ابيات نصيحة تكتب بماء الذهب

يالعبد لو تملك ملايين بالبنك
ماتنفعك مادمت لله عاصي

تدري وش ألي يجلب الضيق والضنك
ان كان ماتدري تراها المعاصي

وان كان تدري يافتى خلها عنك
من قبل يوماًبه تشيب النواصي

ترى بلاك وعلتك كلها منك
مار إسأل المعبود منها الخلاصي

وارجع قبل في باطن الأرض ندفنك
ماينفعك لامت داني وقاصي

لاضامناً حياُ ولا حي يضمنك
ماللبشر عن مايقدر مناصي

واحذر تصير النار دارك ومسكنك
اللي حرارتها تذيب الرصاصي

وممشاك مع رجلاُعزيزاُيثمنك
ينفعك لاجا في السنين اختباصي

يمشي قدر واجبك ماهو بهاينك
يكمل مطاليبك ليا جيت ناصي

يعجبك لاحطيت مثله على ايمنك
قرماُ يحل المعضلات العواصي

واحذر تماشي واحداُ مايواطنك
اليا بدالك واجب(ن) عنك حاصي

منقووووول

قصيده كلها حكم وتجارب وتستحق النشر
بوركت يمناك الرحال والله من اجمل المنقول

ابيات جدا رائعة حوت نصائح قيمة واهداف سامية
اللهم اني اسألك رحمة من عندك تهدى بها قلبي .
الف شكر وتقدير اخي الرحال

قصيدة رائعة وراقية
شكرا لك وبارك الله فيك

الاخ : تميم
الاخت ندى الجنوب
الاخت رذاذ المطر

انتم من جمل الموضوع بحضوركم السخي تقبلوا خالص تقديري