معاه خلاص قولي له بطلع معاك بس مو انتي اللي بتقابلينه انا اللي بقابله

وبيشوفني ولد وبقوله انا سحبتك بصوت بنت ياغبي والصوره اللي عندك انا اخذها من النت

ومرسلها لك وبكذا بينصدم وبيتاكد مليون بالميه اني مجرد ولد وسحبته بصوت بنت

ومن ناحية الصوره هو راح يمسحها بنفسه ع طول لانه تاكد اني مجرد ولد وسحتبه بصوت بنت

البنت قالت لي بس صعبه وبعدين من انت علشان تساعدني رديت عليها انا وقلت انا يابنت الاجواد

اخوك اللي ماجابته امك ردت البنت وقالت لي وشلون اوثق فيك قلت لها معك حق

وقلت لها علشان توثقين اني بساعدك بقولك اشياء عني وعلمت البنت كل شيء عني

مثل اسمي الكامل ووين ساكن وكل شيء قالت لي البنت وش يثبت لك ان اسمك صحيح

رديت عليها وعطيتها رقم بطاقتي الشخصيه السجل قالت لي يمكنه من عندك قلت لها شوفي اذا ودك تصدقين


ادخلي موقع وزارة الدخليه ودخلي اسمي ورقم البطاقه بالمخالفات المروريه وراح تلاقين

ان علي مخالفه بقيمة 600 ريال لم تسدد وفعلا البنت سوت اللي قلت لها انا وقالت صحيح

وتاسفت مني قالت لي يعني انت لو بمكاني كان خفت قلت معك حق يابنت الناس

المهم انا قلت للبنت واتفقت معها انها تواعد الحقير وتقول له خلاص بطلع معاك وتواعده بمكان عام مثل السوق

وتقول له له ان السواق بينزلن بالسوق وانت تجي وتاخذن من السوق

وقلت لها انا اسالي الحقير قولي له وش سيارتك مواصفتها واتركي الباقي علي



البنت قالت لي وشولون القاك علشان اقولك قلت لها تلاقيني بالشات بنفس الوقت قالت يمكن ما القاك

عطن ايميلك وعطيتها ايميلي المهم البنت علمتني بالايميل عن متى ووين مكان الوعد

اللي واعدت به الحقير بس طلعت مشكله صغيره انا واعوذ بالله من كلمة انا

احسب البنت من نفس مدينتي بس للاسف طلعت البنت مو من مدينتي من مدينة قريبه من مدينتي

لاني كنت بروح بقابل الحقير لوحدي بس من شفت انها مو من مدينتي اخذت معاي اصحابي بالمدرسه

سيف ومحمد اللي هم اعز اصحابي والبنت اخذت رقم جوالي

علشان هي تكلم الولد وترد علي

المهم رحنا قبل الموعد بساعتين انا وسيف ومحمد المهم وصلنا

يالله بالله دلينا المكان من وصلنا وقفنا بالسياره وشفنا الحقير توه واقف بسيارته

انا قلت لاصحابي سيف ومحمد انا بنزل له واذا صار شيء لا اوصيكم المهم نزلت عليه وعلى طول فتحت باب سيارته

ونزلته قلت له وش عندك هنا بدون سلام قال لي من انت ووش تبي قلت لها انا اللي اللي انت تنتظرني

انا اللي سحبتك بصوت بنت انا اللي تهددني بالصوره اللي انا اخذته من النت وارسلتها لك ياغبي

وانت مخفه وانا ماجيت اقابلك الا علشان اطيح وجهك من قلت له الكلام هذا الحقير انصدم حييييل

ما يدري وش يقول وقعد يسبني ومادريت الا سيارتين وقفن اصحاب الحقير بيضربوني وسيف ومحمد

نزلوا وتضاربنا انا وسيف ومحمد علينا سته منب قايل لكم اني ضربتهم لا لانهم اكثر منا والكثره تغلب الشجاعة

