يالله عليهم يالرجال المناعير

يالله عليهـم يالرجـال المناعـيـر

يالله على الحوثي نكب الرصاصـي

حنا وطنـا مـا تصيبـه قواصيـر

وارواحنـا تفـداه والعـزم قاسـي

شوفو صقور الجو فوقـه هواديـر

غـاروا بترنيـدوا تهـز الاساسـي

واليوم يومك يالوطن لـك محاذيـر

من يعتدي يلقى لهيـب الرصاصـي

الجيش في الميـدان جاهـز بتدبيـر

والجوا مكسي بالصقـور الحماسـي

اشتقـت للبدلـه ولبـس البساطيـر

وقلبي مع جند الوطن قبـل راسـي

هليت دمـع العيـن عجـل بتعبيـر

ياليتنـي ويـا الرفـاقـه نقـاسـي

واحمل سلاحي والرصاص المشاهير

واغير مع جند الوطن في حماسـي

بس المرض خلى حياتـي مقاديـر

وحطم شموخ النفس دكتـور قاسـي

قاعدنـي بتقريـر طبـي و تبريـر

واحرمني الميدان وارض الرصاصي

يالله تعز الدين والارض فـي خيـر

مادام ابو متعب على الشعب راسـي

والمعركة فيهـا نشامـي مغاويـر

تمحى ظلام اليـل والعـزم قاسـي

وهـذى تحيـة للرجـال المناعيـر

اللى عن ارض العز زادت حماسـي

والله يجمعنـا بكـم يـا المغاويـر

وينصر وطنا على القرود الخساسي

اللى تحرك بامـر نجـاد وزعيـر

وراحت كما الجرذان تحت النحاسي

الفكر ضايع واليمـن عندهـم غيـر

واصبح لهم ديـن جديـد القياسـي

ومادام جندك يالوطن لـك سواهيـر

يموت من يعـداك والمـوت قاسـي

صح لسان الشاعر

وسلمت يمناك اخي الغالي كاكا

قصيدة رائعه جدا يعطيك العافية