و تجارب الأيام تعطي فوائد ،

يقول الشاعر ..←↓↓


خاويت لي ثعلب وخاويت لي ذيب
و خذت من هذا وهذا فوايد

الثاني ارقاني بروس المراقيب
والأول اوقعني بروسط المصايد

سايرتهم من شان فهم الأساليب
حتى كسبت من التجارب شهايد

حتى عرفت اطباع بعض الأصاحيب
وعرفت ويش اختار وقت الشدايد

ما كل من خاواك يرهي لك الطيب
ولا شك بالأجواد ناقص وزايد

رجل على الشدات ماعنه تجنيب
ورجل على الشدات خله محايد

ولا كل هقواتك مع الناس بتصيب
هذا على ما قيل علم الوكايد

كم واحدٍ تهقى به الطيب ويخيب
تقول ما عنده سلوم وعوايد

وكم واحدٍ تطوي به الجرح ويطيب
في ساعة الشده وسيع البنايد

هذا حصاد الفكر بعد التجاريب
و تجارب الأيام تعطي فوائد

حتى عرفت اطباع بعض الأصاحيب
وعرفت ويش اختار وقت الشدايد


رووووعه
تمتلك أحاسيس جميله ومعاني راقيه
دمت ودام نبض قلمك المميز
لك كل الشكر والتقدير

شاعر جمع من الحكمه الكثير في هذه الابيات
جميله جدا ياراعي
وفقك ربي

أبيات جميلة
واختيار راقي
يسلمو راعي الفزعة
تقديري