  
 
|
 |
|
 |  |
 |  |
| فعاليات متجدده وممتعه عبر صفحات منتدانا الغالي |
|
||||||
| - "تحليقات في فضاءات همس القصيد" | ملتقى القصائد | | ونبض | | الشعر| | الشعراء | |
 |
|
|
أدوات الموضوع | انواع عرض الموضوع |
|
#1
01-28-2012
|
|||||||||||
|
|||||||||||
أعظم قصيدة شعبيه في مناجاة الله (يوجد مقطع للقصيده)
بسم الله الرحمن الرحيم
السلام عليكم ورحمة الله وبركاته : إليكم هذه القصيدة أتمنى أن تحوز على رضاكم :- أعظم قصيدة شعبيه في مناجاة الله (يوجد مقطع للقصيده) يالله وأنا طالبك تغفر لـي ذنوبـي يـا غفـور أرجيك والجا لك وأنـا سالـك وأعيـد المسألـه لوما تطهرني بعفـوك مـا تطهرنـي البحـور جيتك وذنبـي قـد تعـلاّ غاربـي يـا مثقلـه أنا من الطين انخلقت أخطـي ولانيـب معـذور قامت علـي الحجّـه بدعـوة رسلـك المرسلـه مؤمـن بتوراتـك وإنجيلـك ومؤمـن بالزبـور وبسنّـة محمـد وآيـات الكـتـاب المنـزلـه لكن خُدعت بزخـرف الدنيـا وزادتنـي غـرور أبدت مفاتنهـا وورتنـي مـن العمـر اجملـه طبعاً بما إني بنـي آدم حصـل منّـي قصـور وأذنبت يا مـولاي ذنـبٍ بالخفـا مـا تجهلـه أسألك تغفر لي وتستر موقفـي يـوم النشـور اليا القفت خلقـك صحايفهـا وهـي مستذهلـه من يستلمها بالشمال أفلس وهـو يدعـو ثبـور ومن يستلمها باليميـن أفلـح لخيـر المنزلـه وأسألك يا ربـي تعاونّـي علـى نيـل الأجـور أحيا حيـاةٍ مكسبـي فيهـا مـن البـر أفضلـه وأسألك جاهٍ مع هـل الدنيـا وحـظٍ مـا يبـور أيضاً وعرفٍ مـع هـل الحكمـه ورزقٍ تكفلـه من لا تهيّا لـه مقـامٍ مـع طويليـن الشبـور يبكي على ما ضاع من عمـره وخيبـات عملـه وإن شاب راسه لا ترجّى فيـه تجبيـر الكسـور لا خير فـي تالـي زمـانٍ مـا تغانمـت اوّلـه ومانيب ناسي قصةٍ صارت وأنـا أزور القبـور لا زلـت أفكـر فـي غرابتهـا وبالـي تشغلـه ساعة ظهر لي شايبٍ له حول قرنيـن محجـور في جوف قبرٍ عن هـل الدنيـا طـواه ويعزلـه سلّم وجا صوبي يقول : أبنشدك ياللـي تـزور عن حالة الدنيا وعن وضع الزمان وعـن هلـه أنا مضى وقتي ومـرّت بـي طويـلات الدهـور والباقـي بعمـري بعيشـه بينكـم واستكملـه قلت : الزمان اللي يبارينا علـى خبـرك يـدور الوقت نفسـه مـا تغيّـر ماشـيٍ فـي جدولـه أما البشر لا والله إلاّ غيـر مـن حـد الجـذور صار انتقالٍ مـن يميـن إلـى يسـار المنقلـه استغرب الشايب من اللي قلـت وبليّـا شعـور حط اليمين أعلى الشمال وخاطـره فيـه أسئلـه قال : افتني عن حالة الشيبان والشيـخ الوقـور أهل الخبر والراي والحكمـه وضـرب الأمثلـه القدوه أصحاب الأمور اللي تطـاع بكـل شـور اللـي يفضّـون النـزاع ويحكمـون المشكلـه قلت : البعض منهم على ما قلت في وصفك وقور قدوه ولكن رايهـم مـا ينفـرض فـي مسألـه الطاعه العميـا بقـا منهـا مجاملـة الحضـور اللـي تلاقيهـا مـع أوّل فـرصـةٍ متنصّـلـه والبعض لا عبـدٍ يخـاف الله ولا عبـدٍ شكـور لا زهّـده شيبـه مـن الدنيـا ولا هـو جمّلـه بهيمةٍ يرجـع علـى منحـاه الأوّل ومحصـور فـي لعـب بيلوتـه وريـح زقارتـه ومعسّلـه والبعض الآخر شابت رموشه على درب الفجـور ينقـل جـوازه للسفـر مـن مزبلـه لا مزبلـه أشيمطٍ زانـي قضـا عمـره بحانـات الخمـور والعايلـه ورعٍ يغـرّر بـه وبـنـت مهمّـلـه قال : افتني عن حالة الخفرات ربّـات الخـدور اللـي تصـان ببيـت عايلهـا وبابـه تقفـلـه شيهانةٍ تشمخ عفاف وتصقل فـروخ الصقـور بين الفريق ببشتهـا الضافـي وثـوبٍ تسبلـه قلت : العـذارى فـي زمنّـا ببغـاوات الطيـور تقليد هرج وعـرض ريـشٍ خلفهـا تستخملـه تلبس عباةٍ ضيّقت حـول الردايـف والخصـور فضيحةٍ تكشـف جسدهـا مـن علـوّه لأسفلـه وموضة شيالٍ تكشف الوجنات وألوان الشعـور والمحـرم تبـدّل بـجـوالٍ بيـدهـا تحمـلـه لا فوّحت صفر الدلال ولا عرفت غـش القـدور تطبـخ لـهـا خـدّامـةٍ بالعايـلـه متوكـلـه الأم ما صانت عفاف البنت مـن عمـر الزهـور والأب ديّـوثٍ تحكـمـه حـرمـةٍ مسترجـلـه وشلـون يتربّـى عيـال ام التبـرّج والسفـور إلاّ خنـازيـرٍ دمـاهـا بـــارده ومغـفّـلـه قال : افتني بحال الشباب الصلب صيّاد النمـور الفارس اللـي ينطـح خصومـه بزنـدٍ يفتلـه الوافي الشهم الغيور اللي لعرض الجـار سـور البار عند أمّـه وأبـوه وعلـم ربعـه يشغلـه قلت : الشباب بوقتنا وجهه مثـل بـدر البـدور والجسم من زود الرخا ما تنفتـل فيـه عضلـه قصّـة شعـورٍ صيّرتهـم لا إنـاث ولا ذكـور والثـوب راح ولا بقـى إلاّ عـالـمٍ متبنطـلـه ناسٍ ( فلنتينو ) وناسٍ تلبس ( كرستانديـور ) صار التنافـس بينهـم فـي لبسهـم والجنتلـه من كان يشرب من قرار البير مشروبه ( بيور ) والبل راعيها غدا يشـرب حليـب ( النستلـه ) ما منهم اللي قام دون أعراض جيرانـه غيـور من قام قالـو وشملقّـف حضرتـه ؟ وشدخّلـه والوالدين حقوقهم ضاعت وعنهـم فـي نفـور إن غـاب عنهـم لا تذكرهـم ولا جـاه الولـه بدّا عليهم شلّةٍ تهـوى الوطـا بيـن الجحـور لو تعزله عنهم تبـي لـه شـان كنّـك تقتلـه ما راح يوم يشارك ربوعـه بحـزن ولا سـرور حتى ابن عمّه يعرفه بالوجـه واسمـه يجهلـه بدّل حكاه وضيّع سلومـه وحالـه فـي دبـور وإن شاف ضيف يخش حتى إنّه يفـارق منزلـه ناظر لي الشايب بعينٍ تجمـع السبـع البحـور يقول : انا لا يمكـن ادخـل مجتمعكـم واقبلـه أنتو لكم وقتٍ تصـدّع مـن بلاويـه الصخـور ما يقعد الجمّال به ساعـه ولـو ضـاع جملـه الشاعر / ظافر بن لعور القحطاني 
|
|
01-29-2012
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
رد: أعظم قصيدة شعبيه في مناجاة الله (يوجد مقطع للقصيده)
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
