مدونة أبو مسلم (قصص وقصائد ونوادر وفوائد)

قصة طريفه

صالح الطريقي ماجد عبدالله كابوس لجميع الحراس

وتسجيل الاهداف أسهل عنده من شرب المويه







الله كم أنت كبير يا ماجد

قصيده الشاعر: ضويحي بن حسن المهيثلي الحافي
في ابل فنجال الشيباني

قريت لي فالرياض ابيات شعريه = روايع فكر بن وســـام محكـمهـا
ابيات شاعرٍ من النقاد محميـه = واهل العزايم ماقلل من عزايمها
من شان تقديم هذيه على ذيّــه = كيف المصور يدبلجهـا ويبهمــها
ونتايج الفوز مسموعه ومقريـه = مدري فهمها غلــط ولا تـغاشمهـا
سلطان يوم الحقيقه شمسها حيه = ماظن مثلك يابن وســـام يكتمها
قول الحقايق على العراف حتميه= والاوله كيف تجـهل مــن تسلمـها
من غير فنجال بالوضحى المثاليه= ثلاث مــرات لازمتــه ولا زمهــا
جوايز الفوز مجموعه وفرديــــه= من لجنة ٍ عادله ماتهفي اذممها
سلطانه اللي خذتها بالميه ميـه= بالاوله كـل خـــلق الله تقــيّمها
وضحاً عليها الهلال وهي هلاليـــه= اسطورة ٍ يعجز الرسام يرسمهــا
فيها من اللي يقود الريم عفريه= عظيمة الشان والخالق معظمــها
في مقدم الوضح تشبه نصب وسميـه=اقول تسلم ويسلم كــف واسمهــا
مثل العلم فالعروق اللي لهافيه= من ذود فنجال ماتخفى معالمـها
وانهبّت الريح شرقيه وغربيــــه= من دونها عزوة ٍ تعرف قدايمـها
بين الشيابين مع ذود الخليفيـه= محشومة ٍ في ذرى شيخ ٍ محشمــها
فنجال واربوعنا اللي تحتم الهيه= وقت المزاعم تضداللي يزاعمها
واليوم الاحكام معروفه وشرعيـــه= في ظل حامي بيوت الله وخادمــها
جوايز الفوز مقبوله ومـــرضيــه= بااسم المؤسس حضر مشعل يقسمها
حط الجوايز محليه ودولــــيـــه=ويحرص على الابل اخو نوره ويكرمها
وقصدي بما قلت فالروحه وفالجيّـه= نتايج الفوز كل الناس تفهمها
وسبيع عندي لهم حشمه وجاهيــــه= وحقوقهم وافيه مانيب هاضمتها
افعالهم بالكرم والجود مسميـــه= وحنا ارجال ٍ تشيمنا نتشيمـها
والجايزه فالميادين العموميـــه=ماتبعد الناس وتفــرق تلاحمـها
وارجو عسى تغلب الحسنه على السيه= وختامهامسك الاعمال بخواتمها

قصه وقصيده


للفارس ضويحي بن خالد المهيثلي الحافي


من احد فرسان الحفاه


تقدم ضويحي بن خالد لخطبة امرأه تدعى سار.

فلما رد لها والدها الشور رفضت وقالت: انه ليس لديه فرس ولا بندق.
وبعد مدة من الزمن استطاع ضويحي بن خالد الحصول على فرس وكذلك حصل على بندق .
وشارك ضويحي في العديد من المعارك مع قبيلة الحفاه وعتيبه . واضهر فعله من شجاعه وفروسيه .
وقد اغتنم الكثير من الغنائم وصار عنده من الحلال ابل كثيره. والخيل .

وفي رجوعه من احد المعارك تذكر ماقالته ساره . اثناء خطبتها فقال احديه منها:

لـيت ساره فـوق نابــية الحصـاير ***** لين اتشوف اللي وطن بيدينهنه

يوم أغرنا ثــم تعقبنـــا الخســـــاير ***** والهنـادي يـرعبـن احسوسهنه

ثم نطحنا الجيش من فوق العشاير ***** ونطحة الفرسان للفرسان سنه

وقيل بعد ماسمعة ساره عن فروسية ضويحي , وسمعة عن قصيدتة ارادت ان يأتى لخطبتها لتقبل به. ولكنه رفض ذالك.

وضويحي له كثير من القصايد

(شومة عنقري) بلهجة أهل نجد كما وصلتني ...




