الاقارب عقارب !؟

فيه مقوله للعرب قديماً تقول
: الغرائب أنجب , وبنات العم أصبر,
, وفيه مقوله ثانيه تقول:
الأقــارب عقارب ..


كثير بنات يكرهون طاري الزواج من ولد العم.
والعكس
بعض الشباب ما يتزوجون من بنات العم ومن الاسباب الي استغربتها
شخص يقول ما يتزوجها لانها بتطلع تشبه اخوها وهو على باله انهم سواء
هههههههههههههههههههه

الله اعلم لماذا.
يعني البعض اهم اسباب واهمها يعني الامراض والخ

لكن البعض نفسيا لا بدون اي سبب ما يتزوجون عيال عمهم

هههههههههه


وشرايكم بالموضوع.

وش الموضوع والمغزى ان بعض البنات يكرهون عيال عمهم
والشباب بعضهم ما يحبون يتزوجون من بنات العم وبعضهم ماعندهم مشكله بس مرفوضين من بنت العم
هههههع



وهل تؤيدون زواج الأقارب أو ترفضــونه؟

ياليت تتحفــوني بآرآئكم بخصوص ذا الموضوع

يعطيك العافية غيمة الجنوب
اتحفتينا بموضوع هام للغايه
ملينا منه واحنا نسمع عليه كثير
لكن يظل محور نقاش لأنه حاصل

..
لي رده إن شاء الله تعالى
فقط أتيت لختم الموضوع وإضافة الحصريه
لاعدمناك من أجمل الموضوعات هنا
...

موضوع هاام جدا
ابدعتي غيمة

حجز مقعد ولي عوده ..

عادة يكون عيال العم منذ الطفولة وهم قدام بعض
لانهم يعتبروا عايلة واحده ويلتقون باستمرار

في هذي الحال ايش يصير
حاجة من ثنتين
اما يتعلقو ببعض والنتيحة حب وزواج
او يصيروا عادي مايعنوا لبعض شي
ولد عمي وخلاص ومافي اي مشاعر
تربطهم ببعض …

في النهاية
اذا العيال يبون بعض
خلاص انتهى الموضوع

اما ان نفرضهم على بعض فأكيد
النتيجة زواج فاشل ..)

وفي الاغلب ان القريب اولى من الغريب
لانه ممكن يراعيك ويهتم فيك ويحترمك
من باب صلة القرابة اما مشاعر الحب والدلع والرومانسية
فهي تتلاشى مع مرور الايام ووجود الاطفال ..

واحتمال بعض الشباب يفجر كل شي ويروح يتزوج عليها
ويقول هذي بنت عمي او خالي وعلى راسي
ماراح افرط فيها ..!)

عاد ترضى او ماترضى هذا موضوع ثاني ../

بالنسبة لي مؤيدة لزواج الاقارب
اذا ماكان فية تاريخ لامراض وراثية في العايلة .

وفي كلا الحالتين تجي وتروح عالقسمة والنصيب

اما بعض الاقارب فهم عقارب ومن هذيك
السوود اكبر شي / يالطيف يارب..

وبعضهم والله كالبلسم به تطيب الحياة ..

الف شكر غيمة الجنوب
لموضوعك الجميل والهادف

تقديري واعجابي وكل المحبة ..

يعطيك العافية غيمة الجنوب
اتحفتينا بموضوع هام للغايه

انا ارى انه لا شئ فيه فزواج الاقارب له عدة فوائد فالام مثلاً او الاخوات قد يعرفون بنت العم او العمة الخال او الخالة ويعرفون اخلاقياتهم زين

ما اشوف في مشكله في زواج الاقارب غير الامراض الوراثيه وبعض المشاكل العائليه الي تستمر ولازم تلحق البيت الجديد برضو هههه بس مقدور عليها اما غيره فمايمنع واشوفه افضل للبنت نفسها اكثر من الولد ع الاقل تنتقل لبيئه هي عايشه بوسطها وعارفتها ومو بعيده من العيشه الي كانت بوسطها من اول ولاتتفاجأ بوضع وناس قد يكونون مختلفين عليها و ع ماتعودت عليه ويمكن تتعب حتى تتأقلم ع الوضع لانها مابتاخذ زوج فقط ع قدر مابتعيش بين عايله وبتختلط بجماعته وزي كذا
الموضوع كله نصيب وصراحه يمكن في اختلاف بين نظرة كل شخص وشخص هل يبغى من عند اقاربه اولا مع ان الاغلبيه باقي ع الدقه القديمه تجي الام وتطرح خيارات ع الولد وكلهم يابنت عم يابنت خال وهذا يدربي راسه ويوافق ع اقربهم ويخطب ويتزوج
عاد اصحاب المزاجات والتشراط فماعد هو من صالح البنات تتشرط شويه وقدهي عاقر والا بعد ذي الكلفه تطب لها في واحد ماترتاح معه

الموصوع مثير وكبير صراحه يستحق السوالف ويستمرررر

اهلا فيك غيمه ً
والمعذره لتأخير

..
ماشاءالله االي سبقوني كفوا ووفوا
شوفي انا مع وضد بنفس الوقت

مع لأن ولد العم من الأقارب عزوه ً وسند بيكون
وماراح يبهدل البنت كون يعمل حساب عمه عمته
ومن هذا القبيل...

ضد لو بينهم مشاكل ومشادات لأمر مآ
لأن راح تسوء الأمور وبينهم ويكون مثل الثأر
وإن كان فيه مرض..صعب يكون الأطفال ضحايا.

...

الرفض اتوقع ممكن يكون تغيير بعيدا عن القرابه
او للبعد عن المشاكل اوتحسين لنسل او ربايتهم
مع بعض ف يشعرون انهم اخوه واخوات..

....
كلمة الأقارب عقارب صراحه هذي الكلمه بنظري
لابد بترها صعب نقول الأقارب عقارب أجل ويش بقينا
لناس الغرب..
الأقارب بنظري عزوه قوه سند وجودهم دليل لقوة العائله
لتمتداد لها...
بالرغم يوجد أقارب الله المستعان الغريب أفضل منهم
...
تسلمين غيمه الجنوب
لاعدمنا مداد قلمك
دام نبضك
...

المشاركة الأصلية كتبت بواسطة السفيره

فقط أتيت لختم الموضوع وإضافة الحصريه
لاعدمناك من أجمل الموضوعات هنا
...

تم الاضافة (الحصريه)
200م +200ت
لاعدم
...