بس ماقصرت فيهم وكل الناس بالسوق تجمعوا علينا والزحمه ويالله بالله فرقونا وعلى طول ركبنا السياره

ورجعنا لبيوتنا نمشي مليون ونضحك على بعضنا انا مفلوق مع راسي وسيف وجهه مخمش ومحمد رايح فيها

ووصلنا وتفرقنا وانا كنت ما ابي ادخل البيت علشان ما ابي امي تشوفني لان راسي دم وثوبي وحالتي حاله

المهم دخلت البيت متسلل نفس الحرامي اذا جاء بيصرق ورحت لغرفتي وكان جوالي طافي من البطاريه

المهم شحنت الجوال وبدلت ملابسي وشغلت الجوال ولقيت رساله من البنت تقولي رجاء رد ليش مقفل جوالك

المهم اخذت شوي ودقت علي البنت قالت لي رجاء ها قولي وش صار قلت لها ابشرك انحلت المشلكله

قالت لي البنت واهبلتني قالت لاتقول شيء طمني عليك وعلى راسك وانا شفت كل شيء بعيني

انت رجال بمعنى الكلمه وقالت لي كل الاحداث اللي صارت انا انهبلت قلت لها وانتي وش دراك

قالت لي شوف انا وبنت خالتي كنا موجودات وكنا بالسياره مع السواق وشفنا كل شيء

وقالت لي انت انسان مافيه مثلك احد ولا راح اشوف احد مثلك وقالت لي ما راح انسى لك المعروف

هذا ابد وراح ادعي لك كل ما اصلي المهم انا قلت لها يابنت الناس انا ماسويت شيء وانتي مثل اختي

والناس للناس والكل بالله وقلت لها انتبهي على نفسك وهذا درس لك وان شاء الله انك تعلمتي من الدرس

هذا المهم اني ودعتها بنفس المكالمه والى يومك هذا ما ادري عنها والله يستر عليها

وانا نزلت القصه علشان ابي كل بنت تنتبه على نفسها

وتنتبه على اغلا شيء تملكه وهو شرفها وسمعت اهلها

وهذا مقصدي واسف طولت عليكم

واتمنى انكم تسامحوني لاني ما عرفت اعبر زين


والله يستر على جميع بنات المسلمين

هذه القصه من قصص الكرماء في ادبنا العربي

اترككم مع القصه

لقد كان في الزمن القديم والموغل في القدم رجل يقال له ( مبشر بن الهذيل الفزاري ) وقد كان قصير القامه ضئيل البنيه

وكان فقيراً جداً , وكريماً جداً
وفي ذات ليله من الليالي طرق بابه ضيف فاستقبله ورحب به , وكان لا يملك من الدنيا سوى عشاء ابنائه الصغار

فقدمه للضيف وترك ابنائه بدون عشاء

وبعدما أقرى الضيف إنصرف الضيف ودخل (مبشر) الى ابنائه

فلامته إمرأته على مافعله وأغلظت عليه في القول , ومما قالته له ( إن كرمك هذا مجرد سفه وحمق , أتترك ابنائك الصغار

ينامون جياعاً لتطعم شخصاً لا تعرفه , أتظن أن كرمك هذا سيجعلك طويل القامه , فأنت هو انت أيه القصير )

وكان هو ساكتاُ لا يرد عليها رغم تجّريحها له

ثم ذهبت هي لتنام لكن ( مبشر ) لم يستطع النوم بعد الذي سمعه من زوجته فقد تركت به جرحاُ لا يستطيع النوم معه