بداح العنقري التميمي كان من امراء ثرمداء ... وكان رجل تاجر ... وكانوا يجونه البدو كل سنه يشترون منه بالدين اغراضهم وحوائجهم وكان رجل آمين وخلوق وكريم وصاحب مروه وشهامه ... وكان يديّن اللي يشترون منه الي السنه اللي بعدها يجون يشترون منه ويعطونه فلوسه الاوله ....

وحدى السنين جاه احد خوياه يشتري منه وكانت معه بنت مزيونه .... المهم ان بداح رحب بهم واكرمهم واشتروا منه ورجعوا لديارهم بالباديه .... فقرر بداح الا ان يتزوج بنت صاحبه ...

وفعلن عقب مامشوا منه وبعد كم يوم من مشيهم .. ويوم هقا انهم وصلو ديارهم شد على فرسه ولحقهم ... ايام وليالي لاوالله الا هو واصلن عندهم .... فرح خويه بالحيل وهلا به واكرمه ... وثاني يوم قال بداح لخويه انا جايك طالب ايد بنتك هيا ... فقال ابرك الساعات وارخص لي اخذ راي البنت ... فراح الابو ونشد بنته وبداح يسمع حيث ان صوتهم كان مسموع .. وقالها يابنتي بداح العنقري جاي يطلبك حليلتن له وش تقولين ؟؟ قالت البنت : هذا حضري .. خيال تصفيح مايصلح لي ولا أصلح له ..... سمع بداح كلام البنت ... فجاء الابو مستحي وماتكلم .. قاله بداح ماله داعي الحيا والزواج قسمه ونصيب .. مير انت بيض الله وجهك وارخص لي هالليله ابي انام والصبح ابي امشي لاهلي...

المهم جاء الليل وعجز لا ينام بداح من القهر من اللي سمعه ان البنت ماتشوفه شي وانه ماهو شجاع ولا به خير .. فتمنى بس لو يجي موقف يقدر يثبت به وجوده ........

المهم يوم اصبح الصبح مع الفجر .. يوم صاح الصياح .... الغزو الغزو .... اثاري قبيلة ,,,,,,, غازين وماخذين حلالهم .. فتفازعت القوم والحقوا الفضول وبداح قاعد ايتقهوى ماتحرك ابد (( لان الضيف مايلزمه شي )) فجته البنت هيا اللي كان يبيها تناظر له باحتقار وتقول حضري خيال نظره ..... حضري خيال نظره .... تعني انه بس مظهر ومحتقرته لانه مافزع مع القوم ...........

المهم وهم يلحقون الفضول واتشابك السيوف ويعجزون اهل الحلال لا يفكون حلالهم وهم يرجعون حول الضحى منكسرين وخايبين ولا ردوا شي .... وبهكاللحظات والناس والحريم كله طالعه تناظر الحال فقام بداح يوم شاف ان معازيبه انكسروا وقدام الكل والبنت تشوفه وركب فرسه وخذا رمحه وطنب يم ,,,,, يبي يرد الحلال لحاله ..... الناس استغربت والبنت اندهشت ... وهو يلحق ,,,,,, وادخل بينهم واذبح واذبح والبخيت اللي نجا .. وهو يرجع بالحلال حروة العصر لحاله ... وكانت الناس تستقبله كله .... واول ما اقبل يم الديره ومعه الحلال اركضت عليه هيا وقامت تهلهل مثل انه تعتذر منه وقبلة الزواج به .... فركز رمحه عندها وقال :


الله لاحـد يامـا غزيـنـا وجيـنـا
................................... وياما ركبنـا حاميـات المشاويـح



ويامـا علـى اكوارهـن اعتليـنـا
................................... وياما ركبناهن عصيـرن مراويـح


ويامـا تعاطـت بالهنـادي يديـنـا
................................... وياما كسبنا من حـلال المصاليـح


وراك تزهـد يريـش العيـن فينـا
................................... تقول خيال الحضر زين تصفيح ؟؟!!


