( المليون رد) قلب منتديات قبائل ال تليد

نكسوا ذاك الشعار ولملموا باقي السهوم
يكسر الخاطر سهمكم لاضرب في مدرعـــــــات

بيتكم لاصار مبني داخل البيت مهدوم
وبيتنا صوم وصلاة وحج وأشهد والزكــــــــــاة

إتركيهم يابدويه وخلي اللايم يلوم
وسعي خصر العبايه واكرمي بالمكرمــــــات

وإن رفعتيها لراسك أصبح الراس محشوم
العبايه فوق راسك حشمه وطيب وثبـــــــات

وماعليك من اللئيمه تحاول تقلدك يوم
لبست البرقع ولكن حن عرق الماجـــــــدات

بحنكها ألفين دقه مدري ألف من الوشوم
أو تراه ألفين هكري يكتبون الذكريــــــــــات

ولابغت تكتب قصيده قافها هو قاف يوم
(يوم يابا)(يوم يابا)جاك عرق الراقصــــــــات

جت تقول إني بدويه قلت أنتي وجه بوم
إعقبي منتي بدويه أنتي جزء من الحـــــصاة

يابدويه لايغرك بعض غربان(ن) تحوم
أنتي فوق الكل أنتي فوق روس النايـــــــــفات

أنتي يوم الحرب دارت والمعارك (قوم)(قوم)
عانقت عزوات أخوك صوت ضرب المرهفـــــــات

إن حدوا من بيننا أو طولوا حد العقوم
يابدويه طبعي أرقى فوق كل الطايــــــــــــــلات

إحذري يابنت منهم طبعهم نفث السموم
عولمتهم لو أعرفها طلع معنى الشـــــــــــتات

ضيقوا صدر العباة ووسعوا طرف الكموم
وبيجي يوم(ن) نشوف شقوق في وسط العبــــاة

أبي ابكي من الضيقة وابعزف للهمـوم ألحـان
أبي اطلق مواويل الحـزن واطـرح دواوينـي

أبي أشكي أبي احكي ابوصف للبشـر حرمـان
أبيهم كلهـم يـدرون أبيهـم يشعـروا فينـي

أبي لا من طرى اسمي بكى من لوعتي شيبـان
أبي لامن طرى"عاشق" ذكر من كـان يغلينـي

أبيهم يذكرون أنـي بدمعـي صرتنـا غرقـان
أبيهـم يعرفـون الهـم هوّ اللـي يخاويـنـي

أبي أصرخ وأبلغهم وأقول أن الفـرح خـوّان
يجي مرة معاي و هو بطـول العمـر ناسينـي

أبي اترك لهم قصة وأخيّرهـم علـى العنـوان
يسمّوا "حزن "يحطوا "دمع"أنا ما عـاد يعنينـي

أبي لامن وصل صوتي يحس بضيقتي إنسـان
أبي لامن نزف جرحي لقيـت اللـي يداوينـي

أبي شخص يجي يمـي و يقفـل للعنـا بيبـان
أبيه يكون لي خـلٍ علـى حزنـي يواسينـي

أبيه لمركبي مرسى وأبيـه لغربتـي أوطـان
أبي لامن ذرفـت الدمـع لينـه لـي يعزّينـي

أنا ما أبيه يصبح ضلع أبيه يكون لـي ضلعـان
أبي لا من مشيت وطحت حط يديه في يدينـي

إلامن خانني التعبير أبيـه يكـون لـي لسـان
أبي لامن سكتْ ألقاه .يفهم مـن نظـر عينـي

أبي لا من تعبت وضقت لمّ الروح بالأحضـان
أبيه يكون لـي كتـاب إذا ضاعـت عناوينـي

أبي أعشق وأبي أغـرم وببنـي للهوى بنيـان
أبيه يكون مبنى ضخم ويسكـن فيـه مغلينـي

أبي واحد ويسكن بي وابطرد لأجلـه السكّـان
أبي يسكن وسط قلبـي وعمـره مـا يخلينـي

أبي أشعل شموع الحب وبأعطي من الغلا بستان
أبـي أهديـه باقـة ورد ..مسقيهـا شرايينـي

سكن قلبي قبل ماشوفه ..
قبل ماعرفه .. و أعرف وصوفه..
و كل الي عرفته بس
عليــه الــروح ملهوفــة ..
أشتــاق لــــه ...
و مدري ليه أشتاق ..
و أخــــاف ..
من ضيـــم الأشواق ..
من كثـــر خوفـــي ..
أعاتب ظـــروفي ..
و دوم أترجــــى ظروفـــه ..
في غيـابــه ... غيـابي ..
و فــي حضـوره ..
يطــل النــور من نــوره ..

في قـــربه ... عــذابي ..
و إن شكيــت
البعـد معــذوره ...
إن غاب .. عذبني غيابه ..
و شوقني لتــعذيبه ..
و إن حضــر .. ذوقنـي عذابه ..
و أحتار شـسوي بـه ..
مـا قــد شفـته أو لمحـــته ..
بس لو غمضت عيــني ...
ما تفـارقني طيـــوفه ..

بعيوني ساكــن خيـــاله ...
و بقلبــي سـاكــن لحاله ...
و بــالروح حفـــظت ..
اسمه و أربع حروفــــه ..
كل هــــذا و عيني ما تشوفه !!
أجل وشلون لو أشوفه ؟!!
وشلون ..
لو عيني تنـظر لــ عينه ..
و أشــوف ابتسامه ..
و أسمع كـلامــه ..
و كفــي يلامس كفـــوفه ...؟!!
غريــبه حالتي !
و الأغرب إحســاسي ،، ...
مـــا عرفـــته بس
اهو أغلـــى ناسي ،، ...
والله ... والله ،،
سكن قلبي قبل ماشوفه ..
قبل ماعرفه .. و أعرف وصوفه..
و كل الي عرفته بس
عليــه الــروح ملهوفــة

ودي أضم جدار بيته... وانا أبكيه

أجيه وأدري لو أجـي مالقيتـه
لكن كذا أرتاح لاجيـت ماضيـه

والله لا اموت وغايتي مانسيتـه
حتى بصلاتي اطلـب الله يهنيـه

الحاره اللى تفتخـر فـي مبيتـه
نامت كما طفلٍ فقد حضن اهاليـه

حتى في غيابـه للشـوارع شكيتـه
قالت تصدق عاد مثلك انا اغليـه

يشهد جداره من حنينـي بكيتـه
ودي أضم جدار بيته وأنا ابكيـه

ياما بصدق أحساس قلبي عطيته
وياما خذاني من التعب بين اياديه

أذكر في ذاك اليوم مـره لقيتـه
يبكي وضايق ياصاحبي مـن لياليـه

جيته بدون شعور لهفـه خذيتـه
وساعه أنا وياه جالس اواسيـه

وشرد خيالي من دموعه نسيتـه
جالس أفكر في دموعه وناسيـه

أثـره يناظـر دمعتـي مارأيتـه
قام وسألني ليش تبكي وأنا فيـه

مسح دموعي ياصاحبي واحتويتـه
مثل الغريب اللى تضمه غواليـه

واليوم انا والدمع وجـدار بيتـه
نسترجع الذكرى قبـل لا يخليـه