يبقى الوفا لاهل الوفا

هذي الصيدة لأبوراشد الهروبي جميله جدا


يبقى الوفا لاهل الوفا ربح ماضاع

والطيب لاهل الطيب ماهو خساره
‏&‏
من جاور الشامخ من النخل ماجاع

لوكان يشكي من شديد افتقاره
‏&‏
من صاحب الوافين راقين الاطباع

عز الله انه عزه الله بجاره
‏&‏
ومن له سوى مسلفت انا ربع واتباع

مارح يفاجأني خبر انهياره
‏&‏
الله خلق قدره بني آدم انواع

واصابع الكف للخلايق اماره
‏&‏
الا انت وحدك انخلق فيك الابداع

بامرالولي ياصاحبي واقتداره
‏&‏
كل الطبوع اللي بها الشهم طماع

الله عطاك وتستحق بجداره
‏&‏
ياصاحبي ما لأجود الخلق من داع

مادمت حاضر بينهم في الصداره
‏&‏
أشقر ولبواب السما قمت قراع

واخذت من بدر التمام الاناره
‏&‏
واهدت ثريا الليل لك ضي واشعاع

والشمس اعطتك الدفا والحراره
‏&‏
لفلاك من ادنا لأقصى لك انصاع

ود المجره لك تقف الاستداره
‏&‏
ياسيد الأسياد للعز مرباع

نلته ودرت اصعب زمانك اداره
‏&‏
ياذيب ياللي تقهر ذياب وسباع

مات الاسد من هيبتك وسط داره
‏&‏
انت الشهم لا من دعا الامر فزاع

وانت البطل اللي غنم الف غاره
‏&‏
كفك لوجه الضيق لاطم وصفاع

وان صافح المضيوم زال انكساره
‏&‏
تقبض على شر الزمن قبضة اخضاع

والطيب سقته سوق من دون طاره
‏&‏
يا بحر ما يقطع مسافته جزاع

يالمزن في هل المطر من غزاره
‏&‏
دامك على وجه البسيطه فتنطاع

كم من شنب لك تحت رهن الاشاره
‏&‏
تحت السما تمشي ولا تلمس القاع

واذا لمست القاع تزهر دياره
‏&‏
ياصاحبي يالذيب للعلم اقناع

والحي ان ابطى وجب اعتذاره
‏&‏
ماني بمن هو للمواصيل قطاع

دنيا تفرق تاره وتلم تاره
‏&‏
الله وكيلك يالكفو البعد مناع

والا انت قدرك مرتفع كالمناره
‏&‏
قال المثل اذا لك الوقت ماطاع

طيعه وانا قلت التوالي بشاره
‏&‏
واثر الحقايق ان ذا الوقت نزاع

عقب ابتعدت اعلن يقين انتحاره
‏&‏
ايقنت انه غير وافين الاطباع

وان الزمن وايامنا في استداره
‏&‏
وان الوفا لاهل الوفا شي ماضاع

والطيب في شرواك ماهوخساره

قصيدة جميلة جداً ورائعة ,,,

من جاور الشامخ من النخل ماجاع

لوكان يشكي من شديد افتقاره


شكراً أخي الغالي جنوبي

صح لسان الشاعر ابو راشد الهروبي,,

وسلمت يداك اخي جنوبي على النقل المميز..

اتمنى لك التوفيق والتألق.

اشكرك على القصيدالجميله والرائع ياجنوبي

صـــح لسان الهروبي

أبيات شعرية رفيعة الذوق

شكراً لهذا النقل يا لغالي

احسآسككِ مرهفْ ، حرفككِ جميلّ دُمت بَسعآده