سجل حضورك ببيت شعر

بين برد الشعور وبين برد الرياض
‏ترتجف كل كلمه .. جيت بقولها

‏يا سواد الليالي وين ذاك البياض!
‏كل ضحكه تزول إن فارقت زولها

‏يعترض لي هواها ماعليه اعتراض
‏أنا مجنون .. غرّتها .. و مهبولها

‏الطواري تهيّض خاطري واستهاض
‏ما اقدر اشوف رغباتي ولا اطولها.

يالله بحظٍ تساومني عليه الملوك
‏يقضي على راس فتنة حزني المعنوي

‏ماهو بحظٍ تراودني عليه الشكوك
‏متسلّط الله لا يسلط علينا قوي

عن نسيم البرد و الليل روحي في ذراك
‏كل ليلة فالشتاء معك ليله دافيه

‏من يعيش سنين عمره على ضفّة غلاك
‏ما يبي غير الرضا و العفو و العافية

راح عمري وأنا للوصل أحثّ الخطاوي
‏ولاجلك أحارب أعراف ، ومبادي قبيله

‏مانكسر رمحي إلا فوق درع الفتاوي
‏ويش أسوي وأنا مسلم وأحب الفضيله!

عسى نسمة الغربي تحول على واديك
‏ نسيمً غرامه فوقه الغيث وداني

‏وانا ماني بـ لايّمك بـ اللي لقيته فيك
‏حداك الغرام اللي له سنين يحداني

كَــم تَطلُبُــونَ لَنـا عَيبـاً فيُعجِـزُكم
ويَكــرَهُ اللــه مـا تـأْتُونَ والكَـرَمُ

‏ياما قطعت الطريق الموحش لحالي
‏في حزةٍ تذبح الساعة عقاربها

‏مايرخص العمر غير اللي فقد غالي
‏ومازاد روس الدهاة إلا تجاربها .

لقيت في بعدي عن بعض الناس راحه
‏وجنبت نفسي عن بعض الميانات تجنيب ..)

نامـو وخبو اسـراركـم بالوسـايد
واذا صحيتو صبحوها بـ أماني

اللـيل يكتب .. للمـواجع قصايد
والصـبح يعزف للتفاؤل أغـاني.

ما انتظرت من الكثير الا القليل
‏ولا طلبت من النعم غير الستر

‏لو أحقق كل ساعه مستحيل
‏الحصيل قماش ( مترين فـ متر ) !

إي والله نجامل على حسب الظروف
حتى لو إن بعض المجامل مشكله

ياوقت ماني طامعٍ في عطاياك
‏ لا دامت الدنيا ولاني بدايم

‏ الله يجمّل سيرتي واتعداك
‏ للجنة اللي من كبار الغنايم

مع روعـﮧة آلجـو يبـدأ لـ آلشعر حرفہَ
خليط يجعـل دفــآه يتـوه في بردهْ

‏حتى و إن بدَتِ السماء بعيدةً
إنّ الذي فوق السماء قريبُ

فارفع يديك إلى الإله مناجياً
إن الجروح مع الدعاء تطيبُ

ماضرنا بُعد السماء وإن علت
ما دُمت يارب السماء قريب

ان بكّت الفرقا وجيه المقادير
ما خانت الذكرى صدور الليالي
والغالي اللي ما حصل منه تقصير
ان راح غالي وان بعد رد غالي