قصيدة يابنت أنا نفسي عزيزه من الجار

هاذه القصيده للشاعر الكبير (ظافر بن معطى القحطاني)

يابنت انا نفسي عزيزه من الجـار
والله يساعد مـن يحـب الستيـره
ماني وانا ظافر بللجـار غـدار
يوم الردي يفرح بغيبـت قصيـره
الجار له عنـدي معـزه ومقـدار
ومن فضل ربي ماعلينـا قصيـره
لامن بغيت البيض يابنـت بختـار
بنت الشجاع اللي دروبه عسيـره
بنت الشجاع اللي لياجات الاخطار
ياقف مع ربعـه نهـار الكسيـره
فالمعذره يابنت بعد اللـذي صـار
ماابغيه ياتيلي مـع النـاس عيـره
طمعان في الجنه وخايف من النار
وزودن على ذا سمعتي في العشيره
واليوم انـا بشـد واغيـر الـدار
خلـن بـخـلان ودارن بـديـره
يوم الردي يصبر على اللوم والعار
وانـا ردي الرابعـه ماستشـيـره
لاصار مسكين على الغبـن صبـار
يسكت ولو شاف الحصاني تديـره
عساه وامثلاه لقصـاف الاعمـار
لاصار ماعنده احساس ٍ وغيره

طمعان في الجنه وخايف من النار

قصيده جميله جدا سلمت يداك الاخ ابو محمد دائما تتحفنا بماهو جميل

أخي أبو عبدالله شرفني مرورك


وفقك الله وزادك من فضله