فسهر ( مبشر ) تلك الليله وقال هذه القصيده
قال

ولائــمة ٍ هـبــّت بلـيـل ٍ تـلـومنـــي …… ولم يغـتمرني قــبل ذاك عـذولُ
تقول إتـئـد لا يدّعُـك الـناسَ مملـقاً …… وتزري بمن يابن الكرام تعولُ
فـقـلـت أبت نـفـسٌ عليّ كــريــمة ٌ …… وطارقُ لـيـل ٍ غـيـر ذاك يقـولُ
ألم تـعـلــمي ياعـمرَك اللهُ أنــنــي …… كـريمٌ على حيـن الـكرامُ قـليــلُ
وإنـيً لا أخـزى إذا قــيـــل ممـلــقٌ …… سخيٌّ , وأخزى أن يقال بخيـلُ
فلا تذهبن عيـناكِ في كلِ شـرمح ٍ …… له قـصبٌ جـوف الـعظامِ أسيـلُ
إذا كنتُ في القوم الطوال فضلتهم …… بعـارفـة ٍ حـتى يـقـال طــويـــلُ
وإلا يـكــن جسـمي طـويـلاً فإنــني …… له بالفـعال الـصالحاتِ وصـولُ
( فـلم أرى كالـمعروف أما مـذاقـهُ …… فـحلـوٌ , وأما وجهـهُ فـجميــلُ )
ــــــــــــــــــــــــــ

أغرب ما قرأت في قصص الكرم العربي


أغرب قصة قرأتها حدثت في بذل العطاء والصدقات فقد ذكر ابن كثير في كتابه ” البداية والنهاية ” ما نصه ” قال الهيثم بن عدي: اختلف ثلاثة عند الكعبة في أكرم أهل زمانهم، فقال أحدهم: عبد الله بن جعفر، وقال الآخر: قيس بن سعد، وقال الآخر: عرابة الأوسي، فتماروا في ذلك حتى ارتفع ضجيجهم عند الكعبة.

فقال لهم رجل: فليذهب كل رجل منكم إلى صاحبه الذي يزعم أنه أكرم من غيره، فلينظر ما يعطيه وليحكم على العيان.
فذهب صاحب عبد الله بن جعفر إليه فوجده قد وضع رجله في الغرز ليذهب إلى ضيعة له، فقال له: يا بن عم رسول الله ابن سبيل ومنقطع به.

قال: فأخرج رجله في الغرز وقال: ضع رجلك واستو عليها فهي لك بما عليها، وخذ ما في الحقيبة، ولا تخدعن عن السيف فإنه من سيوف علي، فرجع إلى أصحابه بناقة عظيمة وإذا في الحقيبة أربعة آلاف دينار، ومطارف من خز وغير ذلك، وأجلُّ ذلك سيف علي بن أبي طالب.

ومضى صاحب قيس بن سعد إليه فوجده نائما، فقالت له الجارية: ما حاجتك إليه؟
قال: ابن سبيل ومنقطع به.
قالت: فحاجتك أيسر من إيقاظه، هذا كيس فيه سبعمائة دينار ما في دار قيس مال غيره اليوم، واذهب إلى مولانا في معاطن الإبل فخذ لك ناقة وعبدا، واذهب راشدا.
فلما استيقظ قيس من نومه أخبرته الجارية بما صنعت فأعتقها شكرا على صنيعها ذلك.
وقال: هلا أيقظتني حتى أعطيه ما يكفيه أبدا، فلعل الذي أعطيتيه لا يقع منه موقع حاجته.

وذهب صاحب عرابة الأوسي إليه فوجده وقد خرج من منزله يريد الصلاة وهو يتوكأ على عبدين له – وكان قد كف بصره – فقال له: يا عرابة.
فقال: قل.
فقال: ابن سبيل ومنقطع به.
قال: فخلى عن العبدين ثم صفق بيديه، باليمنى على اليسرى، ثم قال: أوّه أوّه، والله ما أصبحت ولا أمسيت وقد تركت الحقوق من مال عرابة شيئا، ولكن خذ هذين العبدين.
قال: ما كنت لأفعل.
فقال: إن لم تأخذهما فهما حران، فإن شئت فأعتق، وإن شئت فخذ.
وأقبل يلتمس الحائط بيده.
قال: فأخذهما وجاء بهما إلى صاحبيه.

