تبعات مبارة النصر والتعاون على الهلال

.


بسم الله الرحمن الرحيم

تحية طيبة لجميع اعضاء الشبكة الاعزاء

ما يخفى على كل المتابعين اللي يصير في هالايام من اساءات واشاعات على الهلال وبشكل يومي وما راح ابالغ لو قلت صارت تطلع في كل ساعه بعد .

بعد ضجة احداث مبارة النصر والتعاون اللي اشوفها من وجهة نظري مبالغ فيها , فكرو جيراننا الاعزاء انه وراهم سواليف طويله مع جمهور ناديهم وما يبونهم يلتفتون لها فحاولو بشتى الطرق انه ينسون جمهورهم اللي صار في الدوري خصوصا وانه لاول مره تصير من سنوات طويلة انه ناديهم ( تصدر ) الدوري لجولة وحده ومن بعدها طار من الصدارة .

دائما رئيس النصر يكرر مقولة ( جمهور النصر هو من يقيل فيصل بن تركي ) كنت من قراءتي لكلامه اقول هالاسلوب وراه شيء , ما راح يجي ياكل في عقل جمهوره حلاوة الا عشان يبي يكسب ( سكوتهم ) وارضاءا لهم طلع له كم سالفه عن الهلال عشان ينسي جمهور فريقه المشاكل اللي يتعرض لها ناديه الحين من تاخر في مستحقات مدربهم المقال مرورا بمستحقات فيقاروا وعشان ينسيهم السالفه الاهم وهي تنازلهم عن الصدارة . خصوصا اننا نعرف انه من بداية الموسم وجماهير ناديه تطالبه باقاله المدرب اللي يتخبط بناديه وكان يكابر لين اقتنع انه مدرب فاشل ومن باب ( المكابرة ) قال سبب الاقاله ( شغب المدرب مع جمهور النصر في مبارة الاتحاد )
وهذي من ضمن المقولات اللي يبي يكسب فيها جمهور ناديه لانه ما يبي يجي احد يقول له قلنا لك من بدري بس ما سمعت كلامنا , المشكله الاكبر اللي خلتني اضحك من سبب الاقاله هو تصريح سموه بعد مبارة الاتحاد بانه الجماهير مالها دخل بالامور الفنيه وكان واضح من تصريحه بانه مقتنع بالمدرب والدليل انه ما اقاله بفترة التوقف اللي كانت تصاحب دورة كاس الخليج وجانا بعد شهر يقول اقلته لهالسبب


يا سمو الرئيس الله يكرمك ويخليك تبي تضحك على جمهور ناديك عشان تواصل مكابرتك هذا شيء راجع لك انت وجمهورك لكن عند الهلال ( خط احمر )
كلنا نعرف انه اي رئيس نصراوي يتكلم عن الهلال فهذا يعتبر عند جمهور ناديه حقق بطولة اعظم واهم من البطولات المحلية والاسيويه , لكن لا تبرر اخفاقات فريقك وترميها على الغير .

الشيء الثاني اللي خلاني اضحك اليوم وهو طالع يقول انه ساكت 8 شهور عشان خاطر الكرة السعودية .سبحان الله 8 شهور ساكت ولما حب يتكلم جا يتكلم وقت انشغالنا كلنا كسعوديين مع المنتخب في كاس اسيا اللي ما بقى عليها غير 9 ايام , اقتنعتني يا سمو الامير بان مصلحة الكرة السعودية تهمك

هذا غير احساسي الدايم بانه سموه يعرف كل خبايا الانديه , قبل اسبوع يقول بكل ثقه انه في اشخاص خبروه انه في تعليمات لـ لاعبين الاتحاد بانهم يتعمدون ايذاء لعيبة الفرق الثانية وبوقتها راح يتكلم
واليوم طلع يقول لنا انه عنده خفايا كثير بس راح يطلعها بوقتها
ودي اعرف متى وقتها اللي كل شوي طالع يقولها
انا من جد مو عارف يعني تبي تكره جماهير الانديه في فرقها وتبينا بعد الشر نشجع فريقك ؟

انا اتمنى من ادارة نادينا انها ما تلفت خير شر عن كل ما يدار هالايام , هذا شيء تعودنا عليه , و والله العظيم انه كل يوم اشوف في اشاعه او اساءات للهلال و ( اعضاء شرف ) مافي قناة ما دارو فيها وتكلمو عن الهلال غير يزيد حبي لـ هالنادي العظيم . وش تبون اكثر من انه عضو شرف متذكر تصريح الامير عبد الرحمن بن مساعد في اول مبارة السنة اللي فاتت مع القادسية
ما شاء الله على الذاكرة والله احنا في نعمة نحسد عليها , يكفي اننا متصدرين الدوري واحنا كنا في فترة انتقاليه + الفريق ماهو في افضل حالاته + التحكيم والفريق يفوز من غير ما نرمي اخطائنا على شماعه التحكيم

نلتقي في اشاعات جديده

أشكرك أخي كاكا على الموضوع ومضمونه وهذه وجهة نظر نحترمها ولكن عندي سؤال بسيط ..يعني كل الصحف والكتاب والمحللين وأهل الرأي والخبرة وجماهير كل الأندية والمدربين الذين تظرروا من أفعال وتصرفات لجنة التحكيم ومحاباتها للهلال كل أولائك هم في نظركم مخطئون وأنتم الوحيدون البريئون المحاربون المغلوب على أمركم؟؟؟؟؟؟