الطيـب ماهـو بـس للضاعنيـنـا
................................... قسّم علـى كـل الوجيـه المفاليـح


البـدو واللـي بالحضـر نازلينـا
................................... كلن عطـاه الله مـن هبـت الريـح


يوم انجمر رمحي خذيـت السنينـا
................................... واودعت عنك الخيل صم(ن) مدابيح


هيا عطينـا الحـق .. هيـا عطينـا
................................... وان ماعطيتيـنـاه والله لا صـيـح


لاصيح صيحت من غدالـه جنينـا
................................... والا خلوجـن ضيعـوه السواريـح


ياعـود ريحانـن بعـرض البطينـا
................................... ومنين ماهب الهوا فـاح لـه ريـح


يابو نهيد(ن) تقل فنجان صينا
................................... والا كما بيضن للمشقا ذوابيح


لاخـوخ لا رمـان لاطلع تينـا
................................... ولا مشمش البصرة ولا هن تفافيـح




ويقولون عقب القصيده مشى وخلاها ماتزوجها
بعد ان شامت نفسه .. ومن هالموقف اطلق المثل قولة( شومة عنقري )

عزة النفس (1)

لا تَـسْقِنِـي مَـاءَ الحَيَـاةِ بِـذِلَّـةٍ


بَلْ فَاسْقِنِـي بِالعِـزِّ كَـأْسَ الحَنْظَـلِ



عنترة بن شداد

عزة النفس (2)



وَلَقَـدْ أَبِيـتُ عَلَى الطَّـوَى وَأَظَلُّـهُ

حَتَّـى أَنَـالَ بِـهِ كَرِيـمَ المَأْكَـلِ

عنترة بن شداد

عزة النفس (3)



نَفْسُ الكَرِيـمِ عَلَـى الخَصَاصَـةِ وَالأَذَى

هِي فِي الفَضَـاءِ مَـعَ النُّسُـورِ تُحَلِّـقُ

الأخطل الصغير

عزة النفس (4)




عِشْ عَزِيـزاً أَوْ مُـتْ وَأَنْـت َكَرِيـمٌ

بَيْـنَ طَعْـنِ القَنَـا وَخَفْـقِ البُنُـودِ

المتنبـي

عزة النفس (5)



نَحْـنُ أُنَـاسٌ لا تَـوَسُّـطَ بَيْنَنَـا

لَنَاالصَّدْرُ دُونَ العَالَمِيـنَ أَوِ القَبْـرُ

المتنبـي

عزة النفس (6)

مَنْ يَهُـنْ يَسْهُـلِ الهَـوَانُ عَلَيْـهِ

مَـا لِـجُـرْح ٍبِمَيِّـتٍ إِيْـلاَمُ

المتنبـي

غزة النفس (7)




يَهُـونُ عَلَيْنَا أَنْ تُصَـابَ جُسُـومُنَا

وَتَسْلَـمَ أَعْـرَاضٌ لَنَـاوَعُقُـولُ

المتنبـي

عزة النفس (8)




تَهُـونُ عَلَيْنَـا فِي المَعَـالِي نُفُوسُـنَا

وَمَنْ خَطَبَ الحَسْنَـاءُ لَمْ يُغْلِهَاالمَهْـرُ

أبوفراس الحمداني



للموضوع بقيه ... يتبع ...

عزة النفس (9)



إِذَا المَرْءُ لَمْ يَدْنَسُ مِنَ اللُّـؤْمِ عِرْضُـهُ

فَكُـلُّ رِدَاءٍ يَـرْتَـدِيـهِ جَمِيــلُ

وَإِنْ هُوَ لَمْ يَحْمِلُ عَلَى النَّفْسِ ضَيْمَهَا

فَلَيْـسَ إِلَى حُسْـنِ الثَّنَـاءِ سَبِيـلُ

السمو أل

نصر العالميه

يامرحبا بالعالمـي ويـن ماكـان

لأجتاح فوح الشعر طروة عبيـره

***

تفز له صدق المشاعر على شـان

وتنصاغ له در البحـور الغزيـره

***

هنا وطن وأعظم وطن بين الأوطان

ويكفيك عز العالمـي هـو سفيـره

***

هيبة ملك في سطوته موت الإنسان

نصر السعوديه عسـى الله يجيـره

***

يقـود ماينقـاد قايـد وسلـطـان

وشعاره المشهور شبـه الجزيـره

***

على الطليعه للصـدارات عنـوان

تاريخ مافوق السيـوف الشطيـره

***

من فن مدري ذوق وإن قلت فنـان

تستشعره فكـر العقـول الكبيـره

***

عنيد خصم وقاسي (ن) مابعـد لان

للعز ولا ّ مـوت الأبطـال خيـره

***

والعالمي يجسدلقب طول الأزمـان

والعالميـه مالهـا نصـر غيـره

***

هذا الكلام اللي على الحق برهـان

بإسم الأدب تبقـى الرموزالشهيـره