ابيات اعجاب

بسلك دروب العشق رجلي وركّاب
وادور المجمول وآقول وينه
***
هاك الغزل اللي سلب قلبي وغاب
اقفى وقلبي ضمته رآحتينه
***
لا جيت اوصف بكتب اكتاب وكتاب
مالوم شعري لو وصف بعض زينه
***
احسن وصفٍ للمعاليق نهاب
وشهو البدر لا شفت روعة جبينه
***
مكحول عينٍ ما يبي كحلٍ ايجاب
من صغر سنه ما وطى الكحل عينه
***
والثغر خاتم للمفاتين جذاب
والشهد يقطر من على شفّتينه
***
والخد وردٍ والشعر حيل منساب
على المتن تمشطه راحة يدينه
***
والحاجب اللي منحني فوق الاهداب
الله ما اجمل ياعرب حنيتينه
***
وجفنٍ ظليل مستثيرٍ وخلاب
ماهوب جفنٍ بالقلم رآسمينه
***
خصرٍ نحيل وكف ما يعرف اخضاب
عن ساير الحنا تعذر يمينه
***
ولا ضحك فاحت من انفاسه اطياب
كن العطر من نفحها ما خذينه
***
الموت والله الموت لاهز الاجناب
تغار منه هند واسما وامينه
***
والا تكلم يذهل الباب والباب
صوته عذاب وكلمته ما تدينه
***
والا زعل يزْعِل كثيرين الاصحاب
ما كن غيره ساكنٍ هالمدينه
***
ما الوم قلبي لا غدى اليوم منصاب
من فيه غيره يستحق الثمينه
***
لو قلت طيب جاوب القلب كذاب
وشلون اطيب وخاطري كآسرينه
***
هذي بعض ابيات تحكي له اعجاب
قلبٍ وعينٍ في غرامه سجينه

والثغر خاتم للمفاتين جذاب
والشهد يقطر من على شفّتينه
تليدي
مشكور على القصيده

نص عذب ورااائع كروعة روحك أخي تليدي وافتخر ..
دااام نبض قلمك ودمت عنوانا للتميز ..

أخوكـ أبو شموووخ