هل انت ضد او مع ..ولماذا?

اصطدام عنييييفففف ..

يلا نكمل ..

ضدد وبقووووة .. حتى الايابادات الي صرنا نشوفها بيد كل طفل لايتجاوز السابعة
هذي مصيبة وحلت على معظم الآسر .. وكلها تقليد اعمى فلان عنده وانا ماعندي
وفي الآخر الطفل من يدفع الثمن من صحته !!

نرجع لسؤالي :

مع او ضد تشجيع الآنثى للكورة ؟

مع تشجيع الانثى ولكن بحدود المعقول وبعيد عن التعصب الغير محمود

يستمر سؤال الحره [emoji257]


[emoji257]

ضد فئة معينة من البنات والي هن يحفظن اسماء اللعيبه ويسوين حركات اعجاب ومصاخة لاتليق بالفتاة المسلمة!

يستمر لعل نطلع بنتيجة ايجابية ..

ايضا ضد ان البنيه تشجع الكره او خاصه لتعصب الرياضي

اشعر ان هالشيء يفقد البنت انوثتها وحيائها الذي جبلت عليه
>>وش بقينا لذكور ان كان الفتيات يشجعن يتعصبن!!
...

السووووال//

مع اوضد زوااااااج الاقارب؟؟
..

معليش ع التصادم يا الحره


أنا ضد زواج الاقارب كفكرة أن هذا لبنت عمه وهذي لابن خالها وهكذا فأنا ضدها وبنفس الوقت للأمراض الوراثيه التي تصيب القرايب فالبعد أراهو أفضل..


مع أو ضد دخول الاطفال للروضه..؟

بالعكس فرصه ممتازه لتعويد الطفل وتهيئته للجو الدراسي والتعلم المبكر

ضد او مع ابتعاث فتيات الوطن للدراسه بالخارج
طبعا اصبحو بعضهن يشتغلون بمطاعم في امريكا عشان بس تخلص دراستها ولاترجع السعوديه وتراه فشل بسبب قلة الماده
الكلام هذا انا مسئول عنه حتى ولو نشر

تميم فين سوالك ..لان انت مجاوب عليه..
..

الابتعاث قد ماله ايجابيات له عدة سلبيات ..
ومنها ضعف الوازع الديني واختلاط الحلال بالحرام ..
وغيرها . الا من حفظ نفسه ووضع اهداف وخطط امامه ..
..
السوال:
ضد او مع خروج الفتاه بمفردها لزياره صديقتها؟؟
..

انا ضد
طيب وش يضمن لها ماتتعرض لمشكله اثناء خروجها لوحدها بدون احد من عائلتها
طيب واللي نسمع عنه من اختفاء الفتيات احيانا من وقت لاخر والكارثه اللي تحصل من وراء ذلك ويظلون الاهل مضيعين بنتهم ولايدرون وين هي

ضد او مع التقيد والالتزام باللبس الشرعي الكامل الساتر الصحيح

مو بس كذا ي تميم .. ممكن الخلل من الصديقه اللي حصل بها الثقه
ممكن يكون لديها اخوان او اختلاط او عادات غريبه او يحصل تردي منها بناء لثقه.
الحين الواحد يخاف من كل شي والله المستعان ..
حتا وان وجدت الثقه
الحرص اولى..
..
طبعا مع ي تميم وهل يوجد افضل من الالتزام منه
فيه حشمه وحفظ للكرامه من التحرشات وغيرها..

..
ضد او مع الوجبات السريعه؟

صراحه الفاست فود لايقاوم وللامانه اقولها
لكن الافضل التقليل منها قدر الاستطاعه مضره ومامنها غير المرض نجلس ناكل اشياء والله ماندري وش مصدرها وحتى وش نوعها من لحوم وبلاوي ثانيه
بس صراحه شعب مايفكر دايم الاكل اولى اولوياته
وع طاري تقبل اكلنا لكل شي قبل فتره في مطعم طلبنا كبسة لحم وحبينا نضحك مع العامل شويه وقلنا له وش نوع اللحم ذا قال وهو يمزح اكل مابيجيكم شي السعودي ياكل لو حتى لحم حمار ماعنده مشكله هههههههه وعرفت كلامه ذا ماجا من فراغ ابدا ههههههه

طيب مع او ضد شراءكل ماهو جديد من اجهزه وموضات والبسه وغيرها بدعوى مواكبة التطور

بالطبع لا فهذا تبذير وليس تطور


هل انت مع سفر المرأه بدون محرم كما هو حاصل الآن..؟

ضده ولو ان الظروف احيان تجبر خصوصا من لاتجد لها عائل حين السفر ولكن اذا معها عائل ومدكي في البيت هنا مشكله

مع او ضد المبادره دائما للاعتذار

واحنا عندنا البيك لايقاوم :)
...

شي جميل المبادره للاعتذار ..تدل ع طيب القلب ونواياه ..
ولكن ع كل شوي
يعتذر لشي يستحق ولا يستحق احسها خفه ..
...
السوال:
ضد او مع مهنة المراه ك طبيبه او دكتوره والزواج بها .. ولماذا؟

عاد البيك حاله ثانيه وانزل عشانه للقنفذه 350 كيلو والود ودي يفتحون فرع عندي هنا باعطيهم البيت ههههههههه

بالعكس المبادره دايم للاعتذار شي طيب يالسفيره ولاينزل من قدر ولاقيمة احد ولو بعضهم مايستاهلون الاعتذار ولكن من سماحة النفس لايمنع من التنازل للغير والمبادره

صراحه طرحك في الصميم يالسفيره وارى انها تتزوج الطبيبه ولكن من طبيب مثلها يكون افضل

سالفة مسايير الحريم وعصرياتهم مع او ضد
طبعا اسوء الاجتماعات اجتماعات النساء كلها حسد وعين وقيل وقال هههههههههههه