رمضان يجمعنا .!

المشاركة الأصلية كتبت بواسطة تميم

ماتشوف باس الوالده يالحريصي والله يقومها لكم بالسلامه ويعطيها الصحه والعافيه
وحياك منور الطرح
انا رديت بعد الفطور قبل امس ونومه لالحين توني صحيت هههههه
والله مدري احسب بس ذيك الليله وخلاص اثاريكم منتظريني يومين هههههه
المعذره منكم والله مانتبهت ومعد ودي ادخل ذا الطرح الاقي صدمه ثانيه بالرفرف الثاني ماتعرف تسوق هذي المهاوي 😌

تلقى صدمه بالرفرف الثاني هاه .؟!
حقك ي شيخ وحده وع التشليح
تعال رد ع سؤال السفيره و ندى
لين يجي حسن
ترا عممت عليك مكفوش مكفوش 😜

يسعد مساكم يا حبايبنا يا غالين..

ابشركم ان الوالده طيبه والحمدلله والشكر له.
وشكراً لكم جميعاً ولا خلا ولا عدم
الله يحفظكم ويحفظ لكم كل غالي.

المشاركة الأصلية كتبت بواسطة مهاوي

تلقى صدمه بالرفرف الثاني هاه .؟!
حقك ي شيخ وحده وع التشليح
تعال رد ع سؤال السفيره و ندى
لين يجي حسن
ترا عممت عليك مكفوش مكفوش 😜

مدري كلام اردو ام كلام بالهجه الحميريه القديمه ههههه
نذلف احسن وبلاش السوالف سلام

السلام عليكم ورحمة الله وبركاته..

الحمدلله والصلاة والسلام على رسول الله
نبينا محمد وعلى آله صحابته اجمعين.
اما بعد..

اسأل الله الذي بلغنا رمضان بفضله ونعمته على خير
أن يبلغنا تمامه والجميع بصحه وعافيه
وأن يعيننا على الصيام والقيام وصالح الأعمال
ويكتبنا فيه من المقبولين ومن عتقائه من النار
نحن وأبائنا وامهاتنا وابنائنا وبناتنا واخواننا وخواتنا
واهلنا جميعاً وجميع المسلمين.

ثم اشكر من استضافني في هذا الموضوع الشيق الجميل
الاخت مهاوي..
ومن طلبني للجلوس على هذا الكرسي الفخم
للحديث والسوالف عن رمضان وذكرياته وبرامجنا في ايامه ولياليه.


رمضان شهر فضيل شهر خير وبركه
وفيه من الألفه والمودة والتراحم
اكثر من غيره من الشهور.
وفي كل الشهور خير لمن اراد الله له الخير..
الحديث عن رمضان وذكرياته ذو شجون
ولكن صراحه ترون الذاكره ماش
اوعدكم ان اتحدث عن الي اذكره من مواقف وذكريات وغيرها.

خلوكم قريبين ومتابعين..

المشاركة الأصلية كتبت بواسطة ملك الشرق

مدري كلام اردو ام كلام بالهجه الحميريه القديمه ههههه
نذلف احسن وبلاش السوالف سلام

لا تعال يا ملك الشرق وين تروح
نبغى نتبسط ونتحكوي.

لا تبعد خلك قريب..

ذلحين وش نسوي..
ننتظر تميم يرد على اسألتكم وبعدها نبلش نسولف
والا وس العلم

المشاركة الأصلية كتبت بواسطة الحريصـي

يسعد مساكم يا حبايبنا يا غالين..

ابشركم ان الوالده طيبه والحمدلله والشكر له.
وشكراً لكم جميعاً ولا خلا ولا عدم
الله يحفظكم ويحفظ لكم كل غالي.

اررحب ترااحيب المطر وحياك
الحمدلله ع سلامتها ويارب دوم وهي بخير وعافيه
امين يارب ويحفظ لك غواليك 🌹

المشاركة الأصلية كتبت بواسطة ملك الشرق

مدري كلام اردو ام كلام بالهجه الحميريه القديمه ههههه
نذلف احسن وبلاش السوالف سلام

هههههههه
هذي لهجه اغريقيه
مممم وش تبي واترجم لك امر بس ☺

المشاركة الأصلية كتبت بواسطة الحريصـي

ذلحين وش نسوي..
ننتظر تميم يرد على اسألتكم وبعدها نبلش نسولف
والا وس العلم

سولف يبو علي وخذ راحتك
كلنا مصغين لسوالفك وعني جداً متحمسه

اسلم

اول رمضان صمته كنت صغير والله كنت بمعر يمكن عشر سنوات.
اذكر موقف طريف صار لي بأول يوم صمته
بس لا تضحكون..
كنت افكر ان الي يصوم يمسك عن كل شي
حتى قضاء الحاجه الله يكركم
ههههههههههـ.
وكنت ملتزم بهذا الاعتقاد حتى مدري كيف
جت سالفه مع اخوي الكبير وقلت له
قعد يضحك لين بغى يفطس.
المهم قالي لا لا يا حسن ما هكذا الصيام
خلك طبيعي ههههههههههههـ.
وبعدها صراحه استانست وواضبت على الصوم.

استروا ما واجهتم..
ترى الثقافه الصياميه لها دور وكنت صفر فيها ذيك الأيام.

طبعاً انا من عمر عشر سنوات
الى سبعة عشر سنه قضيتها بالقصيم
كنت عايش في مدينة بريده بمنطقة القصيم.

يعني قضيت هناك فترة الصبا الجميله..

وايام كنا وراعين يا حنا نبلش المصلين في صلاة التراويح
كانت من ضمن البرنامج المسائي ليلياً في ليالي رمضان
وياحلوها والله ذيك الفتره وذيك الايام.

كانت وناسه ما بعدها وناسه اللعب والملاحق اثناء صلاة التراويح
لكن ماهو قدام المصلين
لا في الساحه الخاجيه للمسجد
الين تنتهي الصلاة وكل واحد يروح البيته
يدور له حاجه يلهمها ههههههههههههـ
ايه لأنه باذل مجهود حول ساعه كامله ركض وملاحق.

لما عدينا فترة الورعنه
التي ليس فيها تخطيط مسبق لقضاء الوقت
حيث كانت تجي الخطط الليليه على البركه
وكيف ما جت نمشيها..

ودخلنا فترة الحرص والتخطيط كنا نشكل
دوريات رمضانيه في لعبتي كرة القدم
وكرة الطائره
كل على حسب هوياته والي يرتاح له
طبعاً مع ابناء الحاره كلهم
نجهز ونعد البرنامج من الألف إلى الياء
وباجمل واروع تنظيم
وكنا نقضي اوقات صراحه ممتعه وفله
وكان البعض وانا منهم
كنا نشترك في برنامجين كرة قدم من بعد صلاة التراويح
وكرة الطائره من بعد صلاة الفجر
إلى ان تشتد حرارة الشمس.

هذي بعض الذكريات الرمضانيه الحلوه
في ايام الصبا وبدايات الشباب.

حمدالله ع سلامة الوالده الحريصي
..
سواليف الحريصي يبغا لها وقت للقراءه ع مهمل .
وجلسه خاصه نقرأ له الردود ونعلق.
ان شاء الله تعالى ارجع وأقرأ كل سواليف
الحريصي التي لاتُمل مبين انها رووعه ومشوقه..

يعطيك العافيه الحريصي
ربي يحفظك َويديمك
...

الله يحييك يا السفيره
وشكراً لك.