سجل حضورك ببيت شعر

وش ذنبنا لا صـار منطقنـا فصيـح

........ وقلوبنـا مـا كـل مـن جـاهـا قلـط

حنا نحب الصـدق ونقـول الصحيح

........ والمشكلة في الناس تفهمنا غلط

ام هتان ,ندى معجبون بهذا

من جرب الحب في وجه النقى يتعب
لو كان وجه النقى ما عاد له قيمة
َ
من خاطري لو بغيت ألعب قدرت ألعب
لكن عصاني الفواد و عيّت الشيمة !

ام هتان معجب بهذا

ننسى جمايلنا الجميله مع الناس

........ ونمـوت ما ننسـى الجمايل علينا

ام هتان معجب بهذا

أجمـل اللحظات تقتلهـا الظـروف

........ مرحبـا.. ماتت على بـاب.. البقـى

‏القـلـوب عيـون لكـن مـا تشـوف

‏........ والعيون قلـوب تنبض في اللقى

إن وصَلتِك شِفتْ مِنك الضِيْم كلّه
وإن جِفِيتِكْ نَارَها " مِنّي وفيني !!

الناس مـا تـدري وش اللي ورانا

....... وما كل شيءٍ داخل القلب ينقال

نعطيهم الضحكة ونخفي عنانا

....... نسكت ونحمد ربنا بكل الأحـوال

ام هتان معجب بهذا

‏اللي كتب رزقي وحظي وموتي !
‏قادر يعوضني عن الحزن بـ افراح

هدوء المساء معجب بهذا

‏حطيت بين القلب والناس عازل
‏وريحت نفسي من رجاوي سنيني

‏و قدمت عن كل الأماني تنازل
‏إلا رضا الله ثم رضا والديني !

هدوء المساء معجب بهذا

‏مع أحترامي للمشاعر عرض طول !
‏لا يوجد أجمل من (شعور الاكتفاء)

هدوء المساء معجب بهذا

بـعـض الكـلام اسـرار لا صـار تـلمـيـح

‏....... مــثل المعانـي بـالقصـايد.. غـريـقـة

‏وبعض السكوت طعون من غير تجريح

‏‏....... تكشف خفـايا الـناس لـو هي عميقه

ام هتان معجب بهذا

عساك بالجنة ياصوتّ فقدت حكاه
‏و ياوجه ماغابّت ملامحه عن بالي

ام هتان معجب بهذا

ثنتين من مُجمـل صفات الرجوله

........ ترفع مقامـك عن كثير المشـاريه

ما لا يسـرّك تسمعه .. لا تقـولـه

........ وما لا رضيت بفعلته.. لا تسـوّيه

أشوفك حلمي المرضي وشوفك حلمي الخواف
‏

هدوء المساء معجب بهذا

ما فيه مثل العافية ستر وغناه

........ إن جات للمسلم.. تراها كافيه

كم واحـدٍ يطلب ملذات الحيـاه

........ وإذا مرض ما يطلب إلا العافيه

ندى معجب بهذا

راس مـالي في الحياه الطـيبين

......... اللي على وضح النقا دستورهم

النهـج واضـح.. لا يسـار ولا يمين

......... والوجـه واحد لو تشين امورهم

ندى معجب بهذا