من محطات إبراهيم الوافي ..

المحطة الرابعة ..!


أكابر والقلوب ألوانْ
من الأسود إلى الأخضر
من الأبيض إلى الأخطر
كتاب أمّي ..!
ومن همّي
كتبت إن السما بيضا وميراث الشفق أزرقْ
وقلب الغايبة أرفقْ
وميلاد القمر عنوان
متى الشاعرْ ؟!
إذا مرّة عشق .. يكتبْ
أو العاشق .. إذا مرة كتب يكذب ؟!
أنا الإنسان
أكبر همي النسيان
في عيني ..
جمعت النور والبهتانْ
في قلبي .. كِبِر بستان
شوكُهْ .. آخرُهْ وردهْ
وأسفاري بلا عودهْ
وتذكاري حكاوي .. كلها تبدا بــ .. ياماكانْ :
قلم فوق السطور أحمر
وعاشق شاغل الجيران
عطر تركيبته ( ليلى )
وعين الغايبة نجلا
وأنا عطشااانْ ..!
أمانة لاذكرتيني وقلتي ( كانْ )
خذيني من تفاهاتي .. وغلطاتي
وصورة طيفك الفتّانْ
أكاااااااابر .. لاتروحي هناك تنسيني
مواقف .. ما تصير الحين تلقيني ؟!!
بلا حرمانْ
شواطي صوتك احساسي
وآخر صمتك أنفاسي
ومهما كانْ
أحبك ماقدرت أخفي
إذا كنتي مرض ياااااااارب لاتشفي
بَمُوت الشاعر الولهانْ ..!

مسا قلبي ..مع غيابك
يتيم .. وموعده بابكْ
سأل يا رب وش جابكْ ..!
خلاص الوقت نسَّاني
رضيت بجرحي الأولْ
رضيت بطعم حرماني
أنا ماعاد ليه قلبْ
خلاص أعطيته الغايبْ
أنا تايب
أبد ما أحب ..!!
تحبيني .. ؟!!
خذي من وقتي الباقي ورديني
أنا ماعاد ليه قلبْ
يحبك لو تحبيني ...!!!


حرام نزاحم الشارع ونملا حزننا سكَّان
غصون أحلامنا مالتْ على سور احتمالاتي

كأنَّ أيامنا غيمة .وعهدي بالشجر عطشان
شِرب لكن جفاف الوقت من بعض ابتهالاتي

خبزنا البرد والذكرى سوى في مخبز الأشجان
شبعتي من بداياتي و جوَّعتي نهاياتي

أنا ما اسوِّق احساسي .. خلقني ربي الرحمن
أشوف ان النخل مني .. واحلّق في سماواتي

صحيح اني فقير الحال .. تعمي عيني الألوان
أجوع وعزّتي تشبع وتسرف في كراماتي

هدايا ها الفقير ابقى .. وراها حرصك الديَّانْ
يطالبني .. يحاسبني ... يجرِّدني إراداتي

وانا من طيبتي راضي .. احس بجنة الرضوان
أمد أحلامي البيضا على جسر اختلاجاتي

أسامحْ ؟! .. ليت فيَّه حيل بس أعفي عن اللي كان
أصدّق كذبة الأنثى . ولا اشك افــ.... كتاباتي ..!!



إبراهيم الوافي ..

يعطيك العافيه اخي ع الطرح

قراءة ممتعه.. يسلمو الحريصي
الله يعطيك العافيه

محطه رائعه من الإبداع
يعطيك العافية الحريصي للجلب
دمت ودام ذوقك المميز
كل التحايا
.....

اختيار اكثر من رائع
سلمت يدينك