قال: فحكم الناس على أن ابن جعفر قد جاد بمال عظيم، وأن ذلك ليس بمستنكر له، إلا أن السيف أجلها.
وأن قيسا أحد الأجواد حكم مملوكته في ماله بغير علمه واستحسن فعلها وعتقها شكرا لها على ما فعلت.
واجمعوا على أن أسخى الثلاثة عرابة الأوسي، لأنه جاد بجميع ما يملكه، وذلك جهد من مقل ”

فائدة

سؤال :
هل تصدقت اليوم؟
سؤال سهل جدًا ولكن إجابته تعتمد على العطاء والبذل من مالك فتتصدق به على المحتاج طمعًا في الأجر من رب العالمين.
وليسأل كل منكم هذا السؤال لأن للصدقة فضائل عظيمة وفوائد جمة، قال الله تعالى ” إن المصدقين والمصدقات وأقرضوا الله قرضا حسنا يضاعف لهم ولهم أجر كريم ”

ولنا في رسول الله صلى الله عليه وسلم أسوة حسنة، فهو أجود الناس وأجود بالخير من الريح المرسلة، فلا يتوانى ولا يتلكؤ في بذل الصدقات إلى مستحقيها قال ابن القيم – رحمه الله -: “وكان العطاء والصدقة أحب شيء إليه – صلى الله عليه وسلم – وكان سروره وفرحه بما يعطيه أعظم من سرور الآخذ بما يأخذه، وكان أجود الناس بالخير، يمينه كالريح المرسلة، وكان إذا عرض له محتاج آثره على نفسه، تارة بطعامه، وتارة بلباسه، وكان – صلى الله عليه وسلم – يأمر بالصدقة ويحث عليها ويدعو إليها بحاله وقوله”

والصدقات تدفع الشرور والمصائب وحوادث الزمان، فعن أنس – رضي الله عنه – أن النبي -صلى الله عليه وسلم- قال : «إن الصدقة تطفئ غضب الرب ، وتدفع ميتة السوء » أخرجه الترمذي.

وبعد هذا كله أنصح كل لبيب وكريم بأن يسارع في الصدقة وألا يتأخر حتى لا يأتي يوم ويقول الفقير لست بحاجة إلى صدقتك ! فقد روى أحمد والشيخان والنسائي عن حارثة بن وهب؛ قال: سمعت النبي صلى الله عليه و سلم يقول :” تصدقوا؛ فسيأتي عليكم زمان يمشي الرجل بصدقته، فيقول الذي يأتيه بها: لو جئت بها بالأمس؛ لقبلتها، فأما الآن؛ فلا حاجة لي فيها، فلا يجد من يقبلها”

الله المستعان ولاحول ولاقوة الا بالله


انتقل الى رحمة الله مساء هاذا اليوم


الأخ سلمان بن مداوي بن محي التليدي


بحادث مروري رحمه الله وأسكنه فسيح جناته


وأسأل الله أن يجعل قبره روضة من رياض الجنة


لله ما أخذ ولله ما أعطى وكل شيء عنده بأجل مسمى


انا لله وانا اليه راجعون

اللهم انك تعلم اني أحبك وأحب دينك


وأحب الشهادة في سبيلك اللهم فلا تحرق بشرتي بالنار



اللهم اني ما توكلت الا عليك وما رجوتك غيرك وحدك ( أنت حسبي ونعم الوكيل )


اللهم أنت تعلم بصدق قلوبنا ودمع عيوننا فلا تتركنا مع أنفسنا مذنبين مخطئين

اللهم انك تعلم صدق كلامي فثبتنى على صراطك يوم تجمع عبادك

اللهم انك تعلم أن أنين الذنب يحرقني وخوفي من تقصيري يداهمني

فأمهلني لأتوب ولا تتركني أضيع

اللهم انك تعلم أنى احبك وأحب من احبك وان أذنبت فهذا بجهلي وضعفي

فأنى ذليل وفقير لكرمك ورحمتك يا كريم يا ودود

اللهم يا من تعلم صدق كلماتي ودعواتي وذل سؤالي

اللهم لا تتركني بذنب ولا تمتني إلا تائب يارب العالمين

حسبي الله ونعم الوكيل ولا حول ولا قوة الا بالله

اللهم اني استغفرك لكل ذنب خطوت اليه برجلي اومددت له بيدي او تاملته ببصري

او اصغيت له باذني او نطق به لساني او اتلفت فيه مارزقتني ثم استرزقتك على عصيانك

فرزقتني ثم استعنت برزقك على عصيانك فسترت علي وسالتك الزياده

فلم تحرمني ولاتزال عائدا علي بحلمك واحسانك يا اكرم الاكرمين

اللهم اني استغفرك من كل سيئه ارتكبتها في بياض النهار وسواد الليل

في ملأ وخلا وسر وعلانيه وانت ناظر الي

اللهم اني استغفرك من كل فريضه اوجبتها علي في اناء الليل والنهار تركتها خطا او عمدا او نسيانا او جهلا

واستغفرك من كل سنة من سنن سيد المرسلين وخاتم النبين سيدنا محمد صلي الله عليه وسلم تركتها

غفله او سهوا او نسيانا او جهلا او تهاونا او قلة مبالاه بها

استغفر الله واتوب الى الله مما يكره الله قولا وفعلا وباطنا وظاهرا.............


استغفر الله الذي لااله الاهو الحي القيوم وأتوب اليه

استغفر الله العظيم التواب الرحيم لذنبي ولوالدي وللمؤمنين وللمؤمنات

وللمسلمين وللمسلمات الأحياء منهم والأموات الى يوم الدين

اللهم إن كان رزقي في السماء فأنزله

وإن كان في الأرض فأخرجه

وإن كان بعيدا فقربه

وإن كان قريبا فيسره

وإن كان قليلا فكثره

وإن كان كثيرا فبارك لي فيه

الهي ادعوك دعاء من اشتدت فاقته

و ضعفت قوته

و قلت حيلته

دعاء الغريق المضطر البائس الفقير

الذي لا يجد لكشف ما هو فيه من الذنوب إلا أنت

اللهم صل على محمد وعلى آل محمد كما صليت على ابراهيم و على ال ابراهيم


وبارك على محمد وعلى ال محمد كما باركت على ابراهيم و على ال ابراهيم ( انك حميد مجيد )


اللهم اكشف ما بي من ضر انك ارحم الراحمين لا اله إلا أنت سبحانك إني كنت من الظالمين

سبحان الله و بحمده عدد خلقه و رضى نفسه و زنة عرشه ومداد كلماته


اللهم إني أعوذ بك من الهم والحزن، والعجز والكسل، والجبن والبخل، وغلبة الدين وقهر الرجال


اللهم اغننا بحَلالِك عن حرامك وبفضلك عمَّن سواك


اللهم و إن كانت ذنوبنا عظيمة فإنا لم نرد بها القطيعة إلى من نلتجئ إن طردتنا؟


من يقبل علينا إن أعرضت عنا


اللهم أحسن خاتمتنا اللهم توفنا وأنت راض عنا


يا من أظهر الجميل


وستر القبيح.


يا من لا يؤاخذ بالجريرة


يا من لا يهتك الستر


يا عظيم العفو


يا حسن التجاوز


يا واسع المغفرة


يا باسط اليدين بالرحمة


يا باسط اليدين بالعطايا


يا سميع كل نجوى


يا منتهى كل شكوى


يا كريم الصفح


يا عظيم المن


يا مقيل العثرات


يا مبتدئا بالنعم قبل استحقاقها



أغفر لنا وأرضى عنا وتب علينا ولا تحرمنا لذة النظر لوجهك الكريم



الحمد لله الذى تواضع كل شيء لعظمته


الحمد لله الذي استسلم كل شيء لقدرته


الحمد لله الذي ذل كل شيء لعزته


الحمد لله الذي خضع كل شيء لملكه



استغفر الله الذي لا اله الاهو الحي القيوم وأتوب اليه