على حد الزمن واقف ..وأشاهد عبرة الايام

على حـد الزمن واقف .. وأشاهد عبرة الأيــام
وشمس العمر تغرق في بحرها .. لين يخفيها

وأشوف الليـل يكبر .. والنهار يذوب في ظــلام
حزينة لحظة المغرب .. وداع النور يطفيها

وأشوف الموج يرقص .. والدموع من السحـاب رزام
عجيبة رقصة الموجة .. ودمع الغيم يبكيها

وأشاهد غربة الموجه .. لقت عقب السفر مقــام
على رمل السهل .. تالي زبدها ما يوعيها

سرى بي هاجس الذكرى .. على متن الخيال .. وهام
يرد الذهـن لأيام تعدتني لياليهــا

أضم الطيف بعيوني .. وأعانق ساري الانســـام
واردد نغمة الماضي على قلبي .. وأغنيها

ألا يا ليـــل ..يا ليل الغريـب اللي سهر ما نام
تـذكر له عل بعد المســافة عين يغليهـا

أمانه يا قمـــر .. يــا ســاري بالليل خذ سلام
وصبـه شـوق في عين الذي عيني معنيها

حنين الولف .. ياهل الولف .. يجلب للقلوب هيـــام
ومن يجرح قلوب الولف .. لابده يداويهـا

اغني للقلـوب .. اللي عــزاهــا بالحيــاة أحلام
وارد الشـان .. لاهــل الشــان .. بأولها وتاليهــــا

للشاعر..خالد الفيصل .. ( دايم السيف )

صح لسان الشاعر خالد الفيصل

شكرا قصيدة جميلة

ابدعت في حسن الأختار

فارس الابداع

اسعدني مرورك

العطر الف شكر لك