عروس ليلة الدخله وطلب غير متوقع من زوجها

السلام عليكم ..

قصه اعجبتني


امتحان عروسه في موقف كاد يسبب في انتهاء حياتها وتطلب الطلاق من أول ليله في زواجها .

بعد الزفه والحفل في قصر الأفراح اخذ الزوج زوجته وذهب الى الشقه
المهم ما دخل صاحبنا شقته مع زوجته وساعة جلستهم وانواع الاحراج والحياء اللي راكب الزوجه والزوج اللي مسوي روحه فاهم وعاقل وذيبان ورومنسي وكل صفه زينه فيه ....> (*ــ^)
وإذا بجواله يدق ويطلع جواله الايفون يجخ فيه عند المدام ولا يعرف له زين لان كان معه قبل كذا جوال 95 ....>(*ــ^)
الوكاد رد الزوج على الجوال ....>
الزوج : ألووووو.
المتصل : السلام عليكم .....>(مسوي اخلاق )
كيف حالك يا (يالمعرس) و ألف ألف مبروك .
الزوج : وعليكم السلام وصار يتكلم كانه ايام العزوبيه واللهجه العاميه ونسى الرومنسيه , وينكم يا أنذال ما حضرتوا العرس يا تعبانين هذي اخرتها .
المتصل ينصب : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك رحت مع المدام.وهالحين حنا راجعين الديرة... (طبعاً الديرة تبعد حوالي 200كيلو)
الزوج : المهم انتم تعشيتوا .
المتصل : لا والله.
ويقاطعه الزوج بسؤال: كم عددكم؟
المتصل : عشرة.
الزوج : أقولك (حرام طلاق عشاكم الليلة عندي) قل تم.....> خربها من اول ليله طلاق ياخرااااشي.
المتصل : يا ابن الحلال (عدل بدل منا مناك يتعذر).
الزوج رفض كل الأعذار: يالله أنا أنتظركم مع السلامه. وقفل الخط.


الزوجه المسكينه فاتحه اثمها وميهي مصدقه اللي سواه زوجها هذي وهي اول ليله اجل كيف العمر كله ....>
ثم فاجأها الزوج قال : يا فلانه أنا رايح السوق وراجع.
الزوجه تفكر قالت اكيد راح يجيب لهم عشاء جاهز من حدى هالمطاعم .

بعد ربع ساعه رجع الزوج ومعه أغراض العشاء .!!.

قالت الزوجه : وش ذا .
قال الزوج : الله يسلمك قومي سوي العشاء لزملاي في العمل جايين من بعيد ولا تعشوا .
الوكاد وهو يوصيها على العشاء ويقول لها عن عددهم ويسمع الباب يدق .
قال الزوج :هم ذولا وصلوا يالله همه يامره لا تفشليني عند زملائي .
وراح عند ربعه يقهويهم.
المهم المسكينه في المطبخ تقطع البصل والدموع اربع اربع و الطماط تلطخ بفستان الزفاف وعيونها تدمع وتقول في نفسها ( من بكره خلاص بارجع عند أهلي من الصبح وأطلب الطلاق اللي هذا أولها ينعاف تاليها )
المسكينه سوت العشاء وتعشوا الرجال عندهم .ومشو لديرتهم والمسكينه تفكر ومتضايقه كيف بيقولون الناس عنها مطلقه . والافكار هات وجب .






المفاجأة .............................. >









































أن زوجها يدخل عليها ويرمي قدامها 50000 خمسين ألف ريال

قال الزوج : هذا حقك .
قالت الزوجه : وشو حقه .
قال الزوج : هذا الله يخليك رهان بيني وبين زملائي العشرة اللي تعشو عندي ان كل واحد فيهم يدفع 5000 اذا طبختي العشاء بليلة الدخلة وانتي هالحين انتي ورايك تبغين الخمسين الف وتكسبين الرهان او لا .
قالت : موافقه موافقه
واخذت الخمسين الف وراحو يقضون شهر عسلهم في كل مكان من العالم واصبحو اسعد زوجين بالعالم والان يعيشون حياتهم برومنسيه وحب وبرخاء سبت هالخمسين الف .

•┈┈┈••✦✿✦••┈┈┈•
‬

ههههه قصه طريفه فعلاً…
ربما الشاهد هنا والخلاصه نقول أنه صبر الزوجه وعدم رفضها أو أفتعالها مشكله مع الزوج فربما كان خسرت ماهو أكثر من الرهان
ولاكن نهايت الصبر لا تأتي إلا بالخير..


الف شكر لجميل أختيارك

والله مافي شي غريب خصوصا مع تقليعة المقالب اللي صايره الايام هذي كثير بس تستاهل الزوجه وجاها رزق ماكانت حاسبه له حساب ههههههه
يعطيك العافيه راعي الفزعه والف يسلموو

راح زمن المثاليات وقد ذهب وولا
لو وحده من جيلنا طقت بكاء وقهر واتصلت ع اهلها تعلمهم
وتقول بسرعه تعالو خذوني ماابيه هههههههههه
عني مبي فلوسهم عساهم بحريقه هم ورهانهم هههههه

يسعد صباحك راعي الفزعه ع هيك حدوته من زمن الطيبين

جميل جدا صبر الزوجة
وهيا الان مع زوجها ولابد تتبع أوامره وتلبي طلباته وإن كانت يوم زواجها فيها قهر بعض الشئ
لان لابد هو يدللها بس من وجهه نظري لابد تقوم تعمل العشاء عشان ماتفشله عند أصحابه
وتستاهل ماجاها من رهان
وهو بعد أصيل لانه أعطاها كل المبلغ وما أخذ شي
المهم إني تحمست مع الطرح هههههههه
تسلم راعي فزعه ربي يسعدك

ههههههههههههههه
أبو منير „ تميم „ الحرة „ طيف
شكراً لهذا المرور الجميل
استنار متصفحي بهذا القدوم
دمتم بـ خير

•┈┈┈••✦✿✦••┈┈┈•
‬