( المليون رد) قلب منتديات قبائل ال تليد

وأسقيك عذب الشعر وأسقيك مآطآب
......... من الكلآم اللي تحبه ويرضيك

ونسهر على بيض النوآيآ ، والإعجآب
.......... والشوق ، والحب الحقيقي ، وأغانيك

لكن متى ترجع .. متى الدمع ينسآب
.......... وينك ترى طول مفآرقك .. وش فيك

تعآل .. أبحكيلك .. معآنآة الغيآب
......... تعآل .. أبشكيلك .. عنى .. شي يعنيك

قلب ٍ عطى كل البشر كلمة.. أغـرآب
.......... وسمّآك بس إنت القريب.. وحوآليك

طآرت من أعمآقه .. أحآسيسه .. أسـرآب
......... وصرت السمآ.. لآصدق أحآسيس .. تغنيك !

قريت خطّك بالوفا عشر مرات
في كل مرّه تنثر العين ماها

ذكّرتني هاك الليال الجميلات
لو كان قلبي ذاكر ٍ مانساها

من عقبكم ماعاد للعيش لذّات
ما التذ في دنيا مخالف هواها

اليوم انا مثلك جدّاي التنهات
عيني تهلّ دموعها من عناها

هايم بعيد الدار سهران ما بات
اتبع هواجيس ٍ بيد ٍ مداها

نار ٍ تلهّب بين الاضلاع زافات
نار ٍ لهّبت بالجوف عالي سناها

مالي عن المقسوم ما فيه مشكات
بليت بلوى سمّ حالي بلاها

الله يبدّل حالتي في المقبلات
ما يقطع لنفس المشقّي رجاها

ارض الجزيره علّها للمسرات
القلب و عيوني و روحي فداها