ابيات الليل حالك

قصيدة الليل حالك ( شقر )

السلام عليكم

قصيده على طريقة الشقر الجنوبي وهو يعني :
تشابه لفظين في النطق واختلافهما في المعنى، وهو في اللغة المحسن اللفظي ( الجناس) بنوعيه التام والناقص .


طال النوى .. والليل حالك
دوني و دونك مهمهة بيد..

طيّب ولا ادري كيف حالك ؟!
لين احتفي و اصافحك بيد ..

في محني الاضلاع شالك
قلبي ولك خضر العناقيد

ما يمسح الدمعات شالك
دام المفارق .. والعنى قيد

ما هالني يالترف ... هالك
بعد وداعك ... ثالث العيد

قلت المحبه ... كلها لك !!
واقول لك يامهجتي عيد

أسئل واجاوب عن سؤالك ؟؟
وقل ما طرى لك يا تلع الجيد

قلبي ومكنونه .. سوا لك__
وانت اللبيب وفطنتك جيد

ما ضاق درب ولا مسالك
للي ... يعرفون المواريد ،،

الصبح كله .. والمسى لك
ياصاحب اوجان ٍ مواريد


م/ن... البرقاوي

ابيات جميلة جدا وفي من البلاغة الفظية مع اختصار الكلمات
وتجانس المعاني والالتزام بالقافية في كلا شطري البيت الواحد
وتوارد المعاني وتسلسلها جمال الابيات فوق المميز
صح لسانك اخي ابا عادل ابدعت بكل ما تعنيه الكلمة

صح لسانك أخي تميم
كلام جميل ورائع
سلمت يداك ووفقك الباري
لك شكري وتقديري

ابداع شعري
تسلم يمناك تميم

ما هالني يالترف ... هالك
بعد وداعك ... ثالث العيد

قلت المحبه ... كلها لك !!
واقول لك يامهجتي عيد

صح لسانكك اخ تميم
منقول ثري ورائع
يعطيك العافيه
سلم لنا بريق حظورك

ابوفواز وطيف وابونادر وراعي الفزعه
نورتو الطرح بنور مروركم
لاعدمتكم غالين