تكفى ترا تكفى تهز الرجاجيل . ولولا ظروف الوقت ما قلت تكفى

السلام عليكم ورحمة الله وبركاته

اسعد الله جميع اوقاتكم بكل خير

اشتهر بيت من هذه القصيده حتى انه قّل من لم يسمع به

تكفى ترا تكفى تهز الرجاجيل . ولولا ظروف الوقت ما قلت تكفى

وخصوصا في رسائل الجوال ...

ولكن القليل من يعرف ان هذا البيت من قصيدة الشاعر ( عماش بن عبيد البديري المطيري ) من سكان هجرة العمار بالقصيم .

وهذه قصيدته المتضمنه ذلك البيت كاملة عندما مرت به ضائقه ماليه اثرت عليه .فقالها مسندها لـ مزيد بن سعد المطيري....

تكفى تــــــــرا تكفى تهز الرجاجيل

ولولا ظروف الوقت مــا قلت تكفى


تكفى يـــــا مزيد ما يبا العلم تفصيل

المشكلـــه كبرت على عماش تكفى


مــــا قلت تكفى غير من فترة الحيل

وانتـــــه ولد من يفعل الطيـب تكفى


انخاك من كثــــر العنـــــا والبهاذيل

الفقر حطمني .. وانــا ازريت تكفى


غديت مثل اللي بــرك ضامه الشيل

تضحك بي ضعوف الرجاجيل تكفى


يــــومٍ لك وقفه .. وجاه .. ومداخيل

مــــــا نغتني عن مثل شرواك تكفى


افزع تــــــــرا وقتي غدى كنه الليل

والعلم مــــــــــا يخفاك يالقرم تكفى


مـــــا عاد بي شده ولا عاد بي حيل

ضدتنـــي الايـــام ... والـقــلّ تكفى


اروح وارجع مــا حصلي محاصيل

والرجل بادت .. يا فتى الجود تكفى


واليوم عندك يـــــــا رفيق المشاكيل

العذر مـــــــــــا ينفع وانا قول تكفى


حيثك من اهل الطيب واهل المفاعيل

يـــــــا زبن من جاله ومن قال تكفى


الجيب فـاضــــــي .. واليالـي مقابيل

عجزت اعيش مع الرجاجيـــل تكفى


والراتب المحدود .. يـــــروح تحويل

من الاداره .. لاهـــــــل الديـن تكفى


حتى عيالــي مـــــا قدرت الهم الكيل

والازمــــه لا جـــات .. صديـت تكفى


ارجـــى الفرج والله يجيـب التساهيل

واعيش فـــي راحه مع الناس تكفى


والله كريــــــــم .. يبـــدل الحال تبديل

ومــا قلّ دلّ .. وصامـل الهرج تكفى

وفعلا ما قصرّ معه خويه .. فزع ووقف وقفت رجال ..

بيض الله وجهه . وسود الله وجه من باق بخويه .

أخ ـــٓي الفاضل أبو مسلم

عودتنا ع إبداعگ
ورُقي ذائقتگ
وجمال مواضيعگ
ف بوووورگ فيگ فلتستمر أخي

أختي


الخيالة السعوديه


شكرا على المرور والمشاركة


وفقكي الله وبارك فيك وزادك من فضله وتوفيقه

أبومسلم
قصيده رااااائعه وجميله جدآ
وأنا تروقني كثيرآ القصيده حين تأتي معها قصتها أومناسبتهابلأصح
أكرر شكري وعضيم ودي لك أخي الفاضل

أخي


أبا منير


سعدت بتواجدك ومشاركتك



وفقك الله وبارك فيك

قصيدة جميلة....وفعلاً اشتهر بيت ...تكفى

بس خسارة

تكفى غدت تنقال في كل الأحوال ....ما عد تكفى مثل تكفى القديمة

تحياتي ...لك

يابو سليمان

أخي


تليدي وافتخر


شرفني مرورك ومشاركتك وفقك الله