بين أوباما وأردوغان

" بين أوباما وأردوغان "


براك أوباما

من هجوس الريس اللي يشرّع كل باب
ودي أناقش رجب في علومً صايره

والله إنَا مارضينا عليك الإنقلاب
يوم جانا العلم دقيت سلف الطايره

رجب أردوغان

من هجوس التركي اللي مواقيفه صعاب
أركد أركد لايجيلك حكي ومضايره

من زمان العام تبغا سقوطي ي الغراب
لاتنافق وأنت خوتّك دايم بايره

براك أوباما

قد بغيت إتصير من بين ضرس وبين ناب
لين شعبك صار حولك سوات الدايره

بس وش عندك لو أجيك يامال الذهاب
من سبب روعتك يمكن تخش ب عايره

رجب أردوغان

كلها من تحت راسك لو أحلامك سراب
بس جاك الدور حسب السلوم الجايره

عندي الصاروخ والسيف قصاص الرقاب
والشعوب المسلمه والدمي الفايره

براك أوباما

لايغرك صاحبن لك ورى ذيك الهضاب
لا أروّح البارود يشرد شرود الذايره

وينهم يوم إن صدام ينخى مايجاب
والله إن محزمك مافيه طلقه ثايره

رجب أردوغان

ذاك والله لو يشدك يوريك العذاب
كيف تغتابه وقبل أمس توك زايره

مايضر إن مات صدام من بين الكلاب
والقضى لاحطك العود ف أسفل تايره

براك أوباما

يارجب حنا نحارب بتحريض الشباب
ناركم تاكل بعضكم والأنفس حايره

ادع لي عساني أفوز يوم الإنتخاب
لين أشوتك مثل ماشوت كوره طايره

رجب أردوغان

فوق قلة راسك إيجيك يابوم الخراب
واحدن فسقان يركي عليك ب وايره

الوعد بيني وبينك ترا يوم الحساب
من رداك إبليس سايرك وأنت تسايره
،،،،