من مطبخي بسبوسة النستله

بسبوسه النستله
اليوم عملت بسبوسه وطعمها خرافي
ف حبيت اني انشر الطريقه لمحبي البسبوسه


" مقادير "
طريقه البسبوسه <<بعلبه القشطه >>
علبه قشطه
علبتين سميد
علبه سكر
علبه حليب بودره
ونص العلبه زبده سايحه
ونص علبه حليب البوني
ونص علبه النستله
ونص ملعقه بيكنج باودر
ونص ملعقه فانيليا أن مو متوفر عادي ماتاثر
تخلط جميعآ عادا السميد والبكنج بودر بالاخير
وع الفرن ثلث ساعه من تحت وعشر دقايق من فوق.
....


وبعد الفرن

"الشيره "
نص علبه البوني وثلث ارباع علبة النستله
نخلطهم مع بعض من غير مانحطهم ع النار
ونحطهم ع الوجه..ونغطي ع الصينيه بقصدير
ونحطها في الفرن مقدار من خمس إلى عشر دقائق
والفرن مطفي حتى بس تتشرب النستله مضبوط

..

طبعا لازم أوثق الطريقه بالصور هههه
وهذي الصور بس نسيت اصورها من البدايه
تذكرت بالآخر والحمدلله لحقت عليها
::









جربوها ترا روووعه والطعم احسن من بسبوسه الطازج
^_^

انتظروني في كيكة الدخن اللذيذة

ماشاءالله تبارك الله مبين انها لذيذه
تسلم يدك السفيره
وبالعافيه
تقييمي

رووووووعه


ماشاء الله عليك مميزه


تقييمي وتستاهلي 200 مشاركه

ماشاء الله تبارك الله
سلمت يدينك يالسفيره وجعله بالعافيه
شوقتينا للحلى الظاهر بنكسر الروتين ونلغي الحميه

نسيم - طيف - قناص
نورتم صفحتي بمروركم العطر

...

قناص جربوا الطريقه سهله جدا
تصير إدمان البسبوسه مع القهوه
ابغا تجاربكم
^_^

...

دمتم
...

ايوه هذي العمايل الي تمتع النظر وتفتح الشهيه ههههه
قد جربت انواع كثيره من البسبوسه بس ماراقت لي العاديه اشوفها اطعم لكن وصفتك عني جديده و سهله وتستحق التجربه
يسلموو ايدينك السفيره واجمل لايك وبانتظار جديدك

اهلا تميم منور
هذي تستحق التجربه
لاني برضه مااستسسيغ أغلب أنواع البسبوسه
لكن ذي بكل المقاييس لذيذه

....

لتصحيح عفوا
كتبت علبه سكر لان مقاديرها كذا.
لكن انا استغنيت عن السكر لان فيها اصلا نستله
وحسيتها بديل عنه وضعت رشة سكر بسيطه.
سكر مع نستله بيطلع حلاها زايد وماحبيتها
الا بالاستغناء عن السكر.
.

الله يعطيك العافية السفيره على الوصفه الشهيه
من شكلها بالصور رووعه .. تسلم دياتك المبدعه

ما شاء الله تبارك الله
طريقة مبسطة والطبخة تشهي
تسلم يدينك على الطرح المفيد

ماشاء الله تبارك الرحمن
تسلم اياديك السفيرة
الشكل يوحي بانها لذيذذه جدا ،، تدري ليش لان الحليب
المكثف صديق حميم للحلا ويعطيه مذاق خاص لايقاوم اضافة الى نفسك الحلوو
بالصحة والعافية عليكم

ودي انزل انا بعد حلاوياتي واكلاتي بس مابعرف كيف احمل
الصور من الجوال ، ياليت تسدحيلي اسم البرنامج الي تستخدميه
لتحميل الصور من الجوال للمنتدى وساكون لك من الشاكرين

سوسن وبحه تليديه
انرتم الطرح بتواجدكم
شاكره لهم جمال حضوركم.

.....

المشاركة الأصلية كتبت بواسطة ندى

ماشاء الله تبارك الرحمن
تسلم اياديك السفيرة
الشكل يوحي بانها لذيذذه جدا ،، تدري ليش لان الحليب
المكثف صديق حميم للحلا ويعطيه مذاق خاص لايقاوم اضافة الى نفسك الحلوو
بالصحة والعافية عليكم

ودي انزل انا بعد حلاوياتي واكلاتي بس مابعرف كيف احمل
الصور من الجوال ، ياليت تسدحيلي اسم البرنامج الي تستخدميه
لتحميل الصور من الجوال للمنتدى وساكون لك من الشاكرين

حياك الله ندى بعد غيبه
نورتينا 🌺
....

الحليب المكثف ماركة النستله تحديدا هو السر في جمال
المذاق. لأني جربت أنواع أخرى ماعطت نفس المذاق.

جربي الطريقه واعطيني تجربتك هنا:)
...

بالنسبه لمركز التحميل من الجوال انا مادخل الا من الجوال
والتحميل بسيط جدا

اكتبي بقوقل مركز تحميل الصور للجوال ويطلع لك اول رابط.
اسم المركز توب فور توب
وهذا رابطه
https://up.top4top.net/index.php
.....
ننتظر ابداعاتك


....

من مكوناتها واضح انها لذيذة
يسلمو دياتك السفيرة